النترا ولا فورد فوكس ولا فلونس ولا استرا؟؟؟

[dr.3omda]

أنا ناوي أشتري عربية زيرو إن شاء الله عشان تعبت من المستعمل وقرفه.
محتار بين الهيونداي النترا والفورد فوكس والرينوه فلونس والأوبل استرا...

حد يفيدني في الإختيار
كانت عجباني جدا النيسان جوك لكن مشكلتي معاها إن الشنطة صغيرة.

أنا محتاج العربية إنها تكون واسعة تشيل عيلة 4 أفراد مستريحين وتكون شنطتها واسعة وسحبها يكون حلو وتكون ثابتة على الطريق. وشوية تكنولوجيا و أوبشنز بقى جوه وتابلوه يكون شكله حلو.

اسعار قطع الغيار مش عارف هتفرق قوي ولا لأ لاني أكيد هأمن عليها لأن حوادثي كتير الحمدلله :D
لو أنا فاهم التأمين غلط ياريت حد يوضحلي.

شكرا.

[yasser100]

ما عليش مع احترامى للجميع طلع الالنترا من المقارنه مع الفوكاس و الفلوينس و الاسترا .
وسع و مساحه داخليه و شنطه و عائليه و اوبشن و فخامه فلوينس .

ثبات فوكس و استرا بعد سرعات 160-170

قطع غيار من حيث توافرها فى السوق رينو ثم الاوبل ثم الفوكاس .

اسعار قطع الغيار اغلاهم الفوكاس و الاوبل و الرينو زى بعض تقريبا .

التوكيل الافضل رينو eim , اوبل منصور , فورد اوتو جميل .

بالتوفيق .

[kaza]

الفورد الافضل وسيبك خالص من الاوبل لانها الاسوء بجدارة وبلاعة قطع غيار وصيانة والرينو كويسة لكن يبقي انها فرنسية وبالنسبة لي عندي حساسية من اي عربية فرنسي لتعقيدها ومشاكل الصيانة ..الفورد عفشة زي الحديد وموتور عصبي واستهلاك وقود متدني وماتدورس علي سعر اعادة بيع لان الموازين في مصر مقلوبة لصالح الكوري والصيني دخل اللعبة ...بالمناسبة الالنترا برضة كويسة بس كوري وواخدة جائزة احسن تصميم 2011واستهلاك الوقود زي الهوندا

[dr.3omda]

ما عليش مع احترامى للجميع طلع الالنترا من المقارنه مع الفوكاس و الفلوينس و الاسترا .
وسع و مساحه داخليه و شنطه و عائليه و اوبشن و فخامه فلوينس .

ثبات فوكس و استرا بعد سرعات 160-170

قطع غيار من حيث توافرها فى السوق رينو ثم الاوبل ثم الفوكاس .

اسعار قطع الغيار اغلاهم الفوكاس و الاوبل و الرينو زى بعض تقريبا .

التوكيل الافضل رينو eim , اوبل منصور , فورد اوتو جميل .

بالتوفيق .

شكرا على ردك
بس ليه ياباشا، إيه مشكلة الالنترا؟

أنا دورت في الموقع هنا لقيت من مشاكل الفوكس إنها ضيقة شوية والفتيس بينتش.
الفلونس الكلام عنها جميل بس أنا لما ركبتها حسيتها قديمة من جوه مش 2014 مش زي الفوكس أو الالنترا مثلا.
مشفتش أي حاجة عن الاسترة سواء حلو أو وحش.

[dr.3omda]

الفورد الافضل وسيبك خالص من الاوبل لانها الاسوء بجدارة وبلاعة قطع غيار وصيانة والرينو كويسة لكن يبقي انها فرنسية وبالنسبة لي عندي حساسية من اي عربية فرنسي لتعقيدها ومشاكل الصيانة ..الفورد عفشة زي الحديد وموتور عصبي واستهلاك وقود متدني وماتدورس علي سعر اعادة بيع لان الموازين في مصر مقلوبة لصالح الكوري والصيني دخل اللعبة ...بالمناسبة الالنترا برضة كويسة بس كوري وواخدة جائزة احسن تصميم 2011واستهلاك الوقود زي الهوندا

يعني إنت ترشح أنهي واحدة منهم يا باشا.

