محتار بين صنى الجديد ولا افيو

[mahdyez]

محتار اشترى اى عربيه
من مجموعتين الاسعار متقاربه بينهم
المجموعه الاولى
صنى الشكل الجديد ام افيو ام اتراج
المجموعه الثانيه
اكسنت ار بى ام بيجو 301 ام لانسر قرش
ارجوا من اهل الخبرة والاعضاء ذوى الثقه ان يقفوا بجانبى من حيث المميزات والعيوب
وشكرا

[Ahmed emad has]

انا بقول سيبك من المجموعات دي واختار من دول (byd l3 senova a1 ) المجموعة التانية (سوزوكي سياز ) الصني الجديدة غالية اوي وتقفيلها زي الزفت و خامتها سيئه جدا جدا ووكيلها سيئ اما الافيو فدي حرام انك نفكر فيها موتور ضعيف جدا خامات رديئة جدا جدا جدا و اسوء وكيل في العالم ومفيش كماليات خالص فيها وكمان سعرها عالي جدا . الاتراج كويسة بس متتقارنش بكل دول لانها صغيرة جدا وموتور 3 سلندر 78 حصان وده ضعيف جدا اما اللانسر شارك كويسة جدا واحسن من الاكسنت لكن عشان تاخد كماليات معقوله لازم تشتري الفئة العالية كمان انا مش شايف فيها حاجة مميزة و البيجو توكيلها سيئ جدا و اعادة بيعها سيئة اما العربية حلوة لكن سعرها اعلي منها ابحث عن البدائل اللي انا قولتها هتلاقيها افضل كتير خاصا السوزكي والسينوفا

[Adnfalcon]

أفضلهم الشارك و ال301

[mhmdabdo]

الشارك و الافيو
وهم اكتر انتشار

[mahdyez]

انا بقول سيبك من المجموعات دي واختار من دول (byd l3 senova a1 ) المجموعة التانية (سوزوكي سياز ) الصني الجديدة غالية اوي وتقفيلها زي الزفت و خامتها سيئه جدا جدا ووكيلها سيئ اما الافيو فدي حرام انك نفكر فيها موتور ضعيف جدا خامات رديئة جدا جدا جدا و اسوء وكيل في العالم ومفيش كماليات خالص فيها وكمان سعرها عالي جدا . الاتراج كويسة بس متتقارنش بكل دول لانها صغيرة جدا وموتور 3 سلندر 78 حصان وده ضعيف جدا اما اللانسر شارك كويسة جدا واحسن من الاكسنت لكن عشان تاخد كماليات معقوله لازم تشتري الفئة العالية كمان انا مش شايف فيها حاجة مميزة و البيجو توكيلها سيئ جدا و اعادة بيعها سيئة اما العربية حلوة لكن سعرها اعلي منها ابحث عن البدائل اللي انا قولتها هتلاقيها افضل كتير خاصا السوزكي والسينوفا

ممكن بعض التفاصيل عن byd l3 senova a1 مع انهم صينى وانت عارف مشاكل الصينى

[Ahmed emad has]

ممكن بعض التفاصيل عن byd l3 senova a1 مع انهم صينى وانت عارف مشاكل الصينى

التفاصيل : senova a1 عربية انتجتها شركة بايك الصينية ودي من الشركات الصينية وتقوم بصناعة المرسيدس والهيونداي في الصين العربية موتورها ياباني 100% من صناعة متسيوبيشي موتور مايفك 1500 بيولد 115 حصان وفتيسها ياباني برضوا ونوعة aisin وفراملها abs ebd من شركة بورش الالمانية و بتتصنع وبتتقفل في الصين و خامات العربية لا تقل جودة عن خامات الكوري والهيونداي وده لان المصنع اللي طالعه منه بيصنع مرسيدس وهيونداي و وكيل العربية هو مجموعة القصراوي وده وكيل كبير وليه اسمه وهوا حاطت كل املة في العربية دي وعاملها اعلانات كتير و اعلي فئة اوتوماتيك سعرها 98 وفيه اوتو بسعر 89 ومانيول 82 و 78 وفيها كماليات كتير اوي زي فتحة السقف و شاشة تاتش ومالتي فانكشن و ليد و حساسات ركن ومطر ونور وحاجات كتييير بس العربية تصميمها مسروق من مرسيدس شوية خاصة من قدام .



Byd l3 اكبر مميزتها هيا انتشار الموديل السابق من العربية قصدي التاكسي يعني وده بيدل علي اعتمادية السيارة العالية وانها استحملت شغل التاكسي المرهق للعربيات جدا وكل سواقين التاكسي بيشكروا فيها جدا جدا اما السيارة نفسها فيها كماليات عالية جدا جدا جدا جدا اعلي مما تتخيل بكتيييير اوي وموتورها صيني تقليد موتير الهوندا و عامة موتورها شغال بخاصية الصمامات المتحركة vvl ييولد 107 حصان وفتيسها صيني dct ست سرعات و اغلب العربية مصري نظرا لانها بتتجمع في مصر سعرها مانيول 93 اوتو 104 والعربية تصميمها مسروق من تويوتا بس الصراحة شكلها حلو وال موديل انتشر في وقت قصير رغم التسويق السيئ جدا لوكيها اللي مش معروف واسمه الامل


اما بالنسبة لمشاكل الصيني فده خلاص مبقاش موجود دلوقتي اصلا حاليا الزيرو كلو مليان مشاكل في كل الماركات والغالي مشاكله اكترمن الرخيص بل الصيني مشاكله اقل و في راي بالرغم من تفوق byd النظري علي السينوفا الا ان انا بفضل السينوفا بسبب موتورها و فتيسها الياباني وفراملها الالماني وتقفيلها الصيني الممتاز