لوجان 2015 ولا صني2010 ؟؟

[moudy88]

السلام عليكم ورحمة الله وبركاته

انا ادامي اختيارين دلوقتي ومحتار مابينهم

او اني اجيب لوجان زيرو ب 86 الف واهيي عربيه زيرو

ولا اشتري عربية اخويا صني 2010 مانيوال بحوالي 75 الف وعامله 88 الف كم ؟؟

بصراحه انا ممعيش فلوس كتير ..يعني اخري 66 الف والباقي هيتقسط سواء مع الصني او اللوجان

عايز رأيكم ضروري ؟؟

انا بميل للصني ...علشان عربيه بياعه وقطع غيارها وصيانتها في كل حته وهيا معاه من الزيرو ...

[blazer]

لو عربيه اخوك حالتها حلوه يبقى خدها طبعا خصوصا لو متحافظ عليها

[scientist9508]

ارى ان اللوجان افضل من الصنى حتى و ان كانت الصنى زيرو فما بالك بالمستعمله مهما كان اخوك محافظ عليها

[J A G U A R]

الصنى افضل
بس انا شايف انها مش نقله كبيره اوى بين اللوجان والصنى
وفرق خمس سنين مش شويه وعربيه زيرو فخليك فى اللوجان
مجرد رأي

[miceg]

ال ٢٠١٠ كانت ممتازة بس كان معايا الاوتوموماتيك
مشكلة نيسان عيش مع مشاكلها فتوكيل ومراكز وغيره وحسب استخدامك
انما رينو ضمان ٣ سنوات او ١٠٠ الف كم

[ENG.MaRk]

الصني أحسن من اللوجان و لكن مادام الاتنين مانيوال يبقي لوجان علشان زيرو و إن كان الفرق بين اللوجان و الصني مش كبير قوي بس مجرد نصيحة مادام كدة كدة هتقسط الفرق يبقي هات لوجان أعلي فئة علشان تستفيد بالكماليات الكتيرة :)

[moudy88]

انا بس عايز اوضح ان معايا 66 الف ..ولو هقسط هقسط مع اخويا بدون فوايد ..مش في اللوجان ..في حالة اللوجان هيبقى تقسيط بنك

واللوجان اللي هتفرق كمالياتها عن الصني ..هتبقى معديه ال 92 الف ...لان اللي ب 86 تقريبا نفس الكماليات

[S O P H O S]

صني مضمونة

[ahmzd]

ارى ان اللوجان افضل من الصنى حتى و ان كانت الصنى زيرو فما بالك بالمستعمله مهما كان اخوك محافظ عليها

وأنا رأيي من رأيك

[meka1990]

طيب عربية اخوك راشه من بره او واخده خبطه بسيطه عشان لو كده الموضوع هيختلف و استخدامك للعربيه هيبقي ايه وفي اسره او محتاج تسافر كتير او مشاوير فيها هلك للعربيه عشان كل ده يفرق و لو خلاص مش قادر تستني خود عربيت اخوك دلوقتي لو مش راشه او واخده اي خبطه و حوش فيها الفلوس وتبقي حاجه انت ضامنها في جيبك و لو مريحتكش اللوجان زيرو مش هتروح في حته و هيبقي معاك عربيه قيمتها فيها

[moudy88]

طيب عربية اخوك راشه من بره او واخده خبطه بسيطه عشان لو كده الموضوع هيختلف و استخدامك للعربيه هيبقي ايه وفي اسره او محتاج تسافر كتير او مشاوير فيها هلك للعربيه عشان كل ده يفرق و لو خلاص مش قادر تستني خود عربيت اخوك دلوقتي لو مش راشه او واخده اي خبطه و حوش فيها الفلوس وتبقي حاجه انت ضامنها في جيبك و لو مريحتكش اللوجان زيرو مش هتروح في حته و هيبقي معاك عربيه قيمتها فيها

ده اقرب حاجه لتفكيري بالضبط ..انها فلوس متشاله ...هيا جابتله 80 الف بس ليا انا ب 75 الف...الصني راشه اجزاء من بره مش راشه داوخل الحمد لله ومفيهاش خبطات ...بس فيها حاجات حصلت بسبب احداث تخريب ...ناس كسروله الازاز والعدادات و الكاسيت والسماعات والاكصدام الخلفي والفوانيس ...وكله اتغير في التوكيل تبع التأمين

بس العدادات رجعت متصفره ...يعني اللي يشوفها دلوقتي يقول انها عامله 18 الف كم ...وهيا اصلا عامله 88 الف