رايكم في المقارنه بين (كروز ,ريو , سيراتو , جين 2 )

[qupid_forever]

السلام عليكم يا احلي اعضاء
انا معايا 110 الف وممكن ازودهم حجات بسييظه
ومحتار بين كام عربيه

_ شيفروليه كروز 2010
_ كيا ريو 2013 بفتحه سقف (سواء خليجي او وكيل )
_ كيا سيراتو 2010 خليجي
_جين 2 2013 او 2014
ممكن يكون ف موديلات تانيه انا مش واخد بالي منها المفروض تدخل ف المقارنه دي
بس انا محتار وعايز مقارنه بينهم وبين اي حاجه تانيه
من حيث الشكل وقوه الموتور والكماليات وقطع الغيار واستهلاك البنزين والشد علي الظريق وكمان اعاده البيع
انا بدور علي حاجه تجمع بين الفخامه والشياكه وف نفس الوقت شبابيه وتسد علي الطرييق
طبعا العربيات اللي زكرتها ممكن ميكنش ينفع المقارنه بينهم بس هما دول اللي بحبهم ولو حد ف تفكيره موديل يدخل ف المقارنه يا ربت يقول
اتمني الردوود والاراء عشان بجد انا بعت عربيتي ومحتاس مواصلات
الف شكر يا رجاله نايل موتورز

[qupid_forever]

ايه يا شباب 114 مشاهده ومفيش ولا تعليق

[monamize4]

اعتقد ان افضل اختيار من دول هى السيراتو
بس هات الفتيس الجديد (موديلات 2011 و انت طالع )

[إبراهيم المصرى]

ايه اللى يخليك تجيب مستعمل هات زيرو شارك 128 الف ج م زى الفل وتقفيل يابانى ولو مستعمل يبقى ﻻنسر برضه

[hanyyacot]

كمل على 110 لحد ما توصل ل 119 وهات جين 2 زيرو 2015 , الجديد احسن من اى حاجة وتريح دماغك , الجين 2 شبابية وشكلها شيك وادائها على الطريق محترم اوى

[scientist9508]

مهما كان اختيارك. . . فانا ضد فكرة المستعمل و خاصة انك لا تشترى كسر زيرو

[qupid_forever]

اعتقد ان افضل اختيار من دول هى السيراتو
بس هات الفتيس الجديد (موديلات 2011 و انت طالع )

طب يا تري اختيارك للسيراتو بناء علي دربه ولا راي شخصي
وطبعا الف شكر علي ردك

[qupid_forever]

ايه اللى يخليك تجيب مستعمل هات زيرو شارك 128 الف ج م زى الفل وتقفيل يابانى ولو مستعمل يبقى ﻻنسر برضه

بصراحه يا استاذ ابراهيم انا مش بحب اللانسر الشارك دي خالص
طبعا مع احترامي لكل مالكيها بس دي اراء

[qupid_forever]

كمل على 110 لحد ما توصل ل 119 وهات جين 2 زيرو 2015 , الجديد احسن من اى حاجة وتريح دماغك , الجين 2 شبابية وشكلها شيك وادائها على الطريق محترم اوى

والله يا استذ هاني انا من عشاق الجين 2 وطبعا كلامك ان الجديد احسن من كل حاجه صحيح جدا
ودا من ضمن القرارات اللي بفكر فيها بس برده بدور علي الفخامه مع الجري والقوه
مع العلم اني بدور علي جاده كسر زيرو
يعني مثلا الجين 2 قوه وعزم وشبابيه بس قطع الغيار وبحس انها ضيقه
الكروز فخامه الشكل مع القوه
الريو طبعا شكلها جديد ومش بقالو كتير وكماليات كتير بس بحس انها ورق شويه مش عارف
السيراتو بقه في ناس كتير بتقول العفشه ومع كل مطبب تحس ان العربيه بتتهبد طبعا الله اعلم بصحه الكلام دا
عن نفسي انا بعشق الريو سيدان والجين 2 والكروز
وعشان كده قلت اتناقش مع الناس هنا ونشوف ايه احسنهم وخصوصا من ملاك هذه العربيات لتعم الفائده
الف شكر علي ردك واسف علي الاطاله

[qupid_forever]

مهما كان اختيارك. . . فانا ضد فكرة المستعمل و خاصة انك لا تشترى كسر زيرو

علي فكره انا مش معني اني مختار كروز 2010
او ريو 2013 او جين 2013 انهم مش كسر يا باشا
يعني مثلا انا معروض عليا كروز 2010 هاي لاين كسر زيرو بمعني الكلمه مشيه 9 الف كيلو مفيهاش خربوش

ريو 2013 خليجي كامله جنط 17 كامله ماعدا البصمه ماشيه 22 الف كيلو برده بدون خربوش

جين 2 2013 ماشيه 20 الف كيلو

بس انا عايز اعرف اني احسن من العربيات دي لو افترضنا ان الحاله الهالمه ممتاره او كسر زيرو

نفسي ف مقارنه كامله بين الكروز 2010 والحين 2 والريو 2013 من حيث الاداء والقوه والعفشه وقطع الغيار وكل شي

الف شكر علي ردك ومستني منكم جمبعا يا رجاله نايل موتورز الافاده

[qupid_forever]

ايه يا رجاله انا مستني اراءكم والمقارنه بين الموديلات المذكوره
فين ملاك هذه السيارات