فانتازيا 2010 مستعمل ام كيا سيراتو 2015 زيرو

[kh_yn]

سلام عليكم ورحمه الله وبركاته

معلش يا جماعه انا فى حيره شديده الايام دى عشان اشترى عربيه

دلوقتى انا كنت مقرر اشترى كيا سيراتو 2015 كامله فاتحه و Abs و ايرباج ومثبت وطاره وبلوتث وليدات وخلافه

ومعروض عليا اسكودا فانتازيا 2010 كامله توب لاين خليجى وتقريبا سعرهم متقارب


لو فى مكانى تجيب ألمانى ( تشيكى ) مستعمل ام السيراتو الزيرو ؟

[ahmed.Elashy]

دا يرجعلك انت ف الاول و الاخر
انك تشتري زيرو وتعيش حلاوه عربيه زيرو وعربيه لسه بخيرها

او تجيب اسكودا وهيا طبعا افضل بكتير اوي من الكوري

افضل ف الثبات و العزل و الموتور و قوه الصاج والخامات والعمر الطويل وقطع غيار معمره اوي ومنتشره وعربيه فخمه

[Mostafa.Mahran]

الفانتازيا افضل فى كل حاجة بس الزيرو احلى و اضمن

[kh_yn]

خوفى من الفانتازيا بس ان اولا بتبقى عامله كيلوات لا بأس بها ثانيا بردو الفتيس بتاعها بحالات وما ادراك ما سعر قطع غيار الفانتازيا وخصوصا الفتيس . دا بيبقى فى الحاله دى اختبار من المولى عز وجل :d . بس العربيه فاخمه والسيراتو بردو كماليات وبرستيج مش وحشه
مش عااااااااااااااااااااارف اعمل يه ؟

[ENG.MaRk]

فانتازيا طبعاً بس شرط الحالة و العداد !!!

[mostafa3000]

فانتازيا طبعاً بس شرط الحالة

[shiko85]

وعليكم السلام ورحمة الله وبركاته
حضرتك اشترى سيراتو او لو فيه امكانيه اشترى استرا زيرو

[amr011111]

طبعاً الزيرو مش هتحس بالفرق الرهيب بين العربيتين

[J A G U A R]

الزيرو زيرو
والسيراتو مش اى كلام برضه علشان تسيبها

[ENG.MaRk]

الزيرو زيرو
والسيراتو مش اى كلام برضه علشان تسيبها

أصحابي في الخليج معاهم النترا و سيراتو و بيحبوها أكتر من السكودا بس اللي برة بتنزل 1800 سي سي و فيها كماليات رهيبة لو نزلت بيها في مصر سعر العربية هيعدي الsportage ... التوكيل زبالة بس مش ده موضوعنا ... أنا قصدي أقول إن السيراتو فعلاً ممكن يتقال عليها أحسن من السكودا و مش أي كلام بس التوكيل يحترم نفسه و خصوصاً إن السيراتو شكلها أحلي من السكودا اللي شكلها كلاسيكي قوي :) !!!
خلاصة الكلام يا باشا الفانتازيا لو عدادها قليل (مش أكتر من 50000) و بحالتها و يتقال عليها فابريقة يبقي اتكل علي الله فيها و لو مش بالمواصفات ديه خليك في السيراتو و خلاص مع العلم إني أفضل الفلوانس و الأسترا ف لو تقدر تضيفهم للمقارنة

[ENG.MaRk]

هي السيراتو ديه اللي هي ب 171.500 ولا 185000 لأنها سواءً ديه أو ديه من الأفضل إنك تضغط علي نفسك شوية و تكمل و تجيب أسترا زيرو أو ممكن تجيب أسترا 2013 كسر زيرو و بأقل من كدة (شوفت واحدة موديل 2013 عند أباظة و كانت عاملة 30000 و فتحتها و قعدت أتفرج عليها و العربية فابريقة و ألماني و موديل جديد :) و ماتقلش حاجة عن السكودا )

[S O P H O S]

الزيرو ميزة اكبر ومضمون اولا واخيرا