محتار بين أكتر من عربيه

[mohamed-salah]

السلام عليكم ورحمه الله وبركاته
دى أول مشاركه ليه هنا وكنت عاوز استفسر منكم على حاجه ياريت تساعدونى .. بدور على عربيه مستعمله معايا من 25 - 30 ألف ومحتار بين أكتر من عربيه ومش عارف ايه اﻷفضل من حيث السوق وكده من بين الإختيارات (كيا برايد - سكودا فيليشيا - سكودا فيفوريت - هيوانداى اكسيل-ماروتى- ايبيزا - دايو ماتيز - سيات سيينا وفى حاجات فورد ) .. كل دول فى منهم ف رينج السعر اللى بدور فيه ولكن أنا ميال أكتر للمـاتيز أو الإيبيزا .. وللإسف مش عارف وضع السوق مع كل منهم على حده .. وخايف أجيب حاجه وتتعبنى بعد كده ﻷن دى أول تجربه ليه ف السوق ده ... أتمنى منكم المساعدة والنصايح والافاده .. شكرا جزيلا.. واسف للإطاله ..

[amr011111]

من اللى المعروض يبقى هات ماروتى هتجيب موديل قريب وصيانتها سهله وقطع غيارها رخيصه

[mohamed-salah]

متشكر جدا ليك على ردك .. جزاك الله كل خير ..بس أنا شايف ان الماروتى 800 cc وده صغير برغم ان فى حاجات تانيه ف اللى معروض ده أكبر من كده .. ﻷنى مش قاهرى وهسافر مره ف الشهر أول مرتين بالكتير ..

[J A G U A R]

رأيي اهم حاجه تشوف حاله كويسه

[S O P H O S]

والله لو ماروتي سليمة هتكون افضل من عربية
قديمة وتفضل تصرف
لو استخدامك خفيف العربية هتكون مناسبة ليك
والله اعلم