رينو لوجان ولا سوزوكي سويفت؟

[eng. mostafa]

ياريت رأيكم يا جماعة انهي احسن الرينو لوجان ولا سوزوكي سويفت؟

[eng. mostafa]

محدش عنده افادة يا جماعة؟

[memo_p910]

اللوجان فيها حاجه غلط مش مريحاني
السويفت افضل منها وممكن تشوف البونتو محترمه

[oufa182]

متابع ، ياريت اظهار عيوب الاتنين ومين فيهم احسن في السفر

[AboBassem]

اللوجان افضل

السيارة انتشارها كويس وعملية بالنسبة للطرق فى مصر

[hanyyacot]

اللوجان موتور اقوى , توكيل احسن , اوسع . ودى الحاجات اللى تتفوق فيها اللوجان على السويفت , السويفت ماعتقدش ان فى حاجة تتفوق فيها على اللوجان باستثناء الشكل لو كانت الهاتشبالك , مع العلم ان الهاتشباك او السيدان للسويفت مافيهمش شنطة , لو بتتكلم على السفر يبقى محتاج شنطة كبيرة يبقى طبعا مش هاتنفعك السويفت .
لو بتتكلم على ثبات فى السرعات فى السفر يبقى ماتجيبش اى واحدة منهم لان ثباتهم مش كويس . والله اعلم

[mirra]

خليك فى اللوجان و ان كنت حاسس ان سوزوكى سياز ممكن تضرب

[eng. mostafa]

قرأت عن الاتنين كتير, وأصحابها الاتنين بيشكروا فيها, بس اللي قدرت أجمعه عن الاتنين دلوقتي:

اللوجان فيها بعض عيوب التقفيل والناس بتظبطها في التوكيل وده مقلق الواحد شوية, استهلاكها في البنزين اعلي من السويفت وده عامل مهم جدا وخصوصا مشواري بين شغلي وبيتي كبير, وبالنسبالي حاسس ان شكل السويفت سيمبل اكتر واكثر شياكة من اللوجان

وبالنسبة للسويفت مقلقني الموتور بتاعها 1200 سي سي, والعربية مش منتشرة زي اللوجان كدة, أكاد أكون مبشوفهاش اصلا, وده مخوفني في قطع الغيار وكدة

بس لسة حقيقي محتار ما بينهم ومش قادر احدد انهي احسن

[eng. mostafa]

مفيش اراء جديدة؟

[scientist9508]

بسم الله الرحمن الرحيم

اخى الفاضل و الزميل المهندس مصطفى

لقد اشعلت مقارنة هى قايمة طول الوقت بالفعل و الكثير و الكثير من الباحثين عن سيارة جديده يواجهون هذه المقارنة بالفعل. ولكن المريح فى طلبك انك قد حددت بدقه ما تريده من السياره و هذا سيسهل كثيرا اجابة مطلىك.

ساعطيك ما لدى من علم فى نقاط بسيطه دقيقه

1 - ان كان حجم السياره هو الاهم بالنسبه لك (عدد افراد الاسره و كذلك عدد الامتعه) فلا تفكر فى السوزوكى لان لن يلبى لك هذا المطلب سوى الرينو

2 - ان كان استهلاك الوقود بالنسبه لك هو العنصر الاهم فاستبعد الرينو لان السوزوكى هى الفايزه

3 - ان كنت تهتم بسهولة و بساطة الصيانه فابتعد عن السوزوكى لان وكيل رينو افضل بكثير جدا من وكيل سوزوكى (بتجربة الاثنين فعليا)

4 - ان كنت تهتم بطول عمر المحرك و متانة السياره فان السوزوكى افضل من الرينو

انا لو مكانك (ولا افرض وجهة نظرى عليك و انما اقدمها لك) ساشترى السوزوكى ان كنت لا اعتنى بالنقاط التى تتفوق فيها الرينو على السوزوكى كثيرا و اتحمل فى مقابل ذلك مشقة الصيانات الدوريه بعيدا عن الوكيل.

هداك الله لارشد امرك و اقومه

السلام عليكم ورحمة الله و بركاته

[eng. mostafa]

بسم الله الرحمن الرحيم

اخى الفاضل و الزميل المهندس مصطفى

لقد اشعلت مقارنة هى قايمة طول الوقت بالفعل و الكثير و الكثير من الباحثين عن سيارة جديده يواجهون هذه المقارنة بالفعل. ولكن المريح فى طلبك انك قد حددت بدقه ما تريده من السياره و هذا سيسهل كثيرا اجابة مطلىك.

