ارجو المساعده ماذدا 3 ولا كورولا

[coolhero]

محتار بين ماذدا 3 الفئه الاولى و كورولا 2015 الفئه الاولى

[محمد مجدي محمد]

المازدا 3 مفيهاش عيوب تماما
بس اعادة بيعها سئ و قطع غيارها غالية
بينما الكورولا
مفيهاش عيوب خالص
و اعادة بيعها ممتاز و قطع غيارها مش غالية
و انا من وجهة نظري ان الكورولا افضل سيارة في السوق المصري

[NaderNabil]

مافيش عربية مافيهاش عيوب تماما

المازدا ضيقة و خصوصا من الكنبة

موتورها ضعيف و فتيس ٤ سرعات فقط

صوتها عالي

[coolhero]

المواقع الاجنبيه محدش فيهم عاب في الموتور وقال انو ضعيف ممكن ضعيف بالعكس الناس بره كلو بيشكر فيها بس انا قلقان من الصيانه وسعر قطع الغيار

[mr.moustafa]

لو متزوج و عندك اولاد ابعد عن المازدا 3 ، ضيقة جدا

[Mohamed.Hany]

المواقع الاجنبيه محدش فيهم عاب في الموتور وقال انو ضعيف ممكن ضعيف بالعكس الناس بره كلو بيشكر فيها بس انا قلقان من الصيانه وسعر قطع الغيار

برة المازدا بتنزل بالموتور السكاي اكتف مختلف و فتيس مختلف عن اللي في مصر عشان كدة بيشكروا فيه .
لكن في مصر اللي موجود الموتور و الفتيس القديم و فعلا قليل عالعربية .
عموما المازدا بتتفوق في العفشة المالتي لينك و الثبات و الخامات و دقة الستيرنج و الهاندلينج .
اما ااكورولا بتتفوق في الموتور و الفتيس و استهلاك البنزين و الوسع ووسائل الامان و انظمة الثبات و التوكيل و اعادة البيع و توفر قطع الغيار .
بالتوفيق في اختيارك و العربيتين جيدين و لكن في رأي الاصلح في مصر هي الكورولا .

[coolhero]

شكرا على التوضيح