اخر كلام... كورولا ولا اوكتافيا

[snoop7oss]

السلام عليكم ..
اعضاء المنتدى الكرام .. طبعا بعد حيرة رهيبة واسئلة في المنتدى وقراءة اغلب البوستات والمقارنات .. حصرت المنافسة بين الكورولا تاني فئة والاوكتافيا تاني فئة .. الحمد لله الكورولا متاحة لكن الاوكتافيا حتحتاج ازنق نفسي شويتين.. انا مقتنع بالعربيتين جدا لكن نفسي في الاوكتافيا اكتر..
مقتنع بالكورولا اكتر في نعومة عفشتها وموتورها الاقوى وكتر الاوبشنز والاعتمادية... والاوكتافيا عشان شياكتها وفخامتها ( وطبعا دي اذواق والموضوع نسبي) وعشان اسمع ان تكاليف صيانتها وقطع غيارها ارخص من الكورولا بمقارنة التوكيلين.
لا يشغلني سعر اعادة البيع لاني مش حغير قبل 7 سنين..
والسؤال..
1-هل فعلا قطع غيار الاوكتافيا ارخص بقارنة التوكيلين
2-هل الاوكتافيا تستاهل اني ازنق نفسي عشانها ولا الكورولا حتفي بالغرض
3-ايه اسعار قطع الغيار للعربيتين برة التوكيل بعد انتهاء الضمان
4- هل الاوكتافيا فيها مشاكل الالماني من ناحية التكنولوجيا الاوفر وكثرة اعطال الحساسات زي الاسترا مثلا.

مالاخر تنصحوني بأية ... ارجو عدم دخول اي سيارات اخرى للمقارنة .. انا مصدقت استقريت :)

وشكرا مقدما..

[Abo_Mazen]

الأوكتافيا تشيكي مش الماني

[Batman372]

كترت اسألتك و مخاوفك تقول كورولا ...
تحياتى ...

[mostafa3000]

الاوكتافيا افضل ودة رايئ الخاص

[snoop7oss]

انا اعرف انها تشيكي الاصل والماني التصنيع والتقفيل .. وشكرا لرد حضرتك :)

[snoop7oss]

صوت مقابل صوت .. كدة ححتار اكتر :) ... متشكر لارائكم جدا

[ahmzd]

خليك ف الكورولا طالما عندك مخاوف من الأوكتافيا، وتفضل فايق بدل ما تزنق نفسك.. والله أعلم.

[mhmd_farouq]

كورولا اكثر اعتماديه

[ENG.MaRk]

أنصحك بالكورولا لأنك خايف من موضوع الاعتمادية و المشاكل و لكن خلّي بالك من المطبات و بعدين أصلا لما تيجي تبيع الكورولا بعد سبع سنين إن شاء الله هتفضل ماسكة سعر ... السكودا مفيهاش مشاكل الألماني و محدش اشتكي منها ... من الآخر كدة ديه مش مقارنة بين عربيتين ... ديه مقارنة بين قلبك و عقلك ... القلب يقول أوكتافيا و العقل يقول كورولا

[Mohamed Bander]

الاوكتافيا اعلى على الارض من الكورولا اللى ناس كتير بتشتكى من احتكاكها فى مطباتنا الغبية ،، مش معقدة للدرجة و مفيهاش مشاكل الحمد لله،، صاجها و دهانها احسن من الكورولا بس سحبها مش زى الكورولا لانها اتقل منها،، اسعار صيانتها مش عالية و مش هقدر اقارنلك بالكورولا لانى معرفش الاسعار

[ahmed.Elashy]

الاسكودا طبعا بدون تفكير .. اسعار قطع غيارها اقل من الكورولا ومنتشره لانها بتشترك مع كذا عربيه ف نفس قطع الغيار
صاج متين
ثبات عالي ف الطريق زي الكورولا بس الاسكودا افضل
موتور افضل وسع داخلي
شنطه تنام جواها وانت مرتاح
و م الاخر تكنولوجيا الماني يعني الاعتماديه والاداء كله
بس طبعا الكورولا عربيه مفهاش غلطه بس موديل اقل من الاوكتافيا

[scientist9508]

بسم الله الرحمن الرحيم

اﻷخ الفاضل snoop7oss

لقد شغلت نفسك بالشغل الشاغل. السيارتين عملاقتين ومهما أسهب اﻹخوه اﻷعضاء فى مقارنة التفاصيل فلن تزيد نفسك إﻻ حيرة و خباﻵ.

