طلب مساعده لاختيار نوع السياره

[Marwa Ahmed 23]

السلام عليكم
بعد اذنكم حبه استشارتكم فى نوعين سياره محتاره مابينهم
انا عايزاه عربيه فى حدود 90 ل 95 الف قدامى سيراتو 2010 عداد 140 الف وكل صيانتها ف التوكيل ومتغيرلها كل حاجه فى مواعيدها هى ثانى فئه خليجى متركبلها انذار وسينسور بارك وكوتش جديد يابانى ومتامن عليها سنه كامله رخصه سنتين وهى اوتوماتيك السياره من شخص معرفه يعنى مش حد بيبع وخلاص

ومحتاره انى اجيب العربيه اللى كانت عجبانى وهى رينيو ستيب واى 2014 كسر زيرو
سعر السيراتو 95 الف
سعر الرينبو 85 الف
لو فى مكانى تختارو ايه

[scientist9508]

بسم الله الرحمن الرحيم

الاخت الفاضله مروه

حيث انك قد حسمت امرك لتشترى المستعمل و بما ان السيارتين لمها وكلا مشهود لهما فانا ارى الاتى

1 - ربما تكون امكانيات السيراتو افضل و المحرك اقوى لكنها اقدم من الرينو و مهما كانت حالتها فانت تشترين سياره تستعمل منذ خمس سنوات. حتى و ان كانت كل صياناتها فى التوكيل (هذه ميزة نادره) فلن تكون مثل كسر الزيرو

2 - انا لست من ملاك السيراتو و لكن لى اقارب و اصحاب عندهم نفس السياره و هم يشتكون من الاتى:
1 - السيراتو سرقتها سهله (انا شخصيا لا اعلم لماذا)
2 - غير ثابته بالمره على السرعات العاليه و ان كان لها محرك مثير للاعجاب

لذلك انا ارى ان نيو لوجان كسر زيرو افضل

هداك الله لارشد امرك و اقومه

السلام عليكم و رحمة الله و بركاته

[Marwa Ahmed 23]

موضوع السرقه اتحل بتركيب جهاز متابعه بيفصل طلمبة البنزين ومتركب ف العربيه
الثبات كويس فيها عن تجربه لحد 170 واكيد انا عمرى مهوصله
السياره مش بشتريها من حد معرفهوش دى كل حاجه ف صيانتها على يدى وفعلا ف التوكيل

[J A G U A R]

سيراتو افضل في كل حاجه
لو مكانك هاجيب السيراتو بس تكون مضمونه

[acs]

لسيراتو افضل وثبتها كويس على الطريق عن تجربة
عبها بلنسبالى العفشة نشفة فى المطبات