للأهمية القصوى

[karim2007]

الساده الأعضاء..
أسعد الله أوقاتكم..
نويت اشترى عربيه ف مصر انا مقيم ف دوله خليجيه .. اجازتي السنويه غالبا تكون ما بين شهر حتى 45 يوم .. وكنت بانزل بعربيتي جيب شيروكي موديل 2007 ( ليبرتي ) وقررت مؤخرا اشترى عربيه واخليها ف جراج مستقل لأجازاتي فقط .. وغالبا هاتكون عربيه العمر .. لان ألإيجار للأسف مش مجدي معايا لاعتبارات كتير وكلنا عارفينها ... المهم حاليا استفساري وسؤال للأخوة الأعضاء ... أي نوع من السيارات تكون عمليه جدا ف مصر من ناحيه المتانه والبرستيج والبنزين وقطع الغيار والصيانه ... والسعر حتى 250 الف وغالبا هاتكون اقساط من اى معرض او من البنك والمقدم من 50 الف حتى 75 ألف ... ام الأفضل شراء سياره مستعمله تؤدي الغرض لحين الانتهاء من السفر .. ولكن للأسف اجازتي صغيره ما فيش وقت لشراء المستعمل لان الاجازة كده هاتخلص واجراءات مصر ما بتخلصش .. ما هو الحل .. أفيدوني .. وجزاكم الله خيراً .....

[tarek zedan]

تويوتا كرولا هاى لاين يا باشا من الاخر ما شاء الله واتكل على الله والله اعلم

[abohend]

حرام زيرو

حرام زيرو عشان 45 يوم فالسنة
بعد 5 سنين لما تيجي هتلاقيها بقت زبالة و متقلبة
و مستحيل هتحافظ على حالتها

هات أي حاجة مشي بيها حالك أو عديها إيجار لحد متنوي تستقر
أبقى ساعتها هات عربية موديل السنة
أستخير المولى و بالتوفيق

[bluemail]

نصيحه اشتري عربيه مستعمله هتبقي افضل كتير
انت استعمالك ليها خفيف جدا وحرام تجيب عربيه زيرو وتركنها
بالمقدم ده ممكن تجيب اوبل فيكترا حاله نضيفه جدا وتريح نفسك من موضوع الاقساط
فكره تانيه , ممكن تشتري عربيه من عندك وتمشي بيها وتنزل بيها الاجازه وقبل 5 سنين تنزلها وتدفع لها الجمرك وترخصها وتسيبها في مصر هتوفر لك في الجمارك وهتبقي احسن من اللي هنا