مع العالم إن لو الانترا هتكون HighLine لكن الباقيين هتكون غالبا الفئة التانية عشان تناسب نفس السعر.

[dr.3omda]

أنا برضو خايف من الفتيس الcvt بتاع الرينوه إن السحب مايكونش زي ما أنا عايز.

[yasser100]

شكرا على ردك
بس ليه ياباشا، إيه مشكلة الالنترا؟

أنا دورت في الموقع هنا لقيت من مشاكل الفوكس إنها ضيقة شوية والفتيس بينتش.
الفلونس الكلام عنها جميل بس أنا لما ركبتها حسيتها قديمة من جوه مش 2014 مش زي الفوكس أو الالنترا مثلا.
مشفتش أي حاجة عن الاسترة سواء حلو أو وحش.

انت طالب عربيه عائليه . الالنترا مش واسعه .

انت طالب ثبات على سرعات الالنترا ما تقدرش تمشى بها على 160 .

انا ما عارفش انك عايز الفئه التانيه فلوينس . طبيعى انها مش هاتكون بالفخامه اللى انت طالبها فى الصالون . فخامة الفلوينس بتبدأ من الفئه التالته e3 و دى بتبدأ من 170000 و لكن حتى الفئه التانيه اكتر اوبشن من الالنترا .

لو بتتكلم فى سعر 150000 ارشح لك اللانسر الشارك بجداره . سحب و موتور و اعتماديه و عاليه عن الارض و شكل حلو و ثبات كويس .

نصيحه الفلوينس و الفوكاس و الاسترا تتركب الفئات العاليه منها . و ان كانت الفلوينس الاعلى اوبشن فى سعر ال 155000 .

[dr.3omda]

انت طالب عربيه عائليه . الالنترا مش واسعه .

انت طالب ثبات على سرعات الالنترا ما تقدرش تمشى بها على 160 .

انا ما عارفش انك عايز الفئه التانيه فلوينس . طبيعى انها مش هاتكون بالفخامه اللى انت طالبها فى الصالون . فخامة الفلوينس بتبدأ من الفئه التالته e3 و دى بتبدأ من 170000 و لكن حتى الفئه التانيه اكتر اوبشن من الالنترا .

لو بتتكلم فى سعر 150000 ارشح لك اللانسر الشارك بجداره . سحب و موتور و اعتماديه و عاليه عن الارض و شكل حلو و ثبات كويس .

نصيحه الفلوينس و الفوكاس و الاسترا تتركب الفئات العاليه منها . و ان كانت الفلوينس الاعلى اوبشن فى سعر ال 155000 .

السعر اللي أنا مخططله في حدود من 170,000 ل 180,000 بس مش عارف أسامي الفئات بالضبط

[superdry90]

الفورد الافضل وسيبك خالص من الاوبل لانها الاسوء بجدارة وبلاعة قطع غيار وصيانة والرينو كويسة لكن يبقي انها فرنسية وبالنسبة لي عندي حساسية من اي عربية فرنسي لتعقيدها ومشاكل الصيانة ..الفورد عفشة زي الحديد وموتور عصبي واستهلاك وقود متدني وماتدورس علي سعر اعادة بيع لان الموازين في مصر مقلوبة لصالح الكوري والصيني دخل اللعبة ...بالمناسبة الالنترا برضة كويسة بس كوري وواخدة جائزة احسن تصميم 2011واستهلاك الوقود زي الهوندا

الاسترا رقم ٣ مبيعا في فئة ال compact cars في اوروبا بعد الجولف و الفوكس. أظن لو هي الاسوأ مكنتش انتشرت بالشكل ده في مصر و خصوصا ان توكيلها سئ زي مانت بتقول . ايه الي يخلي الناس تجيب الاسترا و متجبش الفوكس؟!!!!!! مع ان الفوكس احسن علي كلامك. لعلمك الاسترا الحالية هي اكتر عربية باعت لاوبل في مصر في تاريخها !

