بيجو 301 ولا سوزوكي سياز ولا اوفر واجيب لوجان

[Mohamed Awny91]

انا كنت مقتنع اوي ب بيجو 301 بيز لاين بس في مشاكل ظهرت ليها بعد ما الناس وصلت ل 10,000 كيلو واكتر زي التيل وخلافة.. وفجأة ظهرت الجميلة سوزوكي سياز بس لسة متجربتش بس بصراحة مفيش عربية سوزوكي خيبت قبل كدة... انا مش بتاع حرق وغرز وكلام دا واخري 120 .. انا عايز عربية كويسة ومحترمة وتكون اعطالها قليلة... رشحولي واحدة فيهم بعد إذنكم مع العلم اني معييش سحتوت زيادة ازود بيه

في رأي اخر بردو حابب اعرضو عليكوا (في ناس بتقولي وفر فلوسك واحجز لوجان اتوماتيك وهاتكون اعلى فئة ب 110 وهاتنزل ان شاء الله في مارس اللي جاي )

[Ahmed emad has]

لا لا لوجان ايه بس !! هات سوزوكي سياز طبعا . عربية ممتازة الصراحة

[hshehab1969]

السياز 1400 سي سي
البيجو 1600 سي سي
السياز لسه ما اتجربتش و البيجو زي ما حضرتك قلت طلع فيها مشاكل بعد ال 10000 كيلو متر
انا محتار نفس حيرتك انا معايا سيراتو تاني فئه اتوماتيك 2010 و عاوز اغير عشان السيراتو مش عاجباني بقالها معايا 7 شهور فقط بس بقارن بينها و بين العربيه اللي كانت معايا قبلها اوبترا 2007 اتوماتيك مع أنهم مش نفس فئه المقارنه بس بصراحه الاوبترا تكسب
متابع باهتمام

[mohbasyouni]

اللوجان الشكل الجديد عرببية كويسة و متجربة و اعطالها قليلة

[Mohamed Awny91]

السياز 1400 سي سي
البيجو 1600 سي سي
السياز لسه ما اتجربتش و البيجو زي ما حضرتك قلت طلع فيها مشاكل بعد ال 10000 كيلو متر
انا محتار نفس حيرتك انا معايا سيراتو تاني فئه اتوماتيك 2010 و عاوز اغير عشان السيراتو مش عاجباني بقالها معايا 7 شهور فقط بس بقارن بينها و بين العربيه اللي كانت معايا قبلها اوبترا 2007 اتوماتيك مع أنهم مش نفس فئه المقارنه بس بصراحه الاوبترا تكسب
متابع باهتمام

المعيار مش الماتور .. الواحد بينسى الماتور اي كان المهم يكون محترم في السحب والتسارع والتكييف وكدة.. في ياما مواتير 1200 و 1300 وكانت اقوى من ال 1600

[kamal12]

السوزوكى عن تجربه ,أنا معايا الإرتيجا و هى نفس موتور السياز ولكن 7 كراسى وهى بسم الله ما شاء الله ,,

[ِِِAsamir]

انا معايا النيو لوجان الفئة التالتة .. ماشاءالله فيها كل الإمكانيات وعفشتها وثباتها حلو جدا .. بالإضافه لشكلها الجديد الجميل من وجهة نظرى

وطبعا اللى ربنا يوفقك فى الإختيار الصحيح

[maio_do]

بص انا معايا 301 مشاكل التيل بنركب الفاليو ارخص واحسن فى الاداء دى حاجة مش هنكرها فى البيجو لكن بعد كده مفيش مشاكل الحمد لله عربيتى 37 الف

السوزكى الجديدة جميلة جدا واماكن التخزين فيها احسن من البيجو بس مش هقدر اقولك هاتها شوف راى ملكها اية لانك هتبقى بتغامر زى مانا غامرت فى ال 301 وجبتها من سنة ونص ومكانتش اتعرفت ولا حد سمع عنها حاجة صلى صلاة استخاره وقارن وربنا يوفقك

[ابو هنا]

انا ارشحلك السياز
مش لاي عيب في البيجو بس انت بتتكلم على البيز لاين وانا بصراحة شايف ان كتير عليها تمنها وهى عربية بدون اي كماليات

[Akram.Gamal]

انا شايف انك متقارنش ب 301 اصلا
وخليك في اللوجان اوتو او السياز
يا ماتجيب301 هايلاين

[scientist9508]

سوزوكى سياز افضل

[Mohamed Awny91]

انا معايا النيو لوجان الفئة التالتة .. ماشاءالله فيها كل الإمكانيات وعفشتها وثباتها حلو جدا .. بالإضافه لشكلها الجديد الجميل من وجهة نظرى

وطبعا اللى ربنا يوفقك فى الإختيار الصحيح

ربنا يسهل إن شاء الله.. انا مستني اشوف الأتوماتيك اللي قالو هاينزل في شهر 3 واشوف هاينزل بكام بالظبط

[Mohamed Awny91]

انا شايف انك متقارنش ب 301 اصلا
وخليك في اللوجان اوتو او السياز
يا ماتجيب301 هايلاين

معييش للأسف فلوس اعلى من كدة

[mfvet2004]

انا شايف انه نيسان صنى 2015 الشكل الجديد اللى بينزل معاها سمارت كى عربيه تحفه تحفه تحفه وانا عن نفسى كنت هلبس فى القديمه لولا البنك اخرنى يومين وشوفت اعلان عنها فى جرنال سوق سيارات الجمعه زودت وجبتها الحمد لله عربيه شكلها اتغير تماما

[Mohamed Awny91]

انا شايف انه نيسان صنى 2015 الشكل الجديد اللى بينزل معاها سمارت كى عربيه تحفه تحفه تحفه وانا عن نفسى كنت هلبس فى القديمه لولا البنك اخرنى يومين وشوفت اعلان عنها فى جرنال سوق سيارات الجمعه زودت وجبتها الحمد لله عربيه شكلها اتغير تماما

نيسان الجديدة في ناس اتشكرت فيها.. بس مشكلة النيسان صني عموما معايا انها ضيقة مقارنة بالعربيات اللي انا بقارنها.. غير طبعا العيوب التي لا حصر لها في الموديلات القديمة زي الفرامل وخلافة.. فبتهيألي لو عربية جديدة من نيسان يبقى لازم تتجرب شوية حلوين قبل ما الواحد يفكر فيها...