سأحدثك حديث صدق من قؤول فصيح.

1 - إختار السياره التى ﻻ يسبب شراؤها لك أى ضغوط ماديه و ذلك لسببين:
اﻷول: أن السيارات تنفق المال مهما كانت متماسكه
الثانى: الهمج و البلطجيه الذين تمتلىء بهم شوارعنا لن يدعوك تسعد بها بدون أن يضيف أحد بصمته الشخصيه عليها.
فهون على نفسك

2 - ﻻ تشغل بالك بالمقارنات الدقيقه حتى ﻻ تضيع فى طريق ﻻ آخر له

3 - إن تقدمت اﻷولى على الثانيه فى عنصر مقارنه فلا تلبث أن تتقدم الثانيه على اﻷولى فى عنصر المقارنه التالى. و النتيجه اﻷخيره السيارتين متساويتين.

4 - و حيث أن ﻻ توجد عناصر مقارنه ترفع أحدهما و تخسف اﻷخرى فإبحث عن راحتك النفسيه (ﻷيهما تميل مشاعرك).

هداك الله ﻷرشد و أقومه

السلام عليكم و رحمة الله و بركاته

[drcobra]

انت اخترت اكتر عربيتين معروف عنهم الاعتماديه
اكتر عربيتين شعبيتين فى مصر مش علشان السعر لكن علشان الانتشار ووالسمعه

كورولا اعتماديه + اوبشنز كتير
سكودا اعتماديه + فخامه

من الاخر
لو معاك تمن الكورولا هاتها تانى فئه
لو معاك تمن السكودا هاتها تانى فئه

نصيحتى فى مصر مفيش استمتاع بالعربيه بسبب شوارعنا والبشر والركنه
العربيه بالنسبه لىا توصلنى مرتاح ومبسوط ومتوجعش دماغى خالص

[خالد نوبل]

كلام جميل خاصة موضوع بصمة الهمج و البلطجية دة

بسم الله الرحمن الرحيم

اﻷخ الفاضل snoop7oss

لقد شغلت نفسك بالشغل الشاغل. السيارتين عملاقتين ومهما أسهب اﻹخوه اﻷعضاء فى مقارنة التفاصيل فلن تزيد نفسك إﻻ حيرة و خباﻵ.

سأحدثك حديث صدق من قؤول فصيح.

1 - إختار السياره التى ﻻ يسبب شراؤها لك أى ضغوط ماديه و ذلك لسببين:
اﻷول: أن السيارات تنفق المال مهما كانت متماسكه
الثانى: الهمج و البلطجيه الذين تمتلىء بهم شوارعنا لن يدعوك تسعد بها بدون أن يضيف أحد بصمته الشخصيه عليها.
فهون على نفسك

2 - ﻻ تشغل بالك بالمقارنات الدقيقه حتى ﻻ تضيع فى طريق ﻻ آخر له

3 - إن تقدمت اﻷولى على الثانيه فى عنصر مقارنه فلا تلبث أن تتقدم الثانيه على اﻷولى فى عنصر المقارنه التالى. و النتيجه اﻷخيره السيارتين متساويتين.

4 - و حيث أن ﻻ توجد عناصر مقارنه ترفع أحدهما و تخسف اﻷخرى فإبحث عن راحتك النفسيه (ﻷيهما تميل مشاعرك).

هداك الله ﻷرشد و أقومه

السلام عليكم و رحمة الله و بركاته

[snoop7oss]

شكرا للاصدقاء الاعضاء على الردود القيمة والمفيدة .. واسف على تأخري في الرد