Tweet
اختيار العربية حيرة كبيرة و بتعمل صراع داخلي في العقل الواعي و اللاواعي للانسان ،يعني مثلا هاقولكم نمط تفكيري أنا و غيري كمواطن محتار نفسه في موضوع السيارة ياخد قرار..
أنا عاوز عربية كويسة تريحني و تبسطني و في نفس الوقت سعرها و مصاريف تشغيلها يبقوا اقتصاديين ،يبقي ايه بقي حل الفزورة ؟ لا لا أنا عن نفسي مستحيل أجيب صيني و كمان مش بحب الفيرنا أنا عاوز عربية مش لعبة و ماتقوليش لوجان هي شكلها بقي أحسن كتير صحيح بس في الأخر ضيقة و ماتساعش 5 أفراد مستريحين و كمان مانيوال لا لا كفاية مانيوال أنا عاوز أوتوماتيك ،بص هي الأفيو مش وحشة هابلعها بس لا دي ضيقة أوي من ورا و ناقصة كماليات كتير هي بالضبط عربية قديمة بس فيها ازاز كهرباء و تكييف و حتي دي كماليات قديمة و تاني دي ضيقة اوي من ورا ،الأكسنت و الريو و اليارس و السيتي سعرهم مبالغ فيه أوي و معظمهم برضو مساحة المقاعد الخلفية مش أوي و انا بيركب معايا اهلي و اصحابي و زمايلي عاوزهم يبقوا مستريحين ،خلاص لقيتها هي نيسان صني مفيش غيرها هي صحيح في شكوي من صفارة الفرامل و التيل بيخلص بسرعة بس معظم عربيات السوق كدة مع الفروق البسيطة و مع ذلك هابلع الحكاية دي و هابلع كمان شكلها هي مش حلوة بس مش مضايقاني ده عشان انا هاخد كتير مقابل ثمنها ده 123 ألف معظم الكماليات و الوسع الكبير للمقاعد الخلفية بتتفوق بيه علي فئات أعلي منها و مساحة الشنطة واسعة و متوسط أسعار قطع غيار معقول و مفيش شكوي من حاجات أساسية زي الموتور و الفتيس هي مغرية الصراحة و كمان الفيس ليفت بتاعها نزل برة و احتمال ينزل هنا قريب ،بس ما تزود كمان شوية و تجيب حاجة شكلها احلي و ثباتها احلي و اعتمادية افضل زود كدة 30 ألف و هات متسوبيشي لانسر شارك ماتتخضش كدة الفرق ده مش خسارة في العربية هاينقلك نقلة تانية ،هي حلوة و انا بحبها بصراحة بس في حاجات مضايقاني يعني مثلا عزل الموتور و صوت المقصورة مع الوقت هايلعبوا في دماغي و يربولي الصداع و شنطتها هي مالهاش شنطة تقريبا صغيرة أوي انا صحيح مش هاحتاج الشنطة في الاستخدام اليومي بس عاوز وقت ماحتاجها الاقيها و بعدين قطع غيارها في التوكيل غالية و كتير بيشتكوا من التوكيل و كتير بيعملوا الصيانة و يجيبوا قطع الغيار برة التوكيل بس كدة مش مطمن العربية هايتلعب فيها كتير من ايدي مش مضمونة ،بص بقولك ايه خد شيفرولية كروز عربية حلوة و ثابتة و عزلها احسن من اللانسر و شنطتها اكبر و تقريبا نفس السعر ،هي فكرة برضو لكن يعني هي اوطي من اللانسر يعني اخاف من المطبات و كدة و كمان الفيس ليفت بتاعها مش منتشر أوي و وكيلها ماسمعتش عنه كلمة حلوة و المقاعد الخلفية مع انها مش ضيقة بس مش مريحة ،طب زود كمان 10 الاف بس و هات هيونداي النترا انت مغرم بشكلها و خصوصا بعد الفيس ليفت من جوة و برة تحفة ،هي فكرة بصحيح بس في شبه اجماع من مصر و برة مصر ان ثباتها مش حلو علي السرعات العالية و دي حاجة مهمة جدا دي أرواح ناس ،خلاص ماتحيرش نفسك انت دلوقتي وصلت من 165-170 الف تفريبا بنفس ثمن الانترا هات رينو فلوانس عربية أفخم و ثبات ممتاز و كماليات و لمسات رائعة في كل تفاصيلها دي عربية نص ياباني نص اوروبي اعتمادية الياباني في الموتور و الفتيس و التكييق و فخامة و تكنولوجيا و دلع و ثبات الأوروبي و كمان اكتر توكيل الناس بيشكروا فيه في مصر و اسعار قطع غيار أصلية من الوكيل اقل من معظم عربيات فئتها ، تمام بس هو انا بصراحة مابحبش رينو لكن مش عارف ليه بحب فلوانس جدا بس يعني هو انا مش فارق معايا اوي سعر اعادة البيع عشان انا بدفع فلوس في عربية هاستمتع بكل تفاصيلها لفترة كبيرة و كمان مش ناوي ابيع قريب و كمان من متابعة اسعار اعادة البيع اتفاجأت انها نفس متوسط سعر اعادة بيع الالنترا بس يمكن الفرق في سرعة البيع يعني حاجة مش جوهرية أوي بس كتر كلام الناس في الحتة دي عامللي هسهس انا بقول نخلينا في الياباني ،خلاص زودلك كدة 20 -25 ألف و خد تويوتا كورولا ماتقولش عليها كلمة بقي عربية من الاخر صحيح الفلوانس احسن منها في الارتفاع عن الأرض و كبر حجم الشنطة و شوية كماليات و دلع بس الكورولا اكتر عربية مبيعا في التاريخ و تويوتا أعلي شركة في الاعتمادية في العالم و فيها كماليات محترمة و حاجات مش موجودة في عربيات فئتها زي نظام التوازن الالكتروني و نظام المساعدة في المرتفعات و نظام ضد تزحلق السيارة و نظام الركن الذكي و السبورت مود في الفتيس الحاجات دي كلها مجتمعة ماتلاقيهاش غير في الكورولا ،بس خد بالك أنا كدة وصلت ل 190 ألف بلاش نقول الهايلاين بالنسبالي دي مناسبة من حيث الكماليات بس برضو غالية أنا كدة عليت أوي و كمان يعني ليه فانوس ب 3500 و فلتر ب 500 و رفارف اكصدام و كبوت...، بقولك ايه انا دماغي لفت خلااااص أنا قررت مش هاجيب عربية...، بس انا بقول يعني انا هافكر تاني..أنا عاوز عربية اقتصادية تكون أوتوماتيك و واسعة صالون و شنطة و..........
أنا عاوز عربية كويسة تريحني و تبسطني و في نفس الوقت سعرها و مصاريف تشغيلها يبقوا اقتصاديين ،يبقي ايه بقي حل الفزورة ؟ لا لا أنا عن نفسي مستحيل أجيب صيني و كمان مش بحب الفيرنا أنا عاوز عربية مش لعبة و ماتقوليش لوجان هي شكلها بقي أحسن كتير صحيح بس في الأخر ضيقة و ماتساعش 5 أفراد مستريحين و كمان مانيوال لا لا كفاية مانيوال أنا عاوز أوتوماتيك ،بص هي الأفيو مش وحشة هابلعها بس لا دي ضيقة أوي من ورا و ناقصة كماليات كتير هي بالضبط عربية قديمة بس فيها ازاز كهرباء و تكييف و حتي دي كماليات قديمة و تاني دي ضيقة اوي من ورا ،الأكسنت و الريو و اليارس و السيتي سعرهم مبالغ فيه أوي و معظمهم برضو مساحة المقاعد الخلفية مش أوي و انا بيركب معايا اهلي و اصحابي و زمايلي عاوزهم يبقوا مستريحين ،خلاص لقيتها هي نيسان صني مفيش غيرها هي صحيح في شكوي من صفارة الفرامل و التيل بيخلص بسرعة بس معظم عربيات السوق كدة مع الفروق البسيطة و مع ذلك هابلع الحكاية دي و هابلع كمان شكلها هي مش حلوة بس مش مضايقاني ده عشان انا هاخد كتير مقابل ثمنها ده 123 ألف معظم الكماليات و الوسع الكبير للمقاعد الخلفية بتتفوق بيه علي فئات أعلي منها و مساحة الشنطة واسعة و متوسط أسعار قطع غيار معقول و مفيش شكوي من حاجات أساسية زي الموتور و الفتيس هي مغرية الصراحة و كمان الفيس ليفت بتاعها نزل برة و احتمال ينزل هنا قريب ،بس ما تزود كمان شوية و تجيب حاجة شكلها احلي و ثباتها احلي و اعتمادية افضل زود كدة 30 ألف و هات متسوبيشي لانسر شارك ماتتخضش كدة الفرق ده مش خسارة في العربية هاينقلك نقلة تانية ،هي حلوة و انا بحبها بصراحة بس في حاجات مضايقاني يعني مثلا عزل الموتور و صوت المقصورة مع الوقت هايلعبوا في دماغي و يربولي الصداع و شنطتها هي مالهاش شنطة تقريبا صغيرة أوي انا صحيح مش هاحتاج الشنطة في الاستخدام اليومي بس عاوز وقت ماحتاجها الاقيها و بعدين قطع غيارها في التوكيل غالية و كتير بيشتكوا من التوكيل و كتير بيعملوا الصيانة و يجيبوا قطع الغيار برة التوكيل بس كدة مش مطمن العربية هايتلعب فيها كتير من ايدي مش مضمونة ،بص بقولك ايه خد شيفرولية كروز عربية حلوة و ثابتة و عزلها احسن من اللانسر و شنطتها اكبر و تقريبا نفس السعر ،هي فكرة برضو لكن يعني هي اوطي من اللانسر يعني اخاف من المطبات و كدة و كمان الفيس ليفت بتاعها مش منتشر أوي و وكيلها ماسمعتش عنه كلمة حلوة و المقاعد الخلفية مع انها مش ضيقة بس مش مريحة ،طب زود كمان 10 الاف بس و هات هيونداي النترا انت مغرم بشكلها و خصوصا بعد الفيس ليفت من جوة و برة تحفة ،هي فكرة بصحيح بس في شبه اجماع من مصر و برة مصر ان ثباتها مش حلو علي السرعات العالية و دي حاجة مهمة جدا دي أرواح ناس ،خلاص ماتحيرش نفسك انت دلوقتي وصلت من 165-170 الف تفريبا بنفس ثمن الانترا هات رينو فلوانس عربية أفخم و ثبات ممتاز و كماليات و لمسات رائعة في كل تفاصيلها دي عربية نص ياباني نص اوروبي اعتمادية الياباني في الموتور و الفتيس و التكييق و فخامة و تكنولوجيا و دلع و ثبات الأوروبي و كمان اكتر توكيل الناس بيشكروا فيه في مصر و اسعار قطع غيار أصلية من الوكيل اقل من معظم عربيات فئتها ، تمام بس هو انا بصراحة مابحبش رينو لكن مش عارف ليه بحب فلوانس جدا بس يعني هو انا مش فارق معايا اوي سعر اعادة البيع عشان انا بدفع فلوس في عربية هاستمتع بكل تفاصيلها لفترة كبيرة و كمان مش ناوي ابيع قريب و كمان من متابعة اسعار اعادة البيع اتفاجأت انها نفس متوسط سعر اعادة بيع الالنترا بس يمكن الفرق في سرعة البيع يعني حاجة مش جوهرية أوي بس كتر كلام الناس في الحتة دي عامللي هسهس انا بقول نخلينا في الياباني ،خلاص زودلك كدة 20 -25 ألف و خد تويوتا كورولا ماتقولش عليها كلمة بقي عربية من الاخر صحيح الفلوانس احسن منها في الارتفاع عن الأرض و كبر حجم الشنطة و شوية كماليات و دلع بس الكورولا اكتر عربية مبيعا في التاريخ و تويوتا أعلي شركة في الاعتمادية في العالم و فيها كماليات محترمة و حاجات مش موجودة في عربيات فئتها زي نظام التوازن الالكتروني و نظام المساعدة في المرتفعات و نظام ضد تزحلق السيارة و نظام الركن الذكي و السبورت مود في الفتيس الحاجات دي كلها مجتمعة ماتلاقيهاش غير في الكورولا ،بس خد بالك أنا كدة وصلت ل 190 ألف بلاش نقول الهايلاين بالنسبالي دي مناسبة من حيث الكماليات بس برضو غالية أنا كدة عليت أوي و كمان يعني ليه فانوس ب 3500 و فلتر ب 500 و رفارف اكصدام و كبوت...، بقولك ايه انا دماغي لفت خلااااص أنا قررت مش هاجيب عربية...، بس انا بقول يعني انا هافكر تاني..أنا عاوز عربية اقتصادية تكون أوتوماتيك و واسعة صالون و شنطة و..........
Comment