لانسر - أوكتافيا - صني - أوبترا

[أيمن قديحة]

دلوني يا شباب بعد إذنكم لأني تعبت من صعوبة الاختيار

المقارنة في المانيوال مش أتوماتيك

استعمال و ليس زيرو .. بمعنى :-

لانسر (2006 - 2009)
أوكتافيا (2002 - 2006)
صني (2008 - 2012)
أوبترا (2010 - 2012)

اعتمادا على أهم شرط و هو الاعتمادية و الإقتصادية من حيث قطع الغيار و استهلاك البنزنين

علما بإني ماليش في الغرز و لا التسارع و لا الحرق و الكلام ده .. سواقتي هادية و عادية جدا و سفري مش كتير نسبيا .. يعني كل شهر مرة مثلا أسافر مشوار طويل


شاكر أفضالكم جدا و جزيل الشكر للمساعدة و الإفادة

[iso_loma]

انا امتلك كل السيارات اللى حضرتك بتقارن بنها دى و هقلك على مميزات و عيوب كل واحده و ترتبهم بالنسبالى
1- اللانسر هى الخيار الامثل فيهم من حيث الاعتماديه سهوله الصيانه سعر قطع غيار رخيص سعر اعاده البيع و اقلهم فى استهلاك البنزين و يعنى فيها كل اللى حضرتك بتدور عليه و لو عايز توفر اوى فى موضوع البنزين وملكش فى الشد و الغرز يبقى هات 1300 cc
2 - نيسان صنى عربيه جميله جدا بس يعبها استهلاك البنزين و صالونها الضيق و متفرقش كتير عن الانسر ودى الوحيده اللى سقتها فقط لكن مكنتش عربيه شخصيه ليا
3- الاوكتافيا عربيه ممتازه فى الثبات و الفخامه و الراحه و لو هى رقم اتنين فى الترتيب فى حالات السفر لكن فى المقابل اسعار قطع الغيار غاليه جدا جدا و ده سبب بيعى ليها و دى البذات لازم تكون حاله نظيفه جدا ياما هتتعبك جدا و استهلكها فى البنزين مرتفع بالنسبه للانسر و بما ان حضرتك مش محتجها للسفر يبقى مش هتفرق معاك
4 - اوبترا عربيه ماتورها قوى جدا و ثابته على الطريق لكن سفاحه بنزين و اعطلها كتير لكن قطع غيارها رخيصه لكنها مش معمره زى الانواع السابقه
و فى الاخر ده راى الشخصى و تجربتى الشخصيه و برضو انشاء الله الاعضاء يفيدوك لو انا غلطان فى حاجه

[ENG.MaRk]

أوبترا أفضل اختيار لأنها أحدث موديل فيهم و بالتالي سهل تلاقي حالة نضيفة و كمان منتشرة و أسعار قطع غيارها معقولة و سحبها و ثباتها كويسين إلي حد كبير و استهلاكها للبنزين معقول بس يعيبها توكيلها

[ahmed.Elashy]

كعربيه .. الاسكودا افضل بمراحل كتير
بس انصحك تبعد عنها .. معانا اسكودا اكتر من 14 سنه ..العربيه ممتازه بس دلوقتي عشان تلاقي قطع غيار ليها صعب جدا و التوكيل معندوش.. سيبك من انها غاليه عشان الغالي تمنه فيه .. بس مشكلتها ندره قطع غيارها

اللانسر هيا انسب حاجه .. و اعاده بيع ممتازه .. وقطع غيار معقوله وعربيه عائليه

[أيمن قديحة]

الله ينور عليكم يا شباب

طيب لو دخلنا معاهم في المقارنة الكورولا 2008 .. هل يختلف الكلام ؟؟!!!

[iso_loma]

الله ينور عليكم يا شباب

طيب لو دخلنا معاهم في المقارنة الكورولا 2008 .. هل يختلف الكلام ؟؟!!!

طبعا تفرق الكورولا تفرق و هى الكسبانه طبعا

[monamize4]

لانسر طبعا من غير كلام

[omaranes77]

تصدقني لو قولتلك ان ارخص قطع غيار فيهم
الاوكتافيا

[abou-yahia]

لانسر طبعا من غير كلام

اذيك


شويه لماضه ممكن

مع اعتبار السكن في اقاليم مش قاهره

واعتماديه واستهلاك بنزين مطلوب

ليه متكنش الاسكودا a4 خصوصا انها تعتبر نص نقل واستهلاكها ممتاز في البنزين عشان 8 صباب

وعفشتها عفشه دبابه

او الاوبترا اللي واسعه من جوه وعفشتها محترمه وارتفاعها عن الارض مناسب



تحياتي

[monamize4]

اذيك


شويه لماضه ممكن

مع اعتبار السكن في اقاليم مش قاهره

واعتماديه واستهلاك بنزين مطلوب

ليه متكنش الاسكودا a4 خصوصا انها تعتبر نص نقل واستهلاكها ممتاز في البنزين عشان 8 صباب

وعفشتها عفشه دبابه

او الاوبترا اللي واسعه من جوه وعفشتها محترمه وارتفاعها عن الارض مناسب



تحياتي

اخبارك ايه ياباشا :)

مفيش كلام طبعا ان الاوبترا و السكودا ممتازين
بس الفكرة ان المصريين بيحبوا اللانسر جداااااا بشكل مبالغ فيه (هى و الكورولا )
و دا باين طبعا من وضعها ف السوق و هى الصراحة عربية ممتازة من حيث ان
قطع غيارها ف كل حتة و صيانتها سهلة و واسعة و عاليه عن الارض و تكيفها ممتاز و و و

الاوبترا كفاءة طبعا زى اللانسر بالظبط لكن ينقصها ال abs و الايرباجز
ال A4 مميزة ف ثباتها لكن ينقصها حاجات تانية من مميزات الانسر و الاوبترا

[ahmzd]

لانسر من ناحية كل شيء بس بشرط الحالة.. والله أعلم.

[ma7med]

لانسر مناسبة جدا لاحتياجاتك بس اهم حاجة الحالة

[أيمن قديحة]

تصدقني لو قولتلك ان ارخص قطع غيار فيهم
الاوكتافيا

المعلومة دي جديدة علي تمااااااااااااااااااااما

[abou-yahia]

المعلومة دي جديدة علي تمااااااااااااااااااااما

فعلا