ساعطيك ما لدى من علم فى نقاط بسيطه دقيقه

1 - ان كان حجم السياره هو الاهم بالنسبه لك (عدد افراد الاسره و كذلك عدد الامتعه) فلا تفكر فى السوزوكى لان لن يلبى لك هذا المطلب سوى الرينو

2 - ان كان استهلاك الوقود بالنسبه لك هو العنصر الاهم فاستبعد الرينو لان السوزوكى هى الفايزه

3 - ان كنت تهتم بسهولة و بساطة الصيانه فابتعد عن السوزوكى لان وكيل رينو افضل بكثير جدا من وكيل سوزوكى (بتجربة الاثنين فعليا)

4 - ان كنت تهتم بطول عمر المحرك و متانة السياره فان السوزوكى افضل من الرينو

انا لو مكانك (ولا افرض وجهة نظرى عليك و انما اقدمها لك) ساشترى السوزوكى ان كنت لا اعتنى بالنقاط التى تتفوق فيها الرينو على السوزوكى كثيرا و اتحمل فى مقابل ذلك مشقة الصيانات الدوريه بعيدا عن الوكيل.

هداك الله لارشد امرك و اقومه

السلام عليكم ورحمة الله و بركاته

هو كدة انا في حيرة فعليا ما بين العربيتين

دلوقتي اللي بفكر فيه, الرينو عجباني في انتشارها وتقريبا واكلة السوق دلوقتي في الفئة بتاعتها والكل بيشكر في التوكيل بتاعها

وبالنسبة للسوزوكي عاجبني فيها اقتصاديتها للبنزين جدا, بس مش عارف الفرق بينهم كبير ولا لا, ومقلقني منها عدم انتشارها بالقدر الكافي لسة لحد دلوقتي مشوفتهاش مش عارف ليه وبرضه سمعة الوكيل بتاعها

ادامي عشر ايام هنزل اشوف العربيتين واركبهم واصلي استخارة ان شاء الله واتوكل علي الله

[scientist9508]

بسم الله الرحمن الرحيم

الاخ الفاضل و الزميل المهندس مصطفى

ادعمك ىقوه فى ان تصلى صلاة الاستخاره و ليقضى الله لك امراً رشيداً. . . .

ساخبرك بمجموعة من الاسله و الجابات علها تضى لك شى من الطريق

1 - اما عن سوالك بالفرق فى توفير الوقود كبير ام لا بين السوزوكى و الرينو؟
الاجابه: حسب المسافه. . . التوفير التراكمى للمسافات الطويله اكبر لصالح السوزوكى اكيد. . . كما ان التوفير داخل المدينه اكبر لصالح السوزوكى. . . . و لكن ان حسبت الفرق فى مسافة متوسطه ستجده متواضع. . . و ان كانت المسافه قصيره لن تجد فارق تقريباً

2 - السوال الثانى: هل عندك متسع من الوقت و ميسور من المجهود للبحث عن بديل لوكيل السوزوكى؟
الاجابه: ان كانت ظروفك تسمح بذلك فقد وجدت علاج للعيب الكبير للسوزوكى وهو وكيلها. . . و لكى اكون دقيق و منصف فاود ان اخبرك اننى اقوم بهذا بالفعل منذ صيانة 60000 و حتى صيانة 100000 مع ميكانيكى. . . واصدقك الحديث الامر مجهد و شاق و خاصة ان كنت مثلى تبحث عن قطع الغيار الاصليه و التى سيبخل عليك بها الوكيل بعض الشى حتى تذهب للورش الخاصه به.

3 - السوال الثالث: ان كنت مشغول و لاتجد عندك الطاقه النفسيه لانفاقها على السياره. . . فما هو الحل الامثل؟
الاجابه: الرينو. . . . . . تسلمهم السياره فى مركز الصيانه و انت مسترخى بان كل شى سيكون على افضل حال

اتمنى ان اكون قد اضفت لك شى مفيد

هداك الله لارشد امرك و اقومه

السلام عليكم و رحمة الله و بركاته

[eng. mostafa]

بسم الله الرحمن الرحيم

الاخ الفاضل و الزميل المهندس مصطفى

ادعمك ىقوه فى ان تصلى صلاة الاستخاره و ليقضى الله لك امراً رشيداً. . . .

ساخبرك بمجموعة من الاسله و الجابات علها تضى لك شى من الطريق

1 - اما عن سوالك بالفرق فى توفير الوقود كبير ام لا بين السوزوكى و الرينو؟
الاجابه: حسب المسافه. . . التوفير التراكمى للمسافات الطويله اكبر لصالح السوزوكى اكيد. . . كما ان التوفير داخل المدينه اكبر لصالح السوزوكى. . . . و لكن ان حسبت الفرق فى مسافة متوسطه ستجده متواضع. . . و ان كانت المسافه قصيره لن تجد فارق تقريباً

2 - السوال الثانى: هل عندك متسع من الوقت و ميسور من المجهود للبحث عن بديل لوكيل السوزوكى؟
الاجابه: ان كانت ظروفك تسمح بذلك فقد وجدت علاج للعيب الكبير للسوزوكى وهو وكيلها. . . و لكى اكون دقيق و منصف فاود ان اخبرك اننى اقوم بهذا بالفعل منذ صيانة 60000 و حتى صيانة 100000 مع ميكانيكى. . . واصدقك الحديث الامر مجهد و شاق و خاصة ان كنت مثلى تبحث عن قطع الغيار الاصليه و التى سيبخل عليك بها الوكيل بعض الشى حتى تذهب للورش الخاصه به.

