فيات لينيا ولا سيات كوردوبا

[menabigboss]

انا من محبي السيارات الاوروبية ......
ومحتار بين اللينيا= اتساع ،ماركة ،1400(77 او 120 حصان تربو)،مانيوال ،كل الكماليات ،ايطالي تقفيل تركي،105000-115000جم،فخامة.
والسيات كوردوبا=متوسطة الحجم ،الماني اسباني،1600،تبترونيك،كل الكماليات،حجم العربية اصغر وشكلها يمكن مش عاجبني اوي زي اللينيا،توكيل احسن،120000جم كاملة.........
ارجو من يقول راية يقول لية ويستحسن من جرب اي او كلا العربيتين..
وياريت محدش يقولي لانسر وتويوتا والنترا.....
وشكرا.......

[menabigboss]

هو يا تري محدش بيرد لية ؟؟؟؟؟؟؟

[ouba2]

السيات كوردوبا

[Migo123]

اللينيا= اتساع ،ماركة ،1400 120 حصان تربو،مانيوال ،كل الكماليات ،ايطالي تقفيل تركي،115000جم،فخامة

العربيه دي من الاخر
كلها مميزات مساحه الصالون خياليه ..الشنطه مش معقوله....جوده الخامات والتقفيل تتفوق على الميجان التركي برضه
الجنط ال 16 رائع ..... بس تزود 6000 او خدها من غير تربو (في الحاله دي محتاجه تست درايف لان ال 77 حصان دي انا مش قادر ابلعها)
لو جبت التربو وهتحطلها 95 (الوكيل بيقول مش لازم)......بس لو فرضنا انك حتحط 95 انا حسبتها على استخدامي الشخصي هتفرق حوالي 150 جنيه في الشهر زياده في مصروف البنزين (مش رقم وهمي) بس اداء اعتقد انه هيكون وهمي...

قطع غيار اللينا وفقا لكلام البياع في اوماترا متوسطه مثلا تيل الفرامل 360
واعتقد ان الفتره اللي جايه الاوربي هينتشر جامد جدا عشان الاسعار ابتدت تنزل
والكوري والياباني يركنو شويه على جنب

[Sherif Sharaf]

أنا بصراحة معجب جدأ بالفيات لينيا، فعلاً كلها مميزات....
الكماليات جامدة جداً... الشكل الخارجى تحفة فعلاً...
السعر معقول جداً بالنسبة لمثيلاتها، بس العيب الوحيد من وجهة نظرى هو الموتور ال 77 حصان ( مش عارف إزاى)
وسمعت إن ال 120 بيكون صوتها على شوية عشان التربو ... بس بصراحة العربية جامدة جداً ..
كمان فى عربية فى أوماترا إسمها فيات برافو "جامدة مووووووت" ........فكر فيها

[MohabSaeed]

بالنسبالى حجيب فيات لينيا
ليه .... ممممم
1- علاشان انا بحب فيات
2- شكلها الخارجى و تصميم الصالون انيق جدا
3- اكبر و اوسع من الكوردوبا
4- حركب عربيه تيربو بموتور 1400 يكتسح اى عربيه 1600 - 2000 سىسى فى مصر و مع ذلك موفر فى البنزين .

* النقطه الى بتتكلم فيها ناس كتير ان التيربو صوته عالى , الكلام ده غلط يا جماعه ... التيربو غير الشكمانات الى بطلع صوت عالى الى بيحطوها الشباب .
التيربو بيبقى راكب على الموتور و كل الفكره انه بيعيد استخدام عادم الموتور لضغط الهواء اكتر فى المحرك .

[Migo123]

للي عايز يتفرج على اللينا

http://www.youtube.com/watch?v=kw5VihUWYzw&feature=related

[marmoraiaaa]

اوعى تنسى حاجة مهمة ان كوردوبا دى المانى و كمان سيات بتتبع فولكس فاجن لكن لينيا دى ايطالى تجميع تركى
كمان الفولكس و بالتالى السيات سيارات معمرة اه صحيح قطع الغيار غالية بس بتعيش وقت اطول و كمن بتستنى وقت كبير لغايه لما تجيب قطعة غيار.
المثل بيقول الغالى تمنه فيه.
و ربنا يوفقك و تجيب احسن حاجة بالنسبة ليك.

[Bassel]

لينيا طبعا
كفاية شياكتها وامكانياتها واسمها العريق