ايه الافضل 125 الف الى 135 الف

[mr_fa]

ايه الافضل العربيه المستعمله ولا الزيرو لما يكون معاك مبلغ وقدره 125 الف الى 135 الف جم

المشكله بدور على حاجه عاليه فى الثبات والامان والصاج قوى ومش بتحك فى المطبات لو مركب 4 والشنطه مليانه علشان دى هاتكون ل عائليه وفيه مشاوير وسفر وتكون جاهزه للسفر فى اى وقت وتمشى وانت مطمن مش قلقان انها تعملها معاك فى الصحرااااء

الاول المبلغ ده يجيب ايه زيروا بنفس المواصفات واى فئه ولو فيه اعلى هايزيد كام
ثانيا لو مستعمل مين فيه المواصفات دى والنوع والفئه

[eng_amg]

طبعا فكر في الزيرو..
أدامك في حدود المبلغ دا أكثر من نوع
- الشارك (فئة أولى وممكن تزود شوية وتجيب الثانية - رائعة)
- 301
- بيرسونا

[samehsorour]

نيو تيجو أوتوماتيك

[S O P H O S]

الشارك او السيتي فرأي

[ahramadan]

الشارك احسن في الفئه السعرية و اعتمادية اليابني معروفه.

[ahmzd]

الشارك طبعا بس زود شوية وهات تاني فئة عشان ال abs .. والله أعلم

[tarek kamel]

طيب ماتشوف الشروكى ليبرتى
هنعمل فى الحدود ده
بس انا معرفش اى حاجه عن الثبات و كدة

[eng.m7md.ali]

مستعمل عندك باسات وجيتا .. ممكن c200 موديل 2004 وممكن بردو 320 موديل 2005

[meka1990]

الزيرو زيرو يا باشا ربنا ما يحكم عليك تركب مستعمل و الله و اعلم فيه ايه و تبقي ايدك علي قلبك و الفلوس الواحد تعبان فيها برضوا و دي عربية عيله كمان , خليك في الشارك الفءه اللي فيها abs عشان الامان و ابعد عن الكوري مهما كانت الابشنز السلامه اهم بكتير

[mr_fa]

احب اولا ان اشكر حضاراتكم على الرد وابداء الراى
ملحوظه كنت امتللك سياره بيجو 505 موديل 1991 الشهيره بالطياره وكانت معايا حوالى 4 سنين لسه بايعها من كام اسبوع
ده للتوضيح مع انى نسيت اكتب فى بدايه الموضوع

الواضح ان فى ترتيب الترشيحات الزيرو كانت الشارك ثم 301 و بيرسونا والسيتى
اما المستعمل كانت باسات وجيتا .. و c200 موديل 2004 و 320 موديل 2005


طيب بالنسبه لثبات والامان فى القياده هل الشارك ولا ال 301 ولا البيرسونا ولا السيتى "تتفوق"

بالنسبه برضوا للصاج مين فيهم افضل
بالنسبه للعمليه من ناحيه الوسع الداخلى والشنطه والارتفاع عن الارض والتاكيف واسعار وانتشار قطع الغيار

بالنسبه للترشيحات المستعمل كانت باسات وجيتا .. و c200 موديل 2004 و 320 موديل 2005

اكيد طبعا الباسات بنزين 95 اما الجيتا اعتقد انها قريبه على الارض فاكيد هاتحك اما عن موديل 2004 و 320 موديل 2005 فا معرفشى حاجه عنهم

طيب وايه رايكم فى المستعمل فى الاسكودا ؟؟

ياريت توضيح اكتر علشان انا خبرتى فى العربيات الحديثه على قدى
وشكرا لحضراتكم

[mr_fa]

الزيرو زيرو يا باشا ربنا ما يحكم عليك تركب مستعمل و الله و اعلم فيه ايه و تبقي ايدك علي قلبك و الفلوس الواحد تعبان فيها برضوا و دي عربية عيله كمان , خليك في الشارك الفءه اللي فيها abs عشان الامان و ابعد عن الكوري مهما كانت الابشنز السلامه اهم بكتير

