تم استبعاد الصنى والمنافسه اشتعلت ومحتاج رأيكم ضرورى

[treeka84]

قولا واحدا لو مكانى وهتختار تختار أيه
جين 2 2014 اوتو ولا بيجو 301 مانوال (مش هاقدر اجيب الاوتو)
منتظر ردود من كل اللى يشوفوا الموضوع
وهابدأ بنفسى
أنا ميال للجين 2 بس حكايه انها 2014 وان 2015 محدش عارف هتنزل ولا لا هى اللى مخوفانى
ولا مش فارقه ؟ ياريت بردو تجاوبونى ع السؤال ده
أحبكم فى الله جميعا....

[ENG.MaRk]

جين 2 شبابية و سحبها و ثباتها وهمي و أحسن من عربيات كتير في فئات أعلي و لكن يعيبها توكيلها و سوء التقفيل في بعض العربيات ... توكل علي الله و اشتريها لكن خلّي بالك و انت بتشتريها و دقق في كل مللي في العربية و لو تاخد معاك حد خبير يبقي كويس (ده لو حضرتك ماعندكش الخبرة الكافية) و الله الموفق و المستعان

[treeka84]

شكرا على مشاركتك ف الموضوع وانا فعلا هاخد حد خبير معايا ساعة الاستلام باذن الله

[a7med ezz 20]

العربيتين فيهم مشكلة عدم توفر قطع الغيار ، يبقي البيجو تكسب الصراحة

[treeka84]

منتظر مشاركات اكتر ياشباب

[hanyyacot]

فى رأيى الجين 2 عشان الاوتوماتيك وده هايفرق كتير اوى

[ابو هنا]

خليك في الاوتوماتيك اريح خصوصا في الزحام.
خصوصا انت ميال للجين 2 ( امشي ورا قلبك )

[treeka84]

فعلا والله قلبى مش مطاوعنى اجيب حاجه غير الجين 2 بس البيجو كأسم وسمعه أعلى من بروتون

[م أحمد]

فعلا والله قلبى مش مطاوعنى اجيب حاجه غير الجين 2 بس البيجو كأسم وسمعه أعلى من بروتون

الماليزى بالنسبة لى اعلى من الكورى مواتيرهم يا يابانى يا انجليزى
خسارة تدفع فوق ال 100 الف وتسيب الاوتو خصوصا لوساكن فى مدن كبرى

[treeka84]

كده النتيحه 4-1 لصالح الجين 2 اوتو

[treeka84]

اخر كلام جين 2 يارجاله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[eng.m7md.ali]

الفرق بينهم .. فخامة السنين في البيجو والنضافة في التقفيل والوسع والفرامل

الاداء العام كاتسارع وثبات وفرامل كويسة بردو في الجين٢

[pioneerahmed]

والله انا شايف ان حضرتك تشوف سيفيك نضيفة و ماشية قليل احسن من الاتنين
حضرتك بتقارن بين عربية ماليزي كل حتة من بلد شكل و تقفيلها سيء و قطع غيار نادرة و اعتمادية مش عالية
و عربية اسم بس لكن ولا تصنيع و لا تقفيل فرنساوي و حضرتك عايز تجيبها اول فئة و مانوال كمان
حضرتك لية عايز تعمل كدة في نفسك
معلش لو حضرتك عايز تركب عربية حدد الاول انت عايز اية منها شكل و فخامة و رفاهية بس من غير اداء و لا اداء و اعتمادية و انتشار و رخص قطع غيار و لا عايز كلة
انا رايي حضرتك تفكر في السيفيك او الكورولا لو عايز عربيات اداءها كويس و اعتمادية و انتشار عالية
او ممكن الجيتا مثلا لو عايز رفاهية و فخامة بس اداء مش اد كدة
و في الاخر بردو لو معجبتكش ممكن تبيع بسهولة و مش هتخسر فيها
لكن حضرتك هتعمل اية لو جبت البروتون و مع الوقت اكتشفت ان في عيب تصنيع في الشاسية مثلا و ان الشاسية بيزيق بسبب بنطة لحام فكت ( و دة حصل معايا شخصيا) او مثلا لو لقيت البيجو فيها مشكلة في التكييف او الفرامل زي مبنسمع و بنقرا في المنتدي هنا
حصرتك هتبيعها و تخسر على الاقل 10000 جم
طيب و لية من الاول مهو حضرتك ممكن تدور على عربية محترمة و تكشف في التوكيل و تبقي عارف كل كبيرة و صغيرة عن العربية
دة رايي المتواضع

[treeka84]

اخى الكريم رأيك يحترم طبعا وبشده لكن انا وضعى مختلف لانى هقسط واكيد لو معايا المبلغ ده كنت هفكر فى العربيات اللى من فئات اعلى زى اللى حضرتك ذكرتها انما بالنسبه للجين 2 كل اللى عرفته عن عيوب تقفيلها حاجات غير جوهريه ليس من اساسيات السياره انما العيوب القاتله زى الشاسيه وما شابه ده اكيد حالات فرديه وبتحصل فى اى ماركه المهم انى دول افضل المتاح بعد حساب المقدم والقسط واستقريت على الجين 2 بنسبه كبيره جدا عشان أوتو وعشان حابب الاستايل الشبابي بتاغها

[eng.m7md.ali]

والله انا شايف ان حضرتك تشوف سيفيك نضيفة و ماشية قليل احسن من الاتنين
حضرتك بتقارن بين عربية ماليزي كل حتة من بلد شكل و تقفيلها سيء و قطع غيار نادرة و اعتمادية مش عالية
و عربية اسم بس لكن ولا تصنيع و لا تقفيل فرنساوي و حضرتك عايز تجيبها اول فئة و مانوال كمان
حضرتك لية عايز تعمل كدة في نفسك
معلش لو حضرتك عايز تركب عربية حدد الاول انت عايز اية منها شكل و فخامة و رفاهية بس من غير اداء و لا اداء و اعتمادية و انتشار و رخص قطع غيار و لا عايز كلة
انا رايي حضرتك تفكر في السيفيك او الكورولا لو عايز عربيات اداءها كويس و اعتمادية و انتشار عالية
او ممكن الجيتا مثلا لو عايز رفاهية و فخامة بس اداء مش اد كدة
و في الاخر بردو لو معجبتكش ممكن تبيع بسهولة و مش هتخسر فيها
لكن حضرتك هتعمل اية لو جبت البروتون و مع الوقت اكتشفت ان في عيب تصنيع في الشاسية مثلا و ان الشاسية بيزيق بسبب بنطة لحام فكت ( و دة حصل معايا شخصيا) او مثلا لو لقيت البيجو فيها مشكلة في التكييف او الفرامل زي مبنسمع و بنقرا في المنتدي هنا
حصرتك هتبيعها و تخسر على الاقل 10000 جم
طيب و لية من الاول مهو حضرتك ممكن تدور على عربية محترمة و تكشف في التوكيل و تبقي عارف كل كبيرة و صغيرة عن العربية
دة رايي المتواضع

بنطة لحام فكت؟

اعتمادية مش عالية؟؟

وكمان كل حتة من بلد شكل؟؟

حضرتك متأكد انك تعرف جين2 دي؟