[S O P H O S]

الرينو او الاوبل

[ibrahiiimooo]

انا مش عايز اخش في موضوع المقارنات ده انا بس لي تعليق بسيط على الاخ ياسر
الانترا ايييه اللي مش واسعة، ده الالنترا من وسعها الداخلى المهول بيفكروا في امريكا يصنفوها على انها large family car
اقرا الريفيوهات بتاعه العربية في امريكا و حضرتك تتاكد من كلامي

[ahmzd]

رأيي : فلوينس أولا ، وأسترا ثانيا ، ومفيش ثالثا بالنسبة لي.. والله أعلم.

[kaza]

يعني إنت ترشح أنهي واحدة منهم يا باشا.

مع العالم إن لو الانترا هتكون highline لكن الباقيين هتكون غالبا الفئة التانية عشان تناسب نفس السعر.

ياباشا تبقي الالنترا ..من عير تفكير والافضل لمصر من ناحية الانتشار والكماليات وتوافر قطع الغيار والاتساع والتصميم وسعر اعادة البيع....وفي الاول والاخر استخير الله وشوف انت ميال لاية ....تحياتي

[ENG\AHMED]

رأىى الشخصى اتفرج انت على العربيات واقرا عنها وشوف احتياجاتك وقرر
كل واحد هيقولك على اللى عنده الاحسن وهتلاقى نفسك تهت ومش هتجيب حاجة

لو هنتكلم على العربيات اللى ذكرتها وبرده انا لازلت عند رأىى الاولانى

لو بتدور على سعر اعادة بيع (انت بتقارن سوق مش عربية)
يبقى الالنترا وبعدها الفلوانس


لو هنتكلم على صيانة وقطع غيار
كلهم اسعارهم غالية لو هتتكلم فى التوكيل وممكن تلاقى الهيونداى اغلى من حاجات تانية (عكس مالناس بتقول)
ولو حد قالك قطع غيار الفورد نار ومش موجودة سيبة وامشى

لو هتتكلم عن قطع غيار خارج التوكيل وبدائل الاصلى يبقى الهيونداى


لو هنتكلم على اعتمادية وثبات وامان وعزل ووووو
الفوكاس والاسترا

لو وسع ومساحة
الهيونداى والفلوانس ( الهيونداى قعدتها غبية شوية ورا لو انت طويل بسبب ارتفاع السقف)


فخامة وشكل وتقفيل
الفوكاس والاسترا

كماليات
راجعة للفئة اللى هتشتريها فى كل عربية , الفلوانس مميزة شوية فى الجزئية دى انها هتديك كماليات اكتر فى الفئات الاقل وبسعر اقل ... باقى العربيات وبالذات الفوكاس والاسترا هتلاقى نفس الكماليات بس فئات اعلى وسعر اعلى

[KSAYEDS]

مساء الخير :
الأخوة الافاضل... شكرا علي طرح الموضوع المهم و المفيد.
اسمحوا لي : انا معايا اوبل 2012 استرا. و الحقيقة هي عربية مميزاتها :
الثبات و الاتزان
الأمان
الشكل (نسبيا ناس بتفضلها)
أهم المساوئ:
قطع غيار اسعارها مبالغ فيها
توكيل سيء جدا
ناس كتير بيشتكوا من الكركرة و النتشة في الفتيس
سعر إعادة بيع سيء

استغربت كان حد بيقول أنها منتشرة... عموما هي في مصر منتشرة شوية بس طبعا غير الهيونداي و الياباني و ده من أهم أسباب أن سعر إعادة البيع سيء.
حضرتك شوف هتقدر تتحمل الباكيدج اللي فوق دي و لا مش مناسبة ليك.
رأيي : انا لو مكانك هفكر في فلوانس أو فوكاس لأن الأولي كتير جدا بيشكروا فيها و بيشكروا في التوكيل. و ال فوكاس مسك التوكيل عبد اللطيف الجميل و متوقع أن سعر إعادة بيع العربية يتعدل جدا...بالتوفيق