شكرا لحضرتك وانا مع حضرتك فى ان السلامه اولا قبل اى شى بلا ابشن بلا كلام فاضى المهم الثبات وعوامل الامان والصاج والتقفيل المحترم مش عربيه بلاستك حتى مسامير بتلاقيها بلاستك واصوات تزييق فى الطابلوه

ومش كل المستعمل ماهو فيه مستعمل بتمن اجده عربيه كورى اللى تمنها وصل ل 200 الف مثلا المرسيدس والبى ام
بس الواحد اللى مش بيعرف فى الميكانيكا وكل شويه عند الميكانيكى بيفضل الزيرو
ماعدا المرسيدس والبى ام معروف عنهم ان قطع غيارهم معمره جدااا بس كله بتمنه

[eng_amg]

كل التفضيلات إلي هضرتك ذكرتها من ثبات وقوة وقطغ غيار و...........
حتلاقيها في (لانسر - بيرسونا)
يعيب اللانسر ضيف الشنطة قليلا (مش ضيقة لكن بالمعنى لكن بالمقارنة بتكون أقل) ولكن يميز اللانسر سهولة التعامل والأمان الكبير وإعادة البيع

[mr_fa]

طيب بما ان يا جماعه ان الترشيح لعربيه زيرو جاتلى فكره قولت اخد راي حضراتكم
طيب لو انا دفعت المبلغ اللى معايا اللى هو 130 الف مقدم عربيه والباقى هاقسطه
الاسئله بقى اللى فى دماغى كالتى :
1 _ كده انا هادور على عربيه تستاهل انى اقسط واستحمل قرف التقسيط والفوايد بس هى تستاهل "مين العربيه اللى تستاهل ؟ " وفيهاالمواصفات اللى ذكرتها ؟ سعرها كام واى فئه ؟
2_ طريقه التقسيط الافضل مع البنك ولا مع المعرض او وكيل
نظامه التقسيط المتعارف لما تدفع مقدم كبير زى ده

ياريت اعرف راى حضراتكم وياريت لوحد جرب وعمل كده يفيدنى

[eng_amg]

طيب بما ان يا جماعه ان الترشيح لعربيه زيرو جاتلى فكره قولت اخد راي حضراتكم
طيب لو انا دفعت المبلغ اللى معايا اللى هو 130 الف مقدم عربيه والباقى هاقسطه
الاسئله بقى اللى فى دماغى كالتى :
1 _ كده انا هادور على عربيه تستاهل انى اقسط واستحمل قرف التقسيط والفوايد بس هى تستاهل "مين العربيه اللى تستاهل ؟ " وفيهاالمواصفات اللى ذكرتها ؟ سعرها كام واى فئه ؟
2_ طريقه التقسيط الافضل مع البنك ولا مع المعرض او وكيل
نظامه التقسيط المتعارف لما تدفع مقدم كبير زى ده

ياريت اعرف راى حضراتكم وياريت لوحد جرب وعمل كده يفيدنى

1 - الإجابة لانسر شارك الفئة الثالثه الهاي لاين او الثانية حسب ميزانية حضرتك. لكن الهاي لاين مش خسارة فيها المبلع بتاعها.
2 - رايي تاخد فرق الفلوس من بنك قرض شخصي وتسدد ثمن السيارة كاش وتقسط مع البنك

[egyptiandiver]

هتعدي الميت ألف يا باشا... يبقى زيرو وش أكيد. في عربية من سوزوكي لسة نزلة اسمها ciaz شفتها يوم من يومين في التوكيل... بصراحة حكاية. جنوط سبور 16 abs 4 زجاج كهربا ستيريو فوج اتوماتيك تكييف شياكة ممتازة، شنطة 500 لتر باور. دة إلي فاكرو دلوقتي. هي ب-123.000 إستلام من 6 إلى 8 اسابيع. مفيش مشكلة في التسليم عشان التوكيل إستورد كميات كبيرة على كلامه. كدة تبقى جبت عربية كاش موديل السنة بشوكها زي ما بيقولو و أهم حاجة متنمش مديون!