محتار بين تويوتا كرولا 2015 و بين هوندا سيفك 2015

[eslam_safwat]

السلام عليكم سؤال لو سمحتم وارجو الافاده ايهما افضل تويوتا كورولا 2015 وللا هوندا سيفك 2015
العربيتين فى نفس السعر تقريبا يعنى انا لو معايا المبلغ وهاشترى اشترى مين فيهم واشتريها ليه ومين فيهم افضل من ناحية التحمل والاداء
انا قريت كتير وفى ناس بتشكر فى التويوتا وفى ناس تانيه بتشكر فى الهوندا وبحس ان اللى معاه عربيه متحيز ليها اوى
فياريت حد يفيدنى يكون جرب العربيتين

[Sindibad]

انا افيدك بخصوص الأتنين

السلام عليكم سؤال لو سمحتم وارجو الافاده ايهما افضل تويوتا كورولا 2015 وللا هوندا سيفك 2015
العربيتين فى نفس السعر تقريبا يعنى انا لو معايا المبلغ وهاشترى اشترى مين فيهم واشتريها ليه ومين فيهم افضل من ناحية التحمل والاداء
انا قريت كتير وفى ناس بتشكر فى التويوتا وفى ناس تانيه بتشكر فى الهوندا وبحس ان اللى معاه عربيه متحيز ليها اوى
فياريت حد يفيدنى يكون جرب العربيتين

السلام عليكم

انا معاياالسيفيك 2012 اللى هى هى ال 2015 مع بعض التغييرات فى الشكل الخارجى للاكصدام الأمامى فقط لكن نفس الموتوروالعفشة وكل حاجه
وفى نفس الوقت معانا فى الشغل التويوتا الكورولا الجديدة 2015
أولا: انت عاوز ايه من السيارة دى حاجه مهمة جدا - رتب اولوياتك
السيارتين تقفيل تركى لكن ممتاز
الأوبشنز فى التويوتا اكتر شوية فى نفس الفئة السعرية
التوكيلين ممتازين
الأتنين قوة وتحمل واعتمادية ممتازة وقطع غيار معمرة
سعر قطع الغيار تقريبا واحدة مع زيادة طفيفة بالنسبة للهوندا
الصيانات مش مكلفة ابدا زى ما يشاع وخاصة بالنسبة للهوندا
العلو من على الأرض مناسب للأثنين كان فيه مشكلة بالنسبة للكورولا اول ما نزلت لكن اتحلت دلوقت فى الموديلات الحالية
راحة وركوب الأثنين نفس الطعم
الهوندا من الداخل تحس بالرفاهية اكتر علشان العدادات الديجيتال ودى حاجه نفسية تختلف من واحد للتانى
الكورولا شيك برضة من جوه
فتيس الكورولا حاجه اسمها cvt وده بيخلى النقلات سلسة والسحب عالى
الموتورين شداد وموفرين بنزين (7-6 لتر لكل 100 كم)
حاجه واحده بتفرق هى ا ن شنطة الكورولا اوسع حوالى 100 لتر عن السيفيك
على فكرة اكسسوارات الكورولا ارخص فى التوكيل من هوندا

فى النهاية السيارتين من اقل السيارات مشاكل واعلاهم جوده واعتمادية ونصيحتى انك تسوق الأتنين وتشوف ايهما سوف ترتاح فيها اكتر ودائما اقول ان السيارة عاملة زى الزوجة راحة نفسية قبل اى شىء

ولك منى كل سلام

[ENG.MaRk]

كورولا لسهولة إعادة البيع

[eslam_safwat]

شكر Sindibad للرد
انا عارف ان العربيتين كويسين وفى نفس السعر تقريبا ودا اللى محيرنى ومخلينى مش عارف اختار بينهم انا عاجبنى الشكل الخارجى للكرولا والاوبشن الزياده اللى فيها عن الهوندا وبصراحه برده عاجبنى اوى شكل الهوندا من جوا بس سيبك من دا كله
مين فيهم تتحمل المطبات اللى هنا فى مصر وعلى الطريق وتتحمل السفر لمسافات طويله
وبعدين فى حاجه كمان انا عايز اشترى عربيه وانساها مش من هواة ان اغير كل كام سنه عربيه يعنى من الاخر حاجه عمليه

[S O P H O S]

الاثنين تحفه
الهوندا تميز اكتر شوية

[swimmer25]

العربيتين افضل العربيات السيدان
السيفيك أفضل في الهاندلنج ومتعة القيادة عن الكورولا والإختيار بين الفتيس ال cvt وال 5 نقلات في السيفيك...أنا عن نفسي محبتش ال cvt بس في عربية تيدا مجربتش بتاع الكورولا

[Sindibad]

الكورولا

شكر sindibad للرد
انا عارف ان العربيتين كويسين وفى نفس السعر تقريبا ودا اللى محيرنى ومخلينى مش عارف اختار بينهم انا عاجبنى الشكل الخارجى للكرولا والاوبشن الزياده اللى فيها عن الهوندا وبصراحه برده عاجبنى اوى شكل الهوندا من جوا بس سيبك من دا كله
مين فيهم تتحمل المطبات اللى هنا فى مصر وعلى الطريق وتتحمل السفر لمسافات طويله
وبعدين فى حاجه كمان انا عايز اشترى عربيه وانساها مش من هواة ان اغير كل كام سنه عربيه يعنى من الاخر حاجه عمليه

بصراحة الكورولا بتاعت شقى وجرى وهرى قوة تحمل ومصاريف أقل
الهوندا بتاعت جرى بس مش شقى ومتعة قياده
لو هتسوق كتير وتعمل كيلومتر كتير فى السنة هات التويوتا
لو عادى يعنى من 10-20 الف كيلو متر فى السنة هات السيفيك
الكورولا بتشتغل عندنا فى شركات البترول حمارة شغل لكن مش المتعة اللى هى فى السواقة - حلوة بس مش واو
الهوندا تحس انها ارقى شوية وتابلوه فخم ومش كتير راكبينها - فأنت وحسب استهلاكك
يعنى لو انت مثلا مندوب او مدير مبيعات هات الكورولا - او هتروح بيها فى شغلك وفى كل حته بيها
لكن لو انت هتسهلكها عادى او عندك سيارة اخرى صغيرة مثلا يبقى الهوندا

سلام