حيره طارئه .. ارجو مساعده الخبراء

[denjouan83]

السادة الزملاء الاعزاء .. انا معايا لانسر بوما2008 و كنت جايبها زيرو و مكفياني الحمدلله و محافظ عليها جدا و هيه عتب و abs , air bag , تاره و فتيس جلد طبيعي , عتب , و نيكل بره و جوه و مش عامل كيلوات كتير بالعكس تقريبا مش بتطلع غير 3 مرات فالاسبوع , و مش فبالي اني اغير غير بس حبي للعربيات عموما بيخليني دايما متابع ..

المشكله بقي ان في حد قدامي بيفكر يبيع اوكتافيا A7 موديل 2014 1600 cc ,, بس اول فئه ,, العربيه مش بتطلع من الجراج اصلا وده سبب البيع الحقيقي ..

هل افكر اغير و لو سعرها كام تبقي صفقه رابحه ؟ و في نفس الوقت مصاريف التشغيل ايه ؟ و الصيانه ايه ؟ انا البوما مكفياني عشان علي قدي .. خايف اطمع و اغير و تبقي اعلي من امكانياتي .. بس في نفس الوقت بفكر لو هيه فرصه عشان دي مضمونه و كسر زيرو و كده كده الالماني بيخسر فبيعه .. فكده هاتبقي الخسارة اقل بالنسبالي

ياريت الرد يكون للناس الي فعلا عارفه الاوكتافيا و مصاريفها .. و سعر السوق للعربيه دي قد ايه و هيه كسر زيرو كده ؟؟ ..

شكرا لوقت حضراتكم

[AhmedNaeem]

مصاريف التشغيل للعربيات الالماني عامة عالية بالمقارنة بعربيتك
بس الاوكتافيا علي وصفك تعتبر جديدة يعني مش اكتر من مصاريف الصيانة العادية وتعتبر نقلة كبيرة للافضل لو اشترتها
راي لو عربيتك مريحاك يبقي بلاش تغيير خاصة لان عربيتك حالتها كويسةومصاريفها معقولة
وربنا يوفقك للخير

[denjouan83]

مصاريف التشغيل للعربيات الالماني عامة عالية بالمقارنة بعربيتك
بس الاوكتافيا علي وصفك تعتبر جديدة يعني مش اكتر من مصاريف الصيانة العادية وتعتبر نقلة كبيرة للافضل لو اشترتها
راي لو عربيتك مريحاك يبقي بلاش تغيير خاصة لان عربيتك حالتها كويسةومصاريفها معقولة
وربنا يوفقك للخير

متشكر جدا علي نصيحه حضرتك ,, و اكيد ده السبب الي خلاني اكتب الموضوع هنا ..

بس كنت عايز اعرف من حضرتك تقديرك للعربيه الاوكتافيا سعرها يبقي في حدود قد ايه كويس ؟؟

[denjouan83]

هوة الموضوع بسيط قوي كده :) اقصد تفتكروا ليه 89 واحد شاف البوست و محدش رد :)

[D.Ahmed Ismail]

فرق الفلوس هوه الحكم
و التغيير يستحق

[denjouan83]

فرق الفلوس هوه الحكم
و التغيير يستحق

شكرا لحضرتك .. و تفتكر لو سعرها كام يبقي سعر كويس له و ليا ؟

[Egy_fan]

لو عايز تعرف السعر ادخل على منتديات البيع و الشراء

[meemo20032000]

هى نقلة قوية بس مكلفة وسعرها ممكن ينزل عن الفاتورة حوالى 15:20 الف

[meemo20032000]

الواضح ان استهلاك حضرتك للسيارة اقتصادى جداً وبعدين انت مقتنع بالبومة ومصرفها قليل وأعطلها مش كتير
اما الأسكودا عربية قوية وغالية وفئة أعلى وفوق كل ده ألمانى لو حابب التغيير هتدفع كتير
أما سعر كسر الزيرو بينقص حوالى 20000 عن سعر الفاتورة والله أعلى وأعلم

[ahmzd]

رأيي والله أعلم : خليك في عربيتك ووفر فلوسك واصبر لما نشوف البلد رايحة على فين!

[meka1990]

خليك في البومه العربيه مهما كان عربيتك من الزيرو و مريحاك الاكتافيا كويسه جدا مفيش كلام بس هتبقي بضعف تمن البومة و هتمشي في شوارعنا الجميله بردوا فا مش مستهله تنزل تغيرلها اكصدام باكتر من 2000 جنيه البومه احسنلك كتير