اذا سمحتم تنصحوني بالعربية المناسبة لظروفي في الموضوع ده

[rafeek633]

السلام عليكم
انا موجود في عمان دلوقتي وعايز اشتري عربية مناسبة لظروفي اللي هي كالأتي

1- بحتاجها في مشوار 300 كيلو رايح جاي مره في الاسبوع
2- فيه 30 كيلو في المشوار ده ترابه
3- محتاجها تكلفة صيانتها رخيصة علشان المرتب بعافية حبتين وبيتهيألي ارخص صيانه هنا الياباني على حسب ما اسمع
4- بيركب معايا زمايلي ومعاهم حاجاتهم الشخصية وممكن يكون العدد قليل يعني على حسب الظروف
5- معايا اسرتي هنا في عمان وبحتاجها برده للمشاوير الخفيفة جوه البلد

تنصحوني بعربية نوعها ايه بقى !!!!!!!!

[Adnfalcon]

معرفش سعرها عندك كام بس أرشحلك الشارك

[ibrahim sallam]

وعليكم السلام

مشوار 300 كيلو و30 كيلو ترابه

ومعاك زمايلك( يعني مش واحد) وكمان معاهم حاجتهم

ده انتي محتاج دبابه على كده ههههه

[Abo_Mazen]

النيسان باترول عندكم أخبارها إيه؟؟ ..والماهيندرا وصلت لكم ولا لأ ؟؟

[lamada]

طبعا كرولا

[a7medsh3rawi]

على حسب الميزانيه بتاعتك
الخليج كله شغال على الكورولا والياريس
والهيونداى ارخص حاجه فى الصيانه زى الالنترا والاكسنت
اسال ميكانيكى عندك احسن وهو هيقولك على الدنيا
وفى اختيارات كتير تانيه
السيراتو والمازدا3 واللانسر البومه والايمجراند7

[mr_green]

كرولا - كامرى - لو تقدر تزود هات برادو - راف

[rafeek633]

متشكر ليكم جميعا ..

لكن فيه ناس بتقول كورولا وياريس والنترا واكسنت ، فهل دي تستحمل الطرق الترابه ؟

وناس بتقول نيسان باترول ، انا مش معايا فلوس لكده والله

فهل فيه حاجه في نفس مستوي سعر الكورولا مثلا مستعمله وتستحمل الترابه زي الباترول ؟

[عبد الكريم]

تويوتا كورولا

او

سكودا

ترابية يعني طرق غير معبدة اشتري جيب تويوتا راف

[a7medsh3rawi]

فى فرق بين طريق تربه مش اسفلت
وده ممكن تمشى فيه بعربيه سيدان
وطريق رملى غير ممهد محتاج عربيه عاليه وده لازم دفع رباعى
مستعمل دفع رباعى
زى كيا سورينتو 2008 او راف فور 2006 او برادو 2000
او فورد اكسبلورر و ميركورى 2004
او جيمس انفوى و شيفروليه تريل بليزر 2002
واسعارها مش غاليه بس حاول تشوف حاجه حالتها نضيفه