مرسييدس vs بيجو 508

[ENG.MaRk]

معايا ال508 عاملة 8000 كم و بصراحة أجلت سفري لألمانيا ست شهور لأن والدي تعبان شوية و أخويا داخل علي جواز ف مش فاضي ... آسف علي المقدمة الطويلة ديه !!!
جاري معاه e300 2010 عاملة 56000 كم و عايز يبيعها علي 525000 و أنا بصراحة وحشتني المرسيدس و لقيت إنها قريبة من حبيبة قلبي الe63 amg ف انتم رأيكم أجيب المرسيدس ولا خليني في البيجو و خلاص :) و شكرا مقدما !!!

[eng wael]

اكتر واحد بيقدم نصيحه للناس محتاج النصح :-)
مش هقدر افيدك بس هدعيلك ربنا يوفقك للصالح لانك راجل خدوم ومحترم

[ENG.MaRk]

اكتر واحد بيقدم نصيحه للناس محتاج النصح :-)
مش هقدر افيدك بس هدعيلك ربنا يوفقك للصالح لانك راجل خدوم ومحترم

ربنا يخليك يا فندم ... أنا مش أكتر واحد بيقدم نصيحة ولا حاجة ... أنا غلبان :) ... فيه ناس كتير خبراء أكتر مني ... شكرا لمرورك و حضرتك إنسان محترم جدا

[S O P H O S]

اولا الف سلامة ربنا يطمن حضرتك عليه
اما المقارنة فأنت مش غريب بصراحة ليك حق تحتار
بردوا ال 508 تعتبر جديدة ومختش فرحتها وال 300 مفيش اختلاف عليها

[ENG.MaRk]

اولا الف سلامة ربنا يطمن حضرتك عليه
اما المقارنة فأنت مش غريب بصراحة ليك حق تحتار
بردوا ال 508 تعتبر جديدة ومختش فرحتها وال 300 مفيش اختلاف عليها

ربنا يخليك :)
المقارنة لأي حد مش محيرة و يبقي مجنون اللي يقول غير مرسيدس أو يختلف عليها بس الفكرة عندي في إني مش بحب أركب مستعمل خالص مع العلم إني أنا اللي نصحته بيها لما كان بيفكر يشتري :) عموما هي فابريقة و عدادها 56000 يعني كلام فاضي و معظمهم علي طرق سفر يعني العربية حالتها فل و أنا عارف تاريخ العربية كله و صاحبها بأعتبره أخويا ... هقلبها في دماغي و أحسبها كويس و كدة كدة أصلا لما أسافر و آجي هجيب s500 بس بعد سنة ... شكرا لمرورك الكريم و كل سنة و انت طيب

[J A G U A R]

العين متعلاش عن الحاجب
المرسيدس افخم واهيب واثبت واقيم واشيك واقوى وليها طابع خاص
وطبعا عربيتين لا غبار عليهم وده ميقللش ابدا من جمال الاسد الفرنسى

بس من وجهه نظرى المتواضعه استحاله ادفع نص مليون فى مستعمل
لو معايا المبلغ ده اجيب 320 فئه لوكشرى او x3 او c180 وطبعا زيرو

والف سلامه لوالد حضرتك

[ENG.MaRk]

العين متعلاش عن الحاجب
المرسيدس افخم واهيب واثبت واقيم واشيك واقوى وليها طابع خاص
وطبعا عربيتين لا غبار عليهم وده ميقللش ابدا من جمال الاسد الفرنسى

بس من وجهه نظرى المتواضعه استحاله ادفع نص مليون فى مستعمل
لو معايا المبلغ ده اجيب 320 فئه لوكشرى او x3 او c180 وطبعا زيرو

والف سلامه لوالد حضرتك

- الله يسلمك :)
بصراحة العربية تعتبر بتاعتي لأني أنا و صاحبها جيران من 7 سنين و أنا عارف طريقة سواقته و اللي محببني فيها أكتر إنها E300 مش E250 ... مش مقتنع نهائيا بال320 و بصراحة مادام زيرو بزيرو يبقي أخلي ال508 اللي برضه مش حاجة قليلة :) ... C180 مش مبهرة أوي و بصراحة زهقت منها ... كانت مع ابني أصلا في ألمانيا بس باعها و جاب Audi A1 sportline ... الX3 مش عجباني أوي لأني برضه معايا Cayenne و لولا الجمارك كان زماني متدلع :) ... شكلها هترسي علي مرسيدس ... شكرا لمرورك و مشاركتك و كل سنة و انت طيب :)

[Batman372]

الف سلامه على الوالد و مبروك مقدما لاخوك :)
دا عيب الى يركب مرسيدس او بى ام ( لانى بيمر قديم ) ...
مهما تقنع نفسك بأى حاجه تانيه ... سرعان ما حتزهق منها و تحن للبنز او البى ام ( بالنسبه لى ) ...
نفس حالتى دائما بين كل مرسيدس او بى ام :) و مش بستريح غير لما ارجعلهم تانى ...
لكنى حاليا مشدود جدا للسى الجديده لانها مختلفه تماما عن ال w204 الى معايا و فى نفس الوقت قريبه من تصميم ال s الجديده و سعرها مقبول ...
تحياتى ...

[ENG.MaRk]

الف سلامه على الوالد و مبروك مقدما لاخوك :)
دا عيب الى يركب مرسيدس او بى ام ( لانى بيمر قديم ) ...
مهما تقنع نفسك بأى حاجه تانيه ... سرعان ما حتزهق منها و تحن للبنز او البى ام ( بالنسبه لى ) ...
نفس حالتى دائما بين كل مرسيدس او بى ام :) و مش بستريح غير لما ارجعلهم تانى ...
لكنى حاليا مشدود جدا للسى الجديده لانها مختلفه تماما عن ال w204 الى معايا و فى نفس الوقت قريبه من تصميم ال s الجديده و سعرها مقبول ...
تحياتى ...

