ممكن تقترحوا عليا أيه من 30 إلى 35 الف

[Malika]

ممكن تقترحوا عليا
لو عاوزة عربية فى حدود 30 - 35الف..لانى معرفش واول مرة اجيب
عاوزة حاجة متبهدلنيش معاها


تم تعديل العنوان والنقل لقسم المقارنات
م ع 7

[A.Saad]

الماروتى ثم الالتو
ممكن الاونو او البرايد بس دول اقدم طبعا

[ابن خلدون]

الأولويات اولا و ثانيا و ثالثا

ربنا يباركلك و تلاقى العربية اللى نفسك فيها و عموما عربية بالسعر ده هتكون مستعملة يبقى تختار عربية صيانتها سهلة و قطع غيارها متوفرة ورخيصة .....عند الشراء لازم تاخد حد معاك يفهم فى فحص السيارات المستعملة بالنظر اولا ثم ترفع السيارة و تفحص من الاسفل طبعا لما تلاقى كل شئ مناسب تخطف رجلك على المرور و تتأكد من سلامة الاوراق و المخالفات لأن حصل نصب كتير فى اوراق مضروبة
أخيرا ركز فى الاولويات قبل الشكليات ودى أول عربية ( ربنا يباركلك فيها) هتكون بمثابة مدرسة تتعلم فيها وربنا يوفقك

[mohamed2002]

ماروتي
اونو
كيا برايد

[Ahmed abdkarim]

سكودا فليشيا

[Malika]

شكرا يا جماعة على ردكم
بس ممكن تقولولي مميزات وعيوب العربية اللى تقترحوها

ولو انا عاوزة حاجة كويسة اتعلم فيها وفي نفس الوقت تعد معايا شوية ممكن تكون في حدود كام كدة؟!

[tameromarw]

فيات تمبرا ..عربية واسعه عائلية .. شنطه كبيره .. ثبات كويس وقطع غيار متوفرة جديده واستيراد .. عربية اوربي إيطالي ومنها المصري. . انصحك بالكربيراتير منها لانه نفس موتور الشاهين وبتشترك مع الشاهين في بعض قطع الغيار ..ولان الانجكشن محتاج خبره شويه وسعرها ميزدش عن 35 الف

[Malika]

اكتر واحدة واسعة من جوة انهى ؟؟

[pepo2011]

اكتر حاجة واسعة هي التمبرا طبعا وممكن كيا برايد سيدان بنفس السعر اخرها 35000
ولو عاوزة حاجة صغيرة يبقي الماروتي والالتو والبرايد الهاتش

[Omar Sarray]

عاوزه عربيه مستعمله كويسه عندك 128 او شاهين مثلا او فيات تمبرا او كيا برايد عندك كتير