الرجاء الإفادة سريعاً بين أسترا و فوكس و سيفيك

[ENG.MaRk]

محتار جداً بين أسترا و فوكس و سيفيك مع العلم إنها لابني الصغير (شاب عنده 18 سنة) ... أيهم أحسن و شكراً مقدماً :) !!!


تم تعديل العنوان
م ع 7

[YahiaAshraf]

بلاش تجيبله عربية زيرو دلوقتى :)

هاتله حاجة استعمال يمشى بيها وبعدين يبقى ينقل على حاجة زيرو

[ENG.MaRk]

بلاش تجيبله عربية زيرو دلوقتى :)

هاتله حاجة استعمال يمشى بيها وبعدين يبقى ينقل على حاجة زيرو

الحل ده للأسف مش هينفع لأني جبت لأخوه الكبير زيرو لما طلّع رخصة :)

[YahiaAshraf]

الحل ده للأسف مش هينفع لأني جبت لأخوه الكبير زيرو لما طلّع رخصة :)

ههههههههههههه طب مبدايا تشوف رايه لأن هو اللى هيركب أكيد ليه وجهة نظر برده
عن نفسى لو مكانه هختار الأوبل أسترا
لأن الفوكاس والهوندا على الرغم من انهم محترمين جدا الا ان سوقهم واقع

[ENG.MaRk]

هو عايز حاجة شبابي بتجري و خلاص و مش فارق معاه ايه نوعها :) و التلاتة حاسسهم قريبين من بعض في القوة بس الفارق معايا الأمان علشان أبقي متطمن عليه ... مش فارق السوق أو أسعار قطع الغيار ... أنا عايز أحسن واحدة فيهم كأداء و سرعة و أمان

[YahiaAshraf]

فور فوكاس هينزل منها شكل جديد فى معرض اوتوماك فورميلا اللى هيتعمل كمان كام يوم

[ma7med]

انا رأيي استرا بس للامانة سمعت من ملاكها في المنتدي ان في زي نتشة في الفتيس و ممكن
حضرتك تدخل قسم الاوبل و تقرأ عنها اكتر

[YahiaAshraf]

انا رأيي استرا بس للامانة سمعت من ملاكها في المنتدي ان في زي نتشة في الفتيس و ممكن
حضرتك تدخل قسم الاوبل و تقرأ عنها اكتر

النتشة دى موجوده فى الفورد فوكاس برده

[Ahmed Tarek 00]

سيفيك طبعاااا

[ENG.MaRk]

سيفيك طبعاااا

ليه طبعاً و ايه اللي فيها يميزها عن الأسترا و الفوكس ؟!

[ahmzd]

أنا رأيي أسترا، فيها كل ما تريد.. والله أعلم.

[pepo2011]

الاسترا افضلهم طالما مش فارق معاك حاجة
الامان فيها اكتر

[K.Ossama]

استنى الفوكس الجديدة فى المعرض
وبعدين قرر بينها وبين الاسترا
السيفيك رأيى مش حلوة شكلاً

[م أحمد]

الفوكس كانت مع زميلى فى الشغل و اضطر يفك الباب مرة
باب مصفح من الداخل و كمية مسامير ضخمة جدا
الصليبة بتاعتها برضه اضطر يفكها علشان شغل فى العفشة و قالى لى تجر قطر
حزين جدا عليها بعد ما بعها ب 53 موديل 2006 و جاب جوك ولو كان الحضومات الجديدة لحقها هى و الوكيل الجديد كان جابها
وثقافة الامريكان الاهتمام بقوة الاشياء (حتى لو حسابات غلط)
و ما تسألش على اعادة البيع

[AhmedNaeem]

قوة وامان بصرف النظر عن اعادة البيع وقطع الغيار يبقي فوكس
وحضرتك ممكن تحس بكلامي بمجرد ماتركبها ومن غير حتي ما تسوقها
وربنا يوفقك في الاختيار