Tweet
مطلوب عروسة على وجه السرعة و علشان محدش يفهمنى غلط العروسة طبعا عربية جديدة بس تكون اصيلة يابانى ابا عن جد 100% مش مخلطة ماليزى و لا تركى و تكون "أخلاقها" عالية يعنى متخبطش فى المطبات ......و تكون " حنينة" فى اكل المطب يعنى عفشة ناعمة وتحسسنى أنها " ثابتة" على الارض و ما يهزها الريح و أخيرا يكون ولى أمرها " التوكيل" يعتمد عليه فى الازمات و علشان احنا بنشترى عروسة أصيلة ميهمنيش لو معندهاش بلوتوث او كارت زكى ......اتقدمت لوحدة من عيلة السوبارو و بصراحة متتعيبش بس للاسف الحلو ميكملش ولى أمرها رامى طوبتها و سايبها من غير اكسسوار ولا غيار طب لما تقل اصلها ارجع لمين؟ رغم انها و الله اصيلة ومن عيلة كريمة كل مواتيرها بوكسر.....ما علينا المهر لحدود 250 الف جنية ....يعنى يا ولاد الحلال اللى يعترلى فى عروسة بالوصف ده يدلنى عليها ويبقى له الخير الثواب
Comment