-لله يسلمك ... الله يبارك في حضرتك :)
-للأسف أنا و المرسيدس في بيننا حالة عجيبة من الحب و العشق و كلامك كله مظبوط مهما أبعد عنها لازم أحنلها ... السي الجديدة فعلا أسطورية و جبارة و عربية فعلا إبداع و هتنيم تماما البي ام 3rd series لأن شكلها بقي شبابي أكتر من البي ام و بقت روعة ... مش فارق معايا حوار إنها قريبة من الS-class لأني إن شاء الله و عشت ناوي أجيبها السنة الجاية :)
شكراً علي مرورك الكريم و كل سنة و حضرتك طيب

[M7amD_7amDy]

انا من رأيى طالما هتجيب ال s السنة الجاية يبقى خليك على البيجو 508 السنة دى
وكمان لسه زيرو وأهو تاخد خيرها وتفرح بيها شوية وكمان سنة تعتبر مش كتير

والقرار ليك فى النهاية وربنا يوفقك

[ENG.MaRk]

انا من رأيى طالما هتجيب ال s السنة الجاية يبقى خليك على البيجو 508 السنة دى
وكمان لسه زيرو وأهو تاخد خيرها وتفرح بيها شوية وكمان سنة تعتبر مش كتير

والقرار ليك فى النهاية وربنا يوفقك

أنا كنت متوقع إن الناس كلها هتقولي مرسيدس علي طول بس لقيت العكس و كله بيقولي بيجو مع إن مفيش مقارنة أصلا لا في سحب و لا ثبات و لا حتي كماليات أو أمان (ده مش معناه إن البيجو وحشة بس لا تقارن أصلا بالوحش) !!!
الموضوع يبان سهل بس هو محير جدا !!!
شكرا علي المشاركة و كل سنة و حضرتك طيب

[ahmzd]

انا من رأيى طالما هتجيب ال s السنة الجاية يبقى خليك على البيجو 508 السنة دى
وكمان لسه زيرو وأهو تاخد خيرها وتفرح بيها شوية وكمان سنة تعتبر مش كتير

والقرار ليك فى النهاية وربنا يوفقك

أنا موافق تماما على الرأي ده

[marwanragab]

ياباشا انا رأيي المتواضع توكل علي الله انت حضرتك اصلا من جواك حاببها دة غير انه صاحبك وشايف العربية كل يوم ومتأكد منها فا تمام فيه ناس بتحس انه كتير تدفع في مستعمل المبلغ دة بس انا شايف انه لأ انت بتاخد عربية بالفلوس دي عربية مش اي حاجة يعني حاجة احسن من جديد دلوقت في رينج الفلوس بتاعتها وعدادها قليل اوي كأنها مبتمشيش استخير وربنا يوفقك للي فيه الخير ليك يارب وألف سلامة للوالد وربنا يتمم بخير لأخوك انشاءالله

[2CODE]

لأ هو مش الموضوع في ان الناس بتقولك خليك في البيجو علشان البيجو حلوه ولا احسن من الe300 محدش خالص قال كده حضرتك في كل المشاركات !!!!!

العين متعلاش عن الحاجب نهائياً مع احترامي للبيجو لكن المرسيدس بتلعب في كلاس منافسها الوحيد هي BMW و BMW برضه منافسها الوحيد هو مرسيدس يعني العربيتين مش بيتقارنوا الا ببعض تقريباً لو عايز مقارنة عادلة

انما بيجو ومرسيدس لأ

طيب الناس بتقولك ليه بيجو ؟؟ علشان حضرتك قولت انك هتجيب الـS السنة اللي جايه يبقى ليه تغير السنة دي ؟؟؟

بس علشان كده الناس قالتلك خليك في الـ508 اللي هي برضه عربية جميلة وزيرو وكل حاجة بس بيجو !!!!

رأيي برضه خليك بالبيجو واتدلع بيها شويه والسنة اللي جاية عليك بخير اشتري الـS بالمره

وده الرأي الصح مش هدفع نص مليون جنية في مستعمل من 2010 ولا E ولا غيره !!!

[ahmzd]

لأ هو مش الموضوع في ان الناس بتقولك خليك في البيجو علشان البيجو حلوه ولا احسن من الe300 محدش خالص قال كده حضرتك في كل المشاركات !!!!!

العين متعلاش عن الحاجب نهائياً مع احترامي للبيجو لكن المرسيدس بتلعب في كلاس منافسها الوحيد هي bmw و bmw برضه منافسها الوحيد هو مرسيدس يعني العربيتين مش بيتقارنوا الا ببعض تقريباً لو عايز مقارنة عادلة

انما بيجو ومرسيدس لأ

طيب الناس بتقولك ليه بيجو ؟؟ علشان حضرتك قولت انك هتجيب الـs السنة اللي جايه يبقى ليه تغير السنة دي ؟؟؟

بس علشان كده الناس قالتلك خليك في الـ508 اللي هي برضه عربية جميلة وزيرو وكل حاجة بس بيجو !!!!

رأيي برضه خليك بالبيجو واتدلع بيها شويه والسنة اللي جاية عليك بخير اشتري الـs بالمره

وده الرأي الصح مش هدفع نص مليون جنية في مستعمل من 2010 ولا e ولا غيره !!!

هو ده اللي كنت عايز أقولهولك بالظبط!