محتارة ما بين سيات ليون و مازدا 3

[Yoyo.yasso]

السلام عليكم
ياريت تفيدونى ايه الاحسن مع العلم انى هاجيب الموديل الجديد 2015 الهاى لاين سواء فى المازدا او السيات
انا معايا حاليا بيجو 307
اجيب ايه
سيات ليون
مازدا 3 سيدان
مازدا 3 هاتش باك مع العلم ان السعر واحد فى المزدا لليسدان والهاتش باك
وعايزة اتاكد من ان السيات بتاخد فعلا بنزين 95
انا سالت واحد مالك ليها قالى انه بيمونها 92 بس بعد كل تفولتين بيحط اوكتين هل ده صح وميأثرش على الموتور ؟
انا محتاجه عربيه عمليه علشان بخرج كتير ما بين المدرسة والنادى فياريت تساعدونا لاننا محتارين جدا

[ENG.MaRk]

فرق السعر بين الليون و المازدا مش قليل بس أنا أفضل المازدا للبعد عن مشاكل الdsg

[scientist9508]

لو إنعقدت المقارنه بين اﻹثنين تفوز المازدا بعنصرين
1 - الفيتيس
2 - وقود 92

و إن كنت أنصح بالبحث عن إختيار آخر أفضل من ناحية تكاليف الصيانه و التشغيل

[J A G U A R]

المازدا كانت معايا من يومين والصراحه عربيه كويسه وشيك وعمليه اكتر من الليون اللى فتيسها عامل قلق

[haithamelhagar]

شوفي برضه ال٣٠٨ الجديدة

[blazer]

شوفى عربيه منتشره شويه عن المازدا لو ممكن عربيه سيدان شوفى الكرولا , نيسان تيدا , الفلونس,الكروز او الامبريزا
بلاش اى عربيه بفتيس dsg عشان كثره اعطاله

[pepo2011]

المازدا افضل طبعا -- ولكن صيانتها غالية شوية ياريت تشوفي حاجة تاني في الاختيار

[S O P H O S]

لو سيدان عندك الكورولا والاسترا برضوا

[ahmzd]

الليون عربية ممتازة والله، وبعدين الفتيس توكيله عامل ضمان مدى الحياة ( ومطلوب التأكد من هذه النقطة ) .. فأنا أوصي بها .. والله أعلم.

[Yoyo.yasso]

متشكرة جدا لمشاركتكم وارائكم
احنا هنبعد عن السيات و نحاول نشوف حاجة تانيه

[haithamelhagar]

ممكن تشوفي برضه السوزوكي ال sx4 عالية عن الارض وشكلها بناتي كروس اوفر وب ١٨٥٠٠٠ ١٢٠ حصان وفيها جنط ١٧ وزينون وليدات وستارت انجن وفرش جلد ومثبت سرعة ياباني تقفيل اوروبي تقريبا مجري وتبقي غيرتي من هاتشباك ل كروس اوفر