اختيار العربية

[mostafa hady]

يا جماعة ممكن حد يفدنى لان انا محتار ما بين كذا عربية عشان اشترى واحدة منهم اتوماتيك
(افيو - سويفت - سياز - اتراج - نيو لوجان اتوماتيك) حد يقولى ايه الاحسن ما بينهم عشان انا خلاص هتجنن من كتر المقارنات بينهم

[scientist9508]

بسم الله الرحمن الرحيم

اخى الفاضل مصطفى

لك الحق فى حيرتك فالامر فعلا محير عندما تقارن بين السيارات التى ذكرتها فى مشاركتك. اود ان اخبر حضرتك ان ما سيكتبه لك الاخوه هو وجهات نظر فانظر لايهما تميل و سابدا انا:

1 - ارى ان تبتعد عن الافيو لان شكها لم يتغير منذ سنوات و لان توكيلها لم يشهد له الكثير بل يتجنبوه اكثر الناس و يشتكى منه تكثر الذين تعاملوا معه هذا غير شكاوى مستخدميها من عيوبها

2 - السويفت ممتازه و لكن وكيلها من افشل التوكيلات ايضا. فان استطعت ان تدبر حالك معها خارج التوكيل لهى من افضل الاختيارات

3 - نيو لوجان لا يوجد منها اوتوماتيك فان تقبلت فكرة قيادة سياره مانيوال فهى من افضل الاختيارات.

4 - لا استطيع ان اعيب فى الاتراج و لا فى وكيلها (دياموند موتورز) و لكننى ارى انك بالفعل وضعتها فى مقارنه مع من هم افضل منها

5 - ما ينطبق على السويفت ينطبق على السويفت ينطبق على السياز حرفيا.

و الان اهديك نصحى.

1 - ان كنت لا تعارض قيادة سياره مانيوال فاشترى اللوجان لانها تحل لك كل المشاكل التى قد تسببها لك كل موديلات السوزوكى بسبب فشل وكيلها

2 - ان اغلقت المقارنه على السويفت او السياز فاليك ما ارى

1 - ان كنت لا تطمع فى سياره كبيره فالسويفت افضل لان قيادتها ايسر فى الزحام

2 - ان كنت تتطلع الى الرفاهيه و السياره الواسعه فالسياز الفايزه

هداك الله لارشد امرك و اقومه

السلام عليكم و رحمة الله و بركاته

[amr011111]

سياز لو انت عاوز عربيه وسع واوبشن ومش يهمك اعاده البيع
او نيو لوجان اتوماتيك بس هتستنى فتره

[mostafa hady]

جزاكم الله خيرااااااااا

[esamcar]

الافيو الاوسع من الداخل والاقوي علي الطريق والارخص في قطع الغيار جديد او استيراد والاغلي في اعاده البيع والاعلي في الارتفاع عن الارض والاكثر في وجود كماليات او اكسسوارات لها ........... وموفق

[ENG.MaRk]

النيو لوجان مفيش منها أوتوماتيك و مش هتنزل أوتو غير بعد معرض أوتوماك الشهر الجاي إن شاء الله و هي الفائز في هذه المقارنة ككل و إن كان أفضل منافسيها هو السياز و لكن سوء توكيلها سيجعلك تعيد التفكير أكثر من مرة ... يعني من الآخر كدة يا لوجان يا سياز و ربنا يوفقك لما فيه الخير :)