ياريس و لا 301

[khaledserag]

لو سمحتوا انا محتار اجيب ياريس و لا 301
انا عايز عربية عائلية قليلة المشاكل و الاعطال
و توكيلها محترم يعنى مجريش ورا حماية مستهلك و المشاكل الكتير اللى بنسمعها دلوقتى
و فى نفس الوقت تستحمل مشاويرى الكتير و قطغ غيارها معقولة و متوفرة
و خصوصا انى هقسط النص تقريبا
يا ريت تقولوا رايكم ايهما افضل
لانى من كتر الحيرة فكرت كتير استنى اللوجان تنزل اتوماتيك و اشتريها و اوفر الفرق

[A7medelfe2y]

لو المقارنه بين الاتنين دول بس يبقي ياريس افضل

[محمد مجدي محمد]

301 أفضل
سحب افضل
ثبات افضل
اكثر نعومة

[khaledserag]

لو المقارنه بين الاتنين دول بس يبقي ياريس افضل

انا مش لاقى فى الفئة السعرية دى غير دول للاسف لو فى اقتراحات تانية ياريت

[tarekmomo]

لانسر شارك

[khaledserag]

301 أفضل
سحب افضل
ثبات افضل
اكثر نعومة

طيب يا فندم بالنسبة للاعتمادية و تحمل المشاوير الكتير و خاصة جوة البلد
و بالنسبة لقطع الغيار و مدى توافرها و التوكيل و تعامله

[khaledserag]

لانسر شارك

عندى مشكلة مع الشارك
هى طبعا عربية واسعة بس الكنبة الخلفية غير مريحة بالمرة و خاصة مع نشوفية العفشة
تانى حاجة مساحة الشنطة سيئة جدا كسيارة عائلية
طبعا مع احترامى ليها كعربية ليها اسم و موتور قوى بس لما جربتها لقيتها مش مناسبة ككنبه خلفية و لا شنطة

[S O P H O S]

الياريس

[scientist9508]

ياريس أفضل من 301 و بفارق كبير . . . يمكنك أن تضيف الفلوينس إن إستطعت زيادة المبلغ. الفلوينس سياره عائليه من الصعب منافستها

[hugan]

ياريس افضل

[khaledserag]

شكرا لكل من اهتم
للاسف انا مش هقدر ازود المبلغ اطلاقا
و شايف الاعلبية اجمعت على الياريس
و دى كانت وجهة نظرى من الاول
انا دلوقتى عايز اسال هو لو استنيت للمعرض ممكن الاقى عروض اسعار و لا مش فارقة

[ahmedz310]

الياريس افضل ودي مجرد وجهة نظر انا كنت بجيب في نفس الفئة السعرية بس فضلت ريو الفئة dab&abs
بالنسبه بقي للمعرض فمن رأيي تشتري دلوقتي افضل عشان الدولار اللي في الطالع ده فمحدش ضامن الأسعار

[Ahmed emad has]

السوزوكي سياز حلوة برضوا وهتوفر شويتين

[khaledserag]

الياريس افضل ودي مجرد وجهة نظر انا كنت بجيب في نفس الفئة السعرية بس فضلت ريو الفئة dab&abs
بالنسبه بقي للمعرض فمن رأيي تشتري دلوقتي افضل عشان الدولار اللي في الطالع ده فمحدش ضامن الأسعار

الريو من اجمل العربيات اللى موجودة فى الفئة السعرية دى ربنا يبارك لك فيها
بس سالت كتير معاهم قالولى ان عندهم مشكلة حك العربية فى المطبات مع التحميل ورا
و انا غالبا العربية بيكون ولادى معايا فيها و كمان الشنطة بيبقى كتير فيها حاجات فده اللى قفلنى منها
مع انى لما فكرت انى اغير عربيتى كان السبب الاساسى اعجابى بالريو

[ابو هنا]

لو استخدامك اكتر في وسط المدينة والذحام الشديد الياريس حتكون افضل واريح
اما لو استخدامك خارج المدينة وطرق سريعة في الحاله دي اواكدلك ان البيجو 301 حتكون صفقة رابحة
بالنسبة لقطع الغيار فالبيجو ارخص من الياريس دة بالنسبة لو حتتعامل مع التوكيل
البيجو مش ممكن تلاقي قطع غيارها خارج التوكيل بعكس الياريس
المساحة الداخلية وحجم الشنطة البيجو حتكون مرضية جدا
طبعا اعادة البيع الياريس افضل بكتير
برستيج وهيبة وقيمة البيجو افضل استخير ربنا واشتري الي انت حبه