محتاااااار برجاء( صني ، بيجو301 ، سياز ) الافادة

[mostafaay]

اولا انا اخوكم مصطفى : عضو جديد في نايل موتورز
ثانيا : احب اشكر من ينتمي الى هذا المنتدى الرائع لاني استغفدت منه جدا جدا
ثالثا : انا ناوي اشنتري عربية جديدة وانتهى الاختيار الى

صني الشكل الجديد كليا facelift ( خايف من ضعف الصاج )
بيجو 301 ( خايف من التوكيل وقطع الغيار)
سوزوكي سياز ( خايف انها لسه جديدة ومحدش جربها )

فياريت حد يفيدني وخصوصا انها إن شاء الله عربيت العمر الطويل ( مش ناوي ولا معايا اغير

ومحدش يتوهني في الاختيارات يقول رائيه بوضوح علشان انا خلاص

[amr011111]

سياز والعربيه بتنتشر بسرعه وتقفيلها وخاماتها الداخليه احسن من الصنى

[hanyyacot]

استبعد الصنى , البيجو فى ناس بتقول عليها كويسة وناس بتشتكى من مشاكل , السياز محدش هايعرف يقولك عليها حاجة عشان لسه مش متجربة , لو فلوسك فى حدود ال 120 الف ممكن تشوف الجين 2 , عربية كويسة وثباته ممتاز وعوامل امان عالية يعنى هاتبقى كويسة فى السفر , لو رينج فلوسك وصل ل 140 الف , ممكن تشوف اللانسر شارك تانى فئة ومش اول فئة , وممكن تشوف التويوتا ياريس , معلش انا مش باتوهك , ولكن باقولك اللى هاعمله لو فى مكانك

[mostafaay]

استبعد الصنى , البيجو فى ناس بتقول عليها كويسة وناس بتشتكى من مشاكل , السياز محدش هايعرف يقولك عليها حاجة عشان لسه مش متجربة , لو فلوسك فى حدود ال 120 الف ممكن تشوف الجين 2 , عربية كويسة وثباته ممتاز وعوامل امان عالية يعنى هاتبقى كويسة فى السفر , لو رينج فلوسك وصل ل 140 الف , ممكن تشوف اللانسر شارك تانى فئة ومش اول فئة , وممكن تشوف التويوتا ياريس , معلش انا مش باتوهك , ولكن باقولك اللى هاعمله لو فى مكانك

مشكور على الاهتمام والرد بس انا خايف من السياز علشان موديل جديد

هروح للجي 2 اللي انا اساسا مكنتش عارف ماركتها ايه
بيتهيألي صعب اوي اخد القرار دا

[hanyyacot]

مشكور على الاهتمام والرد بس انا خايف من السياز علشان موديل جديد

هروح للجي 2 اللي انا اساسا مكنتش عارف ماركتها ايه
بيتهيألي صعب اوي اخد القرار دا

ههههههه , بس الفكرة ان الجين 2 عربية موجودة من 2007 ومتجربة ومعروف عيوبها ومميزاتها , وهاتعرف تلاقى ملاكها وتسالهم , وعموما جين 2 ماركة بروتون . عموما ده رأيى الشخصى اللى حبيت اشاركك بيه . وربنا يوفقك للخير.

[mody_halawa]

السوزوكى جميله جداااااااااااا

[scientist9508]

السياز افضل من كل السيارات محل المقارنه و لكن حاول قدر الامكان تدبر حالك بصيانتها خارح الوكيل

[monamize4]

صني الشكل الجديد كليا facelift ( خايف من ضعف الصاج )
بيجو 301 ( خايف من التوكيل وقطع الغيار)
سوزوكي سياز ( خايف انها لسه جديدة ومحدش جربها )

صنى طبعااااااااااااااااااااااااا
مشكلة الصاج الخفيف اهون بكتيييير من مشكلة قطع الغيار
دا غير ان الصنى فيها مميزات كتير و ليها مكان ف السوق

[fares_311]

أكيد السوزوكي سياز أو الجين2

[ابو هنا]

لو حضرتك بتسالني السؤال ده من سنة كانت المقارنة حتكون بين البيجو والصني ؟ كنت حقللك البيجو
اما الان وبعد نزول السياز للمنافسة ؟ فحقولك السياز وسيبك من موضوع انها جديدة وخوض المغامرة والتجربة
على فكرة انا معمولى سحر لحبي الشديد للبيجو 301 ، بس حبي لها لا يعمي عيني عن عيوبها ( عيوب موجودة في كتير من العربيات في فئتها السعرية )
جرب واركب الثلاثة سيارات وشوف حتلاقي نفسك فانهي واحدة