مقارنة بين رينو لوجان و سيزوكي سياز

[M_KHATEEB]

السلام عليكم

ارجو المقارنة بين اللوجان الاوتوماتك اعلي فئة (الفئة الخامسة) وبين سيزوكي سياز

وارجو مقارنة موضعية علمية بعيدا عن الميول الشخصية

وهل السياز موتورها يعتبر ضعيف (95 حصان)

شكرا

[Ahmed emad has]

ثانية بس بعيد عن كل ده من قال ان موتور السياز 95 حصان

[haytham4444]

السياز تفرق فى المقارنة ....كماليات وقطع غيار وسعر مقابل الكماليات والشكل الخارجى والداخلى افضل والصيانة اسهل من الرينو ..وبالنسبة للموتور 1400cc موتور كويس جدا 95 حصان ...والسياز افضل سيارة فى الفئة السعرية من 100:130 الف ولسة على العموم مظهرش عيوبها لانها سيارة جديدة ...غير قرب دواسة البنزين من الكونسول و عدم اضائة ازرر تشغيل الزجاج ماعدا الخاص بالسائق و سوء الوكيل نسبيا فى الصيانة
دة رئيى الشخصى والله اعلم

[RAMYALI_1982]

السياز تفرق فى المقارنة ....كماليات وقطع غيار وسعر مقابل الكماليات والشكل الخارجى والداخلى افضل والصيانة اسهل من الرينو ..وبالنسبة للموتور 1400cc موتور كويس جدا 95 حصان ...والسياز افضل سيارة فى الفئة السعرية من 100:130 الف ولسة على العموم مظهرش عيوبها لانها سيارة جديدة ...غير قرب دواسة البنزين من الكونسول و عدم اضائة ازرر تشغيل الزجاج ماعدا الخاص بالسائق و سوء الوكيل نسبيا فى الصيانة
دة رئيى الشخصى والله اعلم

هى اية كماليات السياز اللى مش موجودة فى اللوجان اعلى فئة وبعدين ازاى تبقى احسن وانت مقلتش غير عيوب تقريبا

لصاحب البوست لو السياز فيها كماليات اكتر من انها جنوط اسبور 15 بوصة وتحكم فى الاضاءة الفوانيس من داخل المقصورة وفرامل abs & ebd و2 اير باج وشاشة تاتش 7 بوصة وتارة مالتى فنكشن وبلوتوث تليفون وميديا مثبت سرعة ومحدد سرعة وفوج لايت امامى وخلفى ومريات كهربا ذاتية التسخين لمنع الشبورة وكمبيوتر رحلات وتكييف تاتش و نافيجيتور وعجلة قيادة قابلة للحركة وكرسى السائق قابل للتعديل فى ارتفاعة وباركنج سنسور وسنتر لوك مزود باوتو لوك وازاز كهربا طبعا ومفتاح ايموبلايز فى الحالة دى اشترى السياز

[RAMYALI_1982]

بالمناسبة كمان بالنسبة لموضوع الفئة السعرية اللوجان اوتو اعلى فئة ب 117 بعد الافر برايس كمان والرسمى 112 1600 سى سى 110 حصان السياز ب 123 الف فمشعارف برضة ازاى السياز احسن فى السعر دة رأى وااه على ما اقول شهيد بدون تحيز وممكن كمان تروح اى معرض كبير تقارن بين العربيتين هاتستقر اكتر السياز فى راى ميزيتها الوحيدة انها اشيك من اللوجان وشكلها رياضى اكتر (شبة السيراتو الجديدة الى حد ما) ودى مسالة اذواق

[kar!m]

هى اية كماليات السياز اللى مش موجودة فى اللوجان اعلى فئة وبعدين ازاى تبقى احسن وانت مقلتش غير عيوب تقريبا

لصاحب البوست لو السياز فيها كماليات اكتر من انها جنوط اسبور 15 بوصة وتحكم فى الاضاءة الفوانيس من داخل المقصورة وفرامل abs & ebd و2 اير باج وشاشة تاتش 7 بوصة وتارة مالتى فنكشن وبلوتوث تليفون وميديا مثبت سرعة ومحدد سرعة وفوج لايت امامى وخلفى ومريات كهربا ذاتية التسخين لمنع الشبورة وكمبيوتر رحلات وتكييف تاتش و نافيجيتور وعجلة قيادة قابلة للحركة وكرسى السائق قابل للتعديل فى ارتفاعة وباركنج سنسور وسنتر لوك مزود باوتو لوك وازاز كهربا طبعا ومفتاح ايموبلايز فى الحالة دى اشترى السياز

دي كماليات مين فيهم؟

[bmwosama]

السياز اوسع ليس اكتر

[scientist9508]

على الرغم من انها حيره. . . . . الا اننى اميل للسوزوكى سياز اذا استطعت تدبير امر الصيانات الدوريه خارج الوكيل. . . ان لم تنجح. . اشترى الرينو

[RAMYALI_1982]

دي كماليات مين فيهم؟

دى كماليات اللوجان اعلى فئة ياباشا اللى بقولك انها مستحيل تكون فى السياز

[Abo_Mazen]

أنا مركبتش اللوجان ..بس أعرف واحد دكتور إشتراها وكان قبليها معاه كليو...العربيه تقفيلها تحسه تقفيل بير سلم ..وده اللي الدكتور وراهولي وده اللي أنا شفته مقارنة بالكليو لإنه كان راكبها فطبعا أول حاجه بيقارن بيها كانت الكليو ..طبعا الدكتور مش شاغله أوتو ولا مانيوال قد ما شغله التقفيل العجيب اللي واضح من الشركه المصنعه إن هي كانت عاوزه توفر بأي شكل عشان توصل المنتج للمستهلك بسعر قليل وخلاص ..يعني مثلا ..اللوجان الكبوت بتاعها ليه مساعد صغير كده عشان لما تفتحه تسيبه المساعد يفضل ماسك الكبوت عشان ما ينزلش ..ولازم وإنت بتفتح الكبوت تفضل ماسكه للآخر عشان لو سبته الكبوت هيفتح بسرعة بسبب قوة المساعد وهيخبط ..وطبعا المساعد ده لما يخف لازم يتغير وإلا الكبوت مش هيثبت على فتحته ..ثانيا مفصلات الكبوت باينه والكبوت مقفول ..ودي بصراحه بقى كانت حاجه غريبه جدا في العربيه ..إن المفصله باينه ..لدرجة إنك ممكن تطفشها مثلا بمفك جامد شوية هتلاقي المفصله طلعت معاك ..حاجه كمان ..عربية الدكتور كانت راكنه بوز في بوز مع عربيه ماروتي جنب رصيف..يعني الإكصدام في الإكصدام ..عيل بتاع 13 سنة كده يعني صبي صغير ..جاي يعدي معرفش يعدي ..وخصوصا إن العربيتين كانوا راكنين والبوزين لاصقين في بعض..قام عامل حركة فزلكه كده وقام ساند على كبوت الماروتي وكبوت اللوجان وناطط للناحيه التانيه عشان يعدي..لغاية هنا وعادي ..اللي مش عادي بقى إن كبوت الماروتي محصلوش حاجه ..وكبوت اللوجان قفع مكان ضغط إيد الوله عليه ..هو مش إتطبق ..لأ ..هو عامل زي تقفيعه كده صغيره ..وعشان العربيه زيرو فطبعا باينه إنها تقفيعه كده شكلها يعكنن وخلاص ..حتى عشان تستعدلها مش هتعرف لإنها أصغر من أنك تستعدلها ..وحلها إنها تاخد معجون وتترش ..يعني حاجه كده تعكنن شكل الكبوت من قدام ..مع إن كبوت الماروتي ولا حصله حاجه ..آه ..حاجه كمان ..كبوت اللوجان لو واقف في مكان مفتوح وهوا إبقى إمسكه عشان ممكن يتلوح لو سبته والهوا جاي جامد ..دي ملاحظات لواحد ركب لوجان موديل السنة بعد ما كان راكب كليو 2004 ..بصراحه السياز أنا شفتها في التوكيل ..صاجها بيفكرني بصاج الأسكنت أر بي أو صاج الإلنترا ..في نفس المستوى كده تقريبا

[MuhamedNabil]

اكبر عيب فى السياز هو الوكيل و يقابله توكيل قوى و فروع منتشرة فى اللوجان
العربيتين شكلهم حلو و اعتقد لن اللوجان اعلى شوية على الارض من السياز
رغم ان السياز يبانى الا انى اعتقد ان اعادة البيع مش حتكون كويسة باعتبار الفيتارا كمثال للقياس

[Abo_Mazen]

اكبر عيب فى السياز هو الوكيل و يقابله توكيل قوى و فروع منتشرة فى اللوجان
العربيتين شكلهم حلو و اعتقد لن اللوجان اعلى شوية على الارض من السياز
رغم ان السياز يبانى الا انى اعتقد ان اعادة البيع مش حتكون كويسة باعتبار الفيتارا كمثال للقياس

السياز هندي مش ياباني ..اللوجان مغربي مش فرنساوي ..توكيل رينوا أنا شفت مشاركات لناس ليهم تجارب غير طيبه معاه بالمره ..لا أعتقد إنه يفرق كتير عن مودرن موتوزر