نصيحة لوجه الله نيسان سنترا 2015 ولا باسات 2006

[gmail125]

فى الحقيقة انا قررت ان شاء الله أشترى عربية

ومحتار جدا فى سيارتان الاؤلى هى باسات من موديل 2006 الى 2008

والثانية هى نيسان سنترا 2015

محتاج اعرف اراء الاخوة اصحاب الخبرات والمعرفة فى السيارات

لان السيارتان واحدة جديدة والاخرى هتكون استعمال

مع العلم ان الاثنان قطع الغيار لهما أسعارهم عالية

[aymanshebl]

زيرو طبعا من غير تفكير

[2CODE]

النيسان رغم الفولكس ولكن اختار زيرو ولو صيني

[ibrahiiimooo]

الافضل الجديد طبعا بس مش السنترا
بالمناسبة دا مش تحيز ضد العربية (لان في مشاركات سابقة ليا هاجمت فيها العربية) و انما فعلا في عربيات برقبتها في الفئة السعرية دي
جديد طبعا بس فكر تاني ...........بلاش السنترا
الشارك ( و بدون اي تعداد للمزايا و اولها التقفيل الياباني مش التيلاندي) الهاي لاين ب١٦٨ الف ارخص من السنترا
الفلوانس ( لو فضلنا نقول الاوبشن الي فيها مش حانخلص) الهاي لاين ب ١٨٠ الف اغلى ٥ الاف جنيه فقط من السنترا و ماتور و فتيس و تكييف ياباني من نيسان علشان الناس اللي بتخاف من الفرنساوي اللي بقى في العربية بدي و اوبشن بس
الكورولا الفئة التانية ب ١٧٠ الف و فيها اوبشن اكتر من السنترا و خصوصا الesp
الاسترا ( برضه بدون اي تعداد للمزايا عن السنترا) ب ١٨٠ الف
الفورد فوكس ( بالمناسبة اخي العزيز عايز تتفرج على عربية بجد في الخامات و التقفيل و الجودة روح بص على الفوكس مرة واحدة بس) التريند بلس ( اللي بنفس فقر السنترا مع اختلاف جودة الخامات و التقفيل لصالح الفوكس بمراحل) ب ١٧٨ الف جنيه
السؤال بقى اشتري السنترا ليه؟؟؟
ده كلام منقول من مشاركة سابقة

[devil_storm]

سنترا زيرو طبعا افضل بكتير

[dreslam]

سنترا زيرو بدون تردد وتقفيلها عالي الخامات جدا ومافيش بلاستيك بيقشر ولا بيبان بتزيق ولا اللي بنشوفه من تقفيل عربيات كتير في سعرها كمان اركبها الاول واحكم

[gmail125]

الف شكر لكل اخوانى اللى ردو على البوست
وبصراحة ابتديت افكر فى عربية زيرو اكون انا اؤل واحد ركبها
ومحتار بين الشارك لان الشنطة بتاعتها صغيرة ولان مشكلة العزل وصوت الماتور اللى عالى
هل فى اقتراحات اخرى مع العلم انى موش عايزاركب كورى

[ma7med]

رينو فلوانس او اوبل استرا زي ما قال استاذ ibrahiiimooo

[sherif4004]

انا كنت زيك سنه 2010 بقارن بين فيرنا زويرو ولانسر مستعمل وندمت اني جبت مستعمل

المهم انا وكل اللي أعرفهم مش لاقي حد جاب مستعمل الا انه اتغلب في حاله أو سعر

سمعت حكمه من واحد اشترى سيارتين مستعمل أنواع
مختلفه وحوالي 8 زيرو ... قالي ماروتي زيرو أفضل من مرسيدس مستعمل
الحاله الوحيده اللي تجيب فيها مستعمل انك تعرف تاريخ العربيه من الزيرو

[mhkorayem]

الزيرو طبعاً وانت مغمض
والسنترا خامتها محترمه جداً وعليها دلوقتى عرض تخفيض 10.000 جنيه

[zinger]

زيرو… ثم زيرو… ثم زيرو
ارشحلك الاسترا .. ممتازة

[abou-yahia]

نيسان سنترا

حيكون مصيرها ذي ما سبقها من موديلات لتيسان في مصر

استقدموها بهدف الربح فقط واصبخح مالكوها في الباي باي من نقص قطع غيار او اعاده بيع في الارض

نيسان ليفان و نيسان باو بيرد

[dreslam]

نيسان سنترا

حيكون مصيرها ذي ما سبقها من موديلات لتيسان في مصر

استقدموها بهدف الربح فقط واصبخح مالكوها في الباي باي من نقص قطع غيار او اعاده بيع في الارض

نيسان ليفان و نيسان باو بيرد

اختلف معك اختلاف كبير في ما ذكرت لسببين : الليفان والبلوبيرد تقفيل مصانع الصين
السبب التاني ان سنترا منتشره وبقوه في كل دول الخليج وامريكا ومعظم دول العالم ودي اول سنه تيجي مصر...السنين اللي جايه السنترا حتنزل بتجهيزات اكبر وحتبيع اكتر وغالبا حتتجمع بعد كده في مصر فاللي حيشتريها دلوقتي حيركب موديل بمواصفات وتقفيل وجوده عاليه جدا..
السنترا تقفيلها اعلى من عربيات كتير في نفس الفئه السعريه وانا بقصد من التقفيل هنا جوده الخامات...يعني لا دريكسيون يقشر ولا عفشه تزيق مش زي الكوري ولا التركي يعني تحديدا.
السنترا واخده تقييمات امان اعلى من معظم العربيات اللي في السوق المصري وده في امريكا نفسها
السنترا موتورها وفيتيسها فتيس الجوك والقشقاي والرينو الفلوينس الحاليه لكن مافيهاش مشاكل تذكر لا في نقص زيت ولا تزييق بيبان ولا اي حاجه من دي
مشكله الدفعه الاولى اللي جت زي اي دفعه عربيه جديده بتتجاب بمواصفات اقل عشان الجمارك عشان كده اتوقع لها الانتشار في المستقبل القريب لانها تسوى تمنها بعكس عربيات كتير ومافيش فيها مشاكل لا مع بنزين 92 يعني مش بتكركر...ولا مشاكل فيتيس وخلافه
حته ان الوكيل مسعرها عالي دي حاجه فعلا كانت خطا واهو بيتداركه مع معرض اوتوماك.
العربيه انعم عفشه وانعم فيتيس واعلى تكييف في فئتها السعريه وتاني بقول ماينفعش تقارنها بموديلات نيسان منجحتش في الخليج ولا عالميا

[abou-yahia]

اختلف معك اختلاف كبير في ما ذكرت لسببين : الليفان والبلوبيرد تقفيل مصانع الصين
السبب التاني ان سنترا منتشره وبقوه في كل دول الخليج وامريكا ومعظم دول العالم ودي اول سنه تيجي مصر...السنين اللي جايه السنترا حتنزل بتجهيزات اكبر وحتبيع اكتر وغالبا حتتجمع بعد كده في مصر فاللي حيشتريها دلوقتي حيركب موديل بمواصفات وتقفيل وجوده عاليه جدا..
السنترا تقفيلها اعلى من عربيات كتير في نفس الفئه السعريه وانا بقصد من التقفيل هنا جوده الخامات...يعني لا دريكسيون يقشر ولا عفشه تزيق مش زي الكوري ولا التركي يعني تحديدا.
السنترا واخده تقييمات امان اعلى من معظم العربيات اللي في السوق المصري وده في امريكا نفسها
السنترا موتورها وفيتيسها فتيس الجوك والقشقاي والرينو الفلوينس الحاليه لكن مافيهاش مشاكل تذكر لا في نقص زيت ولا تزييق بيبان ولا اي حاجه من دي
مشكله الدفعه الاولى اللي جت زي اي دفعه عربيه جديده بتتجاب بمواصفات اقل عشان الجمارك عشان كده اتوقع لها الانتشار في المستقبل القريب لانها تسوى تمنها بعكس عربيات كتير ومافيش فيها مشاكل لا مع بنزين 92 يعني مش بتكركر...ولا مشاكل فيتيس وخلافه
حته ان الوكيل مسعرها عالي دي حاجه فعلا كانت خطا واهو بيتداركه مع معرض اوتوماك.
العربيه انعم عفشه وانعم فيتيس واعلى تكييف في فئتها السعريه وتاني بقول ماينفعش تقارنها بموديلات نيسان منجحتش في الخليج ولا عالميا

لو اتكلمن انهم كانوا صيني

حيطلع بتوع نيسان ويقولوا ديه شركه عالميه والجوده فيها متقلش في اي مكان و الرغي اللي حضرتك عارف اكتر مني

ثانيا : وكيل نيسان هنا في مصر سمعته ذي الزفت ( مش حنجادل في كده) وانا لازم احط في اعتباري التاريخ بتاعه داخل السوق قبل ما اقيم منتج ليه

ثالثا : جزء من تقييم لاي عربيه في مصر مدي انتشار قطع غيارها خارج التوكيل جديد
والاهم ان يكون ليها قطع غيار استيراد في الحرفيين .

عربيات كتيييييييييييييير في مصر وكلائها اسامي كبيره واصحاب العربيات بيخبطوا دماغهم في الحيط عشان وثقوا فيهم
مثال : السوران والباراتي و البوينتر و الكروس فوكس اللي وكيل فولكس راح جبهم 2 سنه فقط
وبعدين اصحابهم بيغنوا ظلموه .

تحياتي

[dreslam]

لو اتكلمن انهم كانوا صيني

حيطلع بتوع نيسان ويقولوا ديه شركه عالميه والجوده فيها متقلش في اي مكان و الرغي اللي حضرتك عارف اكتر مني

ثانيا : وكيل نيسان هنا في مصر سمعته ذي الزفت ( مش حنجادل في كده) وانا لازم احط في اعتباري التاريخ بتاعه داخل السوق قبل ما اقيم منتج ليه

ثالثا : جزء من تقييم لاي عربيه في مصر مدي انتشار قطع غيارها خارج التوكيل جديد
والاهم ان يكون ليها قطع غيار استيراد في الحرفيين .

عربيات كتيييييييييييييير في مصر وكلائها اسامي كبيره واصحاب العربيات بيخبطوا دماغهم في الحيط عشان وثقوا فيهم
مثال : السوران والباراتي و البوينتر و الكروس فوكس اللي وكيل فولكس راح جبهم 2 سنه فقط
وبعدين اصحابهم بيغنوا ظلموه .

تحياتي

تحياتي ليك

كل الوكلاء في مصر بلا استثناء يغلب عليهم الطمع والجشع والجري ورا المكسب...انا كنت بتكلم على العربيه انها اول كام شهر ليها وبقولك توقعاتي بناءا على استخدامي للعربيه وبناءا على ريفيوهات عالميه للعربيه.العربيه كان ممكن تحقق اكبر مبيعات لو الوكيل نفسه ناصح.لكن الوكيل تقليدي جدا وماشي بالسياسه القديمه للتسويق بمعنى انه ساب العربيه تسوق نفسها وبعدين لاحق عليها .العربيه حتثبت نفسها غصب عنه للاسباب اللي قلتلك عليها ولان موتورها مشترك مع اخواتها الجوك والقشقاي والتيدا وخلافه.العربيه مش زي النيسان الصني الفئه الي تحتيها صالون في نفس الماركه وكلنا عارفين الضجه اللي حصلت في الماضي بسببها.عشان كده حتاخد وقتها وبعدين تنتشر بالتدريج.لو الوكيل كان فكر صح من الاول كان اكتسح بيها السوق.لكن انا خالفتك فقط في الربط بينها وبين موديلات ماينفعش تتقارن بيها للاسباب اللي قلتها.

تحياتي