رينو فلوانس 2015 ولا سكودا رابيد 2015 ولا شارك 2015

[ahmedatef01]

ارجو المساعدة
رينو فلوانس 2015 ولا سكودا رابيد 2015 ولا شارك 2015
مع توضيح الاسباب

[denjouan83]

متابع بقوة :) دي شريحه مشهورة قوي في المقارنه ..
شارك بشكلها الضخم و ياباني و وسعها .. والا فلونس و اوروبي مما له او عليه ,, و شياكتها ..
او رابيد و يبقي جخلت مع الالماني و بنفس السعر تقريبا ..

اعتقد سن حضرتك هايفرق برده .. يعني فلونس اكبر سنا من شارك ,, محتاج انك تركب بنفسك و تشوف عشان هما عربيات في فروق بنهم بس السعر هوة الي مجمعهم سوا .. ممكن تضيف هونجا سيتي للمقارنه دي

[ENG.MaRk]

زي المشاركة السابقة ما قالت ... هوندا سيتي و لو مش حاببها يبقي فلوانس وش !!!

[scientist9508]

فلوينس تكسب المقارنه و بإقتدار

[S O P H O S]

الرينو او الشارك
اختار بين القوة او الشياكة والابوشن الاكتر

[ahmzd]

فلوينس تكسب المقارنه و بإقتدار

أوافق تماما .. وبشدة

[hanyyacot]

الفلوانس فى كل حاجة تكسب , اركب ال 3 عربيات وانت تعرف

[عبده غريب]

من اجل اثراء المناقشة عايزين يا جماعة اللى يفضل اى واحدة منهم يقول اسبابه مش مجرد انه يمتلك السيارة يدافع عنها وخلاص

[Egy_fan]

سيتى ثم شارك


اليابانى اعلى اعتماديه

[M.Radwan]

لو نزلت معرض وركبت في الـ 3 عربيات دول هتختار الفلوانس وانت مغمض

[meemo20032000]

المفروض المقارنة تكون بين المواتير والعفشة والأوبشن اما الشكل ده شئ نسبي يختلف من شخص لأخر

[mario maged]

مساء الخير علىك ويارب تكون بصحة جيدة
كنت محتار بين شارك 2015 و فلوانس 2015؟
وفعلا الفلوانس سحبها بطئ؟ واقصى سرعة ليها كام؟
مع العلم انا مش هجيبها ليا لوحدي كشاب بل لاسرة
و ايه الاحسن من حيث الشكل و الفخامة و ارتفاعها عن الارض و وسعها من الداخل بالذات الكنبة الخلفية لان لدي اخين ؟؟

[Baron HK]

بص يا باشا....الفلوانس أفضلهم من حيث الكماليات والشكل وإجمالا ك-ركوبة هي أفضل سيارة بين الثلاثة ولكن يعيبها إرتفاع أسعار قطع غيارها وسعر إعادة البيع بس خليك واثق إنك حتستمتع بيها طول ما انت راكبها بس حتزعل وانت نازل منها عشان حتخسر فيها من 30 الف الى 40 الف على حسب حالتها وقتها....الشارك تتفوق في تكييفها وسرعة سحبها وتسارعها وسعر إعادة البيع ورخص أسعار قطع غيارها مقارنة بالفلوانس والرابيد ولكن شكلا هي أقلهم شكلا من حيث الفخامة والشياكة وفي نفس الوقت مفيهاش أوبشنز كتير مقارنة بالفلوانس والرابيد....الرابيد بقى تتفوق في قوة موتورها وثباتها على الطريق وعفشتها ولكن حتزعل جامد اوي وانت بتعملها صيانة وحتزعل برضه في قطع غيارها بس انسى القطعة اللي بتركب سنين قدام بس حتدفع كتير عشان هي نفس معاملة الألماني وما أدراك ما الألماني في قطع الغيار لكن هي ركوبة جميلة جدا مع انها تخسر كتير برضه عند إعادة البيع....أتمنى يكون شرح وافي ومفيش عربية مفيهاش عيوب لكن الفكرة انت تقدر تستحمل ايه من العيوب دي وايه اللي مش حتقدر تستحمله وربنا يكرم اللي بيشتري عموما. :)

[Mohamed Zahran]

لو نزلت معرض وركبت في الـ 3 عربيات دول هتختار الفلوانس وانت مغمض

هي الفليونس حلوه بس يعيبها سعر اعادة البيع وكمان الثبات بتاعها مش حلو علي السرعات العاليه وفي الملفات

[Mohamed Zahran]

سيتى ثم شارك


اليابانى اعلى اعتماديه

الهوندا انعم واجمل عربيه في السوق ومتعة قيادة الهوندا لا تضاهيها متعه