اوكتافيا ايه 4 ولا النترا 2006

[thegiant_2]

انا محتار جدا بقالي فتره بين الايه 4 و الالنترا 2006 الاتنين بنفس السعر وماحدش بيقول كلمة وحشه على دي ولا دي
انا محتاج اجيب اوتوماتيك و عايز الاحسن ف قطع الغيار والثبات واستهلاك البنزين

[speranz]

اوكتافيا افضل عربية مش هتندم لو جبتها

[DR.MG]

نصيحة منى لو عايز تجيب اوكتافيا ماتجيبهاش الا كسر زيرو هتاخد خيرها ومش هتصرف عليها وممكن تكسب لما تبيعها كمان
ولو قديمة شوية تكون من واحد صحبك او قريبك وتكون عارف انة محافظ عليها ومش هاينها
غير كدا لو هى قدامك عروسة بردوا هاتصرف عليها حاجة كل شهر او شهرين وشوية شوية هتتخنق منها
الالنترا لو حالتها حلوة تبقى هى فى رايى
واستخير ربنا و ربنا يوفقك.

[ahmzd]

أؤيد الرأيين السابقين وهو تفضيل الأوكتافيا على اللانسر بشرط الحالة، تأتي بعد ذلك الإلنترا بشرط حالتها أيضا.. والله أعلم.

[riko8888]

اوكتافيا طبعا بس افحصها كويس...لا وجه للمقارنه اطلاقا...حتى الاوكتافيا المانيوال افضل 100 مره من الالنترا الاتوماتيك

[thegiant_2]

شكرا يا حضرات علی الاهتمام والنصيحه والله انا مش عارف من غيركو اسأل مين

[S O P H O S]

اشتريت اوكتافيا ولا غيرت