مساعده ضرورى من الاخوه الاعضاء برجاء الرد فى اقرب وقت

[meshmesh6374]

مساء الخير على المنتدى الممتاز ده اللى انا شخصيا اتعلمت منه كتيير ومن الاعضاء اللى عمرهم ما يبخلو على حد بمعلومه

لو سمحتو انا من سوهاج انا عايز اجيب عربيه اعملها دوره مدارس ومشاوير او ايجار فى حدود 30الى35 ومش عارف اجيب ايه تنفع فى الكلام ده مدارس وتكون ناعمه لانى ممكن ااجرها مش عارف ساعه اقول شاهين حماله اسيه بس دى مستحيل تتاجر ففكرت فى الصينى اسبيرانزاa516 او a113 ,ومش عارف انهى افضلفى التاجير والمشاوير . وبرضو سعر اعاده البيع وقلت مفيش غيركو تنصحونى اجيب ايه ولو تعرفو حاجه تانى قولى ايه هيا ... اسف على الاطاله شكرا مسبقا اه ولو حد قدامه حاجه كويسه يقولى برضو

[meshmesh6374]

كل دى مشاهدات ولا رد واحد للدرجادى السؤال صعب منتظر ردكم برضو

[م/أحمد عبد الفتاح]

لو عاوز تعملها دور مدارس مش حاتنفع تتأجر عادى باليوم لأن العيال حايبهدلوها - أنسب حاجة للدور بتاع المدارس هى الميكروباص الصغير السوزوكى الـ ٧ راكب

[meshmesh6374]

لو عاوز تعملها دور مدارس مش حاتنفع تتأجر عادى باليوم لأن العيال حايبهدلوها - أنسب حاجة للدور بتاع المدارس هى الميكروباص الصغير السوزوكى الـ ٧ راكب

'طبعا شرفنى رد حضرتك بس انا عايز حاجه ملاكى ممكن مشاوير وكمان المدارس كام شهر بس لو فى اقتراح عربيه ملاكى اكون شاكر لحضرتك

[Sameh samy]

السوزوكي بترخص ملاكي بس هاتبقي اغلي من الرقم دة والفلوس تحكم يعني فلوسك موش هاتجيب غير شاهين او بيجو 7 راكب او مازدا 929 وهاتها استيشن

[hanaf2005]

في رأيي الشخصي بعيداً عن السعر المحدد ( سوزوكي فان أو شيفرولية n300 ). وربنا معاك ويوفقك

[meshmesh6374]

في رأيي الشخصي بعيداً عن السعر المحدد ( سوزوكي فان أو شيفرولية n300 ). وربنا معاك ويوفقك

شكرا لحضرتك طيب لو هكمل عليهم واجيب اسبيرانزا a516 , a113 انهى افضل واسف على كتر الاسئله