ايهم افضل بأمانة

[wahid3030]

ارجو من الأخوة الأعضاء الافادة فى تحديد أيهم أفضل من السيارات التالية

كيا بيكانتو 98000

هيونداى أى تن 94000

بيجو بارتنر 93000

انا أعمل مندوب مبيعات واحتاج لسيارة تفيدنى فى العمل وفى السفر كل يوم وتستحملنى

[hugan]

ولا واحده
خساره فيه ال100 الف
لوجان
او بي واي دي

[Ahmed Tarek 00]

هوا حضرتك مختار 3 عربيات مختلفين في الحجم
اول اتنين اد بعض تقريبا والتالتة كبيرة اووووى
على العموم أنا مجرب بيجو بارتنر جميلة فعلا وناعمة جدا وعلى الطريق السريع ممتازة بس موش منتشرة اوى في مصر ... على فكرة فيه عربيات بيجو بارتنر تبع الشرطة

[fares_311]

لو من اللي قلتهم بس يبقى البيجو.

[ENG.MaRk]

بيجو بارتنر أنا شفتها عند أباظة و بصراحة شكلها ماعجبنيش خالص بس كحجم كويسة جدا و واسعة و تنفعلك كمندوب مبيعات بس نصيحة شوف لوجان

[wahid3030]

اشكركم اولا للرد وانا محتاج نصايحكم لو فيه انواع تانية تنصحوني بيها اتفضلوا انا مش عندى تفضيل معين

[M.Radwan]

لوجان أو سانديرو ستيب واي أفضل في الفئة السعرية دي

[wahid3030]

احنا شفنا السندرو ستيب واى حلوة بصراحة ايه رأيكم فيها اتكل على الله واشتريها

[D.Ahmed Ismail]

لوجان

[elpasha1]

انت بتقول انك مندوب يعنى عاوز عربية تستمحل وقطع غيارها رخيصة وتكون سهلة في البيع
ممكن السانديرو او الافيو اواللانوس
دي وجهه نظرى ولك القرار فى الاول والاخر

[ahmzd]

فعلا لوجان لأن شنطتها كمان واسعة جدا

[م أحمد]

مندوب مبيعات يبقى البارتنر ومفيش عربية اتقالت بوسعها لانها مصصمة لهذا الغرض اساسا

بس فيه حل تانى ارخص بكتير و ما يوقعش فى قلة انتشار البارتنر وناس كتير شوفتها عاملاه

تجيب سوزوكى فان وتفضى الكراسى اللى ورا

وبتمشى على ريحة البنزين و عربية منتشرة جدا

[wahid3030]

انا بشكركم جدا وفعلا اهم حاجة ان قطع الغيار تكون رخيصة وتكون استهلاكها للبنزين مش عالى وتكون واسعة عشان لو معايا حاجات انا واقف عند اللوجان والسنديرو ستيب واى واستقريت على واحدة منهم ان شاء الله

[S O P H O S]

فراي البي واي دي او لوجان

[Abdo Taha]

لو في لوجان 7 راكب هتبقى افضل من اللبارتنر