معايا 60 الف ومحتاج عربية سواء فى الجديد او المستعمل

[Mohamed_Hamid]

طيب بص حيث كده وليك طقطان تنزل تلف فالمستعمل فالمبلغ دا من الأخر هيجيبلك
أوبترا 2006 أو 2007 أو سيراتو 2006 لحد 2008 أو ميجان 2006 ل 2008 بردو أعتقد دول أكتر حاجه تكون شغاله معاك وتتباع بسهوله وسرعه بعد كده وتلاقى فيهم حاجه كويسه

فى طبعا حاجات تانيه بس هتبقى صينى وأنا مبحبش انصح حد بالصينى صراحه لا مستعمل ولا جديد حتى

بالنسبه بقى لقصة القسط من الأخر بقا لو ليك فيه وهتعمله متسمعش كلام حد يقولك حرام والهرى ده ﻷن البنك بيشترى عربيه وبيبعهالك بالسعر اللى مناسب ليه بما أنها بقت فى ملكيته وحر التصرف فيها مفيهوش اى نوع من الربا وبيديك تسهيل انك تدفع براحتك وبيحط لنفسه ضمانات انك تدفعهم

زى كده أما انت تشترى عربيه وتبيعها بسعر غير اللى اشتريتها بيه هل دا معناه ربا؟؟!!!

ثالثا عبداللطيف جميل فورد بيقسط تقسيط مباشر وغالبا على حد علمى دا الوحيد فى مصر بيقسط تقسيط مباشر مع العلم انه بيقسط بكللللل شروط البنوك حتى الفايده بتاعته زى البنك وفى مصاريف اداريه وتأمين والذى منه

وبالمناسبه انا عاجبنى فى البيجو 208 أكتر حاجه شيك جدا وشكلها مش بتاعت مصر خالص


وربنا يوفقك لما فيه الخير

ممكن تدلنى على بنك واحد بيشترى العربية زى ما بتقول ؟

[S O P H O S]

المبلغ فشريحة صعبة يعني لو تزيد وتوصل للياريس

[ahmzd]

بنك فيصل لا غبار عليه في التقسيط والله أعلم .. وبناء عليه رأيي إنك تشتري حاجة جديدة تقسيط لإن المستعمل حاليا مش قد كده الصراحة .. وربنا يهديك للأصلح .

[Mohamed Awny91]

المبلغ فشريحة صعبة يعني لو تزيد وتوصل للياريس

شكراا جداا لحضرتك .. هحاول أزود ان شاء الله مبلغ ومش مشكلة اتأخر شوية.. الياريس بصراحة عربية جميلة بس مشكلتها انها ضيقة نسبيا وكمان 1300 سي سي واحنا عيلة كبيرة. انا حاليا بفاضل بين اوبترا وماتريكس وممكن ميجان.. كلو طبعا على حسب الحالة.

[Mohamed Awny91]

ممكن تدلنى على بنك واحد بيشترى العربية زى ما بتقول ؟

بنك فيصل الإسلامي كان زمايلنا عملو موضوع مفصل عنو قبل كدة انو أقرب حاجة للحلال وفيه بعض المعارض كمان.

[Mohamed Awny91]

بنك فيصل لا غبار عليه في التقسيط والله أعلم .. وبناء عليه رأيي إنك تشتري حاجة جديدة تقسيط لإن المستعمل حاليا مش قد كده الصراحة .. وربنا يهديك للأصلح .

اه فعلا بنك فيصل محترم جدااا وتقريبا هو الوحيد اللي بيقسط إسلامي مع بعض المعارض. وانا لو جبت جديد مش هجيب غير تبع بنك فيصل ان شاء الله. بس الفكرة اني اجيب جديد واول مرة اسوق دي موضوع محير شوية.. لأن العربية لو اتخبطت هازعل جدا خصوصا لو غلطة مني يعني.

[ahmzd]

اه فعلا بنك فيصل محترم جدااا وتقريبا هو الوحيد اللي بيقسط إسلامي مع بعض المعارض. وانا لو جبت جديد مش هجيب غير تبع بنك فيصل ان شاء الله. بس الفكرة اني اجيب جديد واول مرة اسوق دي موضوع محير شوية.. لأن العربية لو اتخبطت هازعل جدا خصوصا لو غلطة مني يعني.

حضرتك خُد بالأسباب وسلّمها لله ، حتى اللي بيسوق بقاله 20 سنة زيي العربية بتتخبط منه عادي جدا هنا في بلدنا الجميلة حيث الميكروباص والتوكتوك والتربسكل والتاكسي والنقل والملاكي و... إلخ!! إنت اشتري أوتوماتيك عشان تسهّل المهمة على نفسك، واقعد لمدة شهر متواصل وبصورة يومية أو شبه يومية بتتدرب ع السواقة في أوقات وطرق رايقة وياريت يكون بصحبة حد بيعرف يسوق، ساعتها هتلاقي نفسك حفظت أبعاد العربية كويس وتقدر تدوس ف السواقة وإنت مطّمن .. وبعد كده الحرفنة تيجي مع الوقت وأهم حاجة حفظ ربنا وحمايته إن شاء الله، فالله خير حافظا وهو أرحم الراحمين.

[Mohamed_Hamid]

بنك فيصل الإسلامي كان زمايلنا عملو موضوع مفصل عنو قبل كدة انو أقرب حاجة للحلال وفيه بعض المعارض كمان.

على حد علمى مفيش ينك بيشترى العربية شراء حقيفى من البنك وبعدين يبيعهالك بما فيهم بنك فيصل