اكسيل احسن ام شاهين

[elkingg36]

الى جميع الخبراء معى مبلغ 35000 والجميع نصحونى بالاكسيل او الشاهين ياريت اعرف اختار ايه وحصوصا انها اول سيارة ولكم خالص الشكر

[Sameh samy]

خليك في الشاهين تستحمل اكتر صحيح الاكسل انعم بس صعب اوي تلاقي منها حالة نضيفة

[elkingg36]

متشكز جدا علي ردك بس معني كده اني لو لاقيت اكسل بحاله جيدة تكون افضل من الشاهين ام ان الشاهين افضل في كل الاحوال

[vmallek]

الاكسل مريحة اكثر من الشاهين - الشاهين اقوي في التحمل
الاختيار يتوقف علي ما تريده من السيارة
اذا كنت تسير في طرق غير ممهدة ومطبات كثيرة فالشاهين افضل
اما اذا كنت ترغب بسيارة مريحة للسير علي طرق جيدة فالهيونداي مناسبة اكثر

[AHMED__ZIZO]

المهم الحالة طالما انها اول سيارة
يعنى ممكن تدور على الاتنين واللى تلايها حالتها افضل توكل على الله واشتريها

[elkingg36]

انشاء الله سوف اذهب الي سوق الجمعة مع واحد صاحبي ليه خبره في السيارات مع الميكانيكي معرفته المهم انا عايز اعرف من حضراتكم ايه احسن الموديلات في السيارتين وايه الاوفر في قطع الغبار والاحسن في اعادة البيع والاحسن بالنسبه لاستخدام متوسط لاسرة من خمس افراد وسفر تقريبا مرتين في السنة وانا الطرق اللي باستخدمها في الغالب طرق عادية واسف لتعبكم وياريت الرد يكون سريع لاني نازل الجمعه الجاية انشاء الله

[hugan]

هي الشاهين امتن واقوي واشد
مفيش مقارنه بينهم
لكن بلا اي كماليات او رفاهيه

[ARKOON]

شاهين ارتفاعها اعلى من الاكسيل ولما بتتظبط بتبقى عربية تحفة .

[hazzoom]

اللي تلاقي حالتها أحسن خلص فيها, رفاهيه على حساب الحاله متسواش, متانه على حساب الحاله متسواش برضه

[elkingg36]

انا بشكركم على اهتمامكم ودعواتكم انى اتوفق فى الشراء لانى بخاف بصراحة من النصب اللى فى السوق وانشاء الله لما اروح سوف اخركم واتواصل معكم لكى استفيد من حبراتكم

[abokoko]

لو ال2 بنفس الحالة والسعر الافضل الاكسيل
الشاهين هى ال131 متطورة
الاكسيل واخدة من المتسوبيشى لانسر
الاكسيل هيمشى معاها قطع غيار من الاكسنت و الفرنا
اعادة البيع لصالح الاكسنت
رايي حتى لو اشتريت شاهين بحالة كويسة بعد فترة هتلاقى نفسك محتاج سيارة احدث

بلاش تحصر نفسك فى الاختيارين دول بس
وانت بتدور ممكن تلاقي اختيارات تانية زى الاسكودا فشيا كومبى

[elkingg36]

انا بشكرك علي ردك وانا فعلا ميال للاكسيل اكتر من الشاهين بس بالنسبة للاسكودا فليشيا انا سمعت ان فيها مشكلة بالنسبه للسخونه ياتري دا صحيح ام لا وخالص تحياتي

[abokoko]

انا مش مالك للاسكودا
وحضرتك ممكن تتابع موضوعات الفلشيا هنا فى المنتدى
بس اللى اعرفه انها عربيه محترمة وعن نفسي بتعجبنى جدا الكومبي ولو لقيت سيارة كومبي استعمال نظيف وبيتى ممكن اشتريها

عموما
اى عربية متظبطة مش هتسخن ده وجهة نظرى

[elpasha1]

ايون
مشاكل السخونيه فيها كتير

[fepsceasar]

رايي المتواضع زود شوية وهات سيات ابيزا اوستروين اكسارا اوميجان 1
من 1999الى 2002
وهتحس بنعومة ورفاهية وثبات وكل حاجة
قطع الغيار موجودة انصاص كاملة قى صقر قريش للفرنساوى اواللبيني فى الهرم اوالحرفيين او الوكالة ومعمرة