سانديرو ستيب واي 2015 vs بروتون جين 2

[bmwosama]

السلام عليكم
انا محتار جدا ما بين سانديرو ستيب واي 2015 و بروتون ججين تو
الاتنين متقاربين في الكماليات
الفارق ان السانديرو بتتفوق بنافيجيتور وبلو توث ومثبت سرعه ومحدد سرعه
قوه الموتور والثبات علي سرعات عاليه في صالح الجين تو
خدمه ما بعد البيع في صالح الرينو بكل تأكيد لان توكيل البروتون الكل بيشتكي منه وانا بنفسي جربته في عربيه جين تو خاصه بالشغل
السعر
جين تو بحوالي 115 الف
السانديرو ستيب واي ب 105 الف

افيدوني افادكم الله

[eng.m7md.ali]

اعتقد عناصر المقارنة تترتب علي اولوياتك يعني لو بتسافر كتير الجين2 هتخدمك اكتر
السعر تقريباً للجين2 هيبقي 118500 لانها هتبقي 2015

[eng.m7md.ali]

حاجة كمان في صالح التوكيل للجين2 ... هتاخد حقك في الاخر بعد مهاترات وخناقات واكتشفت انه احسن توكيل وادينا بنشوف قلة الزوق من التوكيلات زي بيجو ونيسان

علي الاقل عز العرب مش من التوكيلات اللي بتشرب حماية المستهلك شاي بالياسمين زي الباقيين

[scientist9508]

بسم الله الرحمن الرحيم

اخى الفاضل

لك الحق فى هذه الحيره. انا شخصيا وقعت فيها قبلك و مازلت فيها. على اى حال ساخبرك بما عندى.

قطعا قوة المحرك والثبات فى صالح البروتون و قطعا الرفاهيه و الراحه و الاناقه والفخامه و التقفيل الممتاز و الوكيل الجيد وتوفير استهلاك الوقود فى صالح الرينو.

ان كنت من عشاق السرعات العاليه و لا تبالى باستهلاك الوقود فان البروتون مقصدك. وان كنت ممن يستمتعون بالرفاهيه و يعشقون سياراتهم فان الرينو مقصدك.

هداك الله لارشد امرك و اقومه

السلام عليكم و رحمة الله و بركاته

[bmwosama]

اعتقد عناصر المقارنة تترتب علي اولوياتك يعني لو بتسافر كتير الجين2 هتخدمك اكتر
السعر تقريباً للجين2 هيبقي 118500 لانها هتبقي 2015

انا مجرب ال جين 2 وهي ممتازه في السفر وحماله اسية بالاضافه لثباتها
بس لو تغاضينا عن السرعه العاليه , هنلاقي ان اللوجان اللي تقريبا مبني عليها السانديرو ستيب واي , بقالها في السوق اكتر من 6 سنين , وكل اللي جربها شكر فيها وقال انها حماله اسية باردو وقطع غيارها معمرة

[bmwosama]

بسم الله الرحمن الرحيم

اخى الفاضل

لك الحق فى هذه الحيره. انا شخصيا وقعت فيها قبلك و مازلت فيها. على اى حال ساخبرك بما عندى.

قطعا قوة المحرك والثبات فى صالح البروتون و قطعا الرفاهيه و الراحه و الاناقه والفخامه و التقفيل الممتاز و الوكيل الجيد وتوفير استهلاك الوقود فى صالح الرينو.

ان كنت من عشاق السرعات العاليه و لا تبالى باستهلاك الوقود فان البروتون مقصدك. وان كنت ممن يستمتعون بالرفاهيه و يعشقون سياراتهم فان الرينو مقصدك.

هداك الله لارشد امرك و اقومه

السلام عليكم و رحمة الله و بركاته

طبعا النقاط اللي في صالح الرينو كتير , بس انا يهمني نقطة اخيرة وهي اللي هاترجح الكافه لصالح الرينو بشكل نهائي , النقطة دي هي الثبات, لو ثابته بشكل آمن لحد 130 دا كافي بالنسبة ليا, مش لازم اوصل بيها ل 180 و 190
اللي قالقني اني في ناس من اللي جربوها قالو اانها بتعوم بعد ال 90 !! هل الكلام ده صحيح ولا اشاعات مغرضة ؟؟

[ENG.MaRk]

جين 2 أحسن كسحب و ثبات و رينو أشيك و كمالياتها أكتر و أسعار قطع الغيار غالية في الحالتين و التوكيلين معقولين إلي حد كبير ... بروتون أحياناً بيبقي فيها عيوب تقفيل ف لو نويت عليها يبقي خلّي بالك كويس و انت بتشتري :) !!!

[tamer refat]

هى الجين2 اوتوماتيك
والستيب واى مانيوال؟؟!!!
ولا انا فاهم غلط؟؟
الاوتوماتيك ترجح كفة البروتون طبعا
وده م يقللش من قيمة الرينو كعربيات ممتازة

[bmwosama]

هى الجين2 اوتوماتيك
والستيب واى مانيوال؟؟!!!
ولا انا فاهم غلط؟؟
الاوتوماتيك ترجح كفة البروتون طبعا
وده م يقللش من قيمة الرينو كعربيات ممتازة

الجين ٢ في منها مانيوال وفي منها اوتو
السانديرو ستيب واي في منها مانيوال بس
بس المقارنه ما بين الاتنين المانيوال

[Omar Mahmoud]

بسم الله الرحمن الرحيم

اخى الفاضل

لك الحق فى هذه الحيره. انا شخصيا وقعت فيها قبلك و مازلت فيها. على اى حال ساخبرك بما عندى.

قطعا قوة المحرك والثبات فى صالح البروتون و قطعا الرفاهيه و الراحه و الاناقه والفخامه و التقفيل الممتاز و الوكيل الجيد وتوفير استهلاك الوقود فى صالح الرينو.

ان كنت من عشاق السرعات العاليه و لا تبالى باستهلاك الوقود فان البروتون مقصدك. وان كنت ممن يستمتعون بالرفاهيه و يعشقون سياراتهم فان الرينو مقصدك.

هداك الله لارشد امرك و اقومه

السلام عليكم و رحمة الله و بركاته

تعليق ممتاز
ببدس اللوجان/سانديرو تقفيلها مش اوي

[bmwosama]

اعتقد ان اللوجان والسانديرو ٢٠١٥ هاينتشروا بشكل كبير ، فهل ده مش هايأثر على اسعار قطع الغيار ؟

[Fo1Fo]

السانديرو سياره مدينه . الجين بتاعه سفر واستهلاك البنزين فى السفر كويس انما داخل المدينه حريقه بنزين .لو 80% من مشاويرك داخل المدينه هات سانديرو . لو 50% من مشاويرك سفر هات الجين أأمن

[MECH.ENG Mosta]

طب متجيب بيرسونا بدل جين 2 فيها مثبت سرعه و اكبر

[bmwosama]

طب متجيب بيرسونا بدل جين 2 فيها مثبت سرعه و اكبر

البرسونا حجم صالونها نفس حجم ال جين ٢ ، الفارق بس في اتساع الشنطه.
وانا عن نفسي افضّل الهاتش باك عن السيدان

[ahmedmohamed7]

البرسونا حجم صالونها نفس حجم ال جين ٢ ، الفارق بس في اتساع الشنطه.
وانا عن نفسي افضّل الهاتش باك عن السيدان

صالون البيرسونا اكبر سيكة من الجين :) العربيتين تحت ايدى و عارف