3 - السوال الثالث: ان كنت مشغول و لاتجد عندك الطاقه النفسيه لانفاقها على السياره. . . فما هو الحل الامثل؟
الاجابه: الرينو. . . . . . تسلمهم السياره فى مركز الصيانه و انت مسترخى بان كل شى سيكون على افضل حال

اتمنى ان اكون قد اضفت لك شى مفيد

هداك الله لارشد امرك و اقومه

السلام عليكم و رحمة الله و بركاته

وعليكم السلام ورحمة الله وبركاته

ألف شكر لحضرتك علي تعاونك معايا, وبجد حضرتك بتفدني جدا, ربنا يجعله دائما في ميزان حساناتك, ومعلش استحملني في النقاش معايا, لاني بحاول اوصل لافضل حاجة

حتة البنزين دي, انا تقريبا همشي يوميا من البيت لحد الشغل رايح جاي حوالي 100 كيلو عشان حضرتك تكون معايا في الصورة, لاني ساكن خارج القاهرة وشغلي في القاهرة, يعني في الشهر كدة حوالي 2500 كيلو, يعني رقم كبير

ومن خلال تعليقات الناس عالسويفت لاقيت ان استهلاكها حوالي 17 كيلو لكل لتر, يعني هتستهلك بحوالي 380 جنيه بنزين شهريا, وبخصوص الرينو فاعتقد بتعمل 13 كيلو لكل لتر علي حسب ما قرأت يعني حوالي 500 جنيه, وده الفرق شهريا

نقطة كمان مهمة جدا كانت تايهة عن بالي, وهي ان طريقي خصوصا برة القاهرة مليان مطبات ومطبات عالية جدا وساعات بيكون الطريق غير ممهد من الاساس ومليان حفر, يعني محتاج عفشة قوية, فمش عارف انهي عفشتها اقوي

حاجة اخيرة انا مش من النوع اللي مستعد يلف علي ميكانيكي بصراحة, اخري حد تحت البيت او قريب يعني او التوكيل

وبشكرك علي سعة صدرك

[scientist9508]

وعليكم السلام ورحمة الله وبركاته

ألف شكر لحضرتك علي تعاونك معايا, وبجد حضرتك بتفدني جدا, ربنا يجعله دائما في ميزان حساناتك, ومعلش استحملني في النقاش معايا, لاني بحاول اوصل لافضل حاجة

حتة البنزين دي, انا تقريبا همشي يوميا من البيت لحد الشغل رايح جاي حوالي 100 كيلو عشان حضرتك تكون معايا في الصورة, لاني ساكن خارج القاهرة وشغلي في القاهرة, يعني في الشهر كدة حوالي 2500 كيلو, يعني رقم كبير

ومن خلال تعليقات الناس عالسويفت لاقيت ان استهلاكها حوالي 17 كيلو لكل لتر, يعني هتستهلك بحوالي 380 جنيه بنزين شهريا, وبخصوص الرينو فاعتقد بتعمل 13 كيلو لكل لتر علي حسب ما قرأت يعني حوالي 500 جنيه, وده الفرق شهريا

نقطة كمان مهمة جدا كانت تايهة عن بالي, وهي ان طريقي خصوصا برة القاهرة مليان مطبات ومطبات عالية جدا وساعات بيكون الطريق غير ممهد من الاساس ومليان حفر, يعني محتاج عفشة قوية, فمش عارف انهي عفشتها اقوي

حاجة اخيرة انا مش من النوع اللي مستعد يلف علي ميكانيكي بصراحة, اخري حد تحت البيت او قريب يعني او التوكيل


وبشكرك علي سعة صدرك

بسم الله الرحمن الرحيم

الاخ الفاضل و الزميل المهندس مصطفى

لقد قرات كلامك جيدا ثم قيمته تقييم جيدا. . . من ناحية الاستخدام. . . كلاهما سيفى بالغرض. . . من ناحية توفير الوقود. . . ارى ان الفرق المادى بسيط.

اخى الفاضل. . . انا اسافر بسيارتى مسافات كبيره (700 كم. . . و فى بعض الاحيان اقطع حوالى 2000 كم فى ثلاثة او اربع ايام) و هذا النوع من الاستخدام الثقيل هو الذى يظهر فيه توفير الكميات الكبيره من الوقود.

اما من ناحية المطبات فلا تقلق. . . كلا السيارتين مرتفعتين عن الارض بشكل مناسب جدا و لن تضرهما المطبات (ان شا الله)

من سماعى لكلام حضرتك. . . ارشح لك الرينو. . . على الرغم من اننى استمتع بالسوزوكى. . . .الا اننى علمت منك انك لن تحتمل مشقة الصيانه خارج التوكيل و هى بالفعل شاقه (عن تجربه عمليه).

هداك الله لارشد امرك و اقومه

السلام عليكم و رحمة الله و بركاته

[zohdy]

شوف اذا كنت بتسافر يبقا تختار بين العربيات 1500 سي سي او 1600 سي سي
وهنا ارشح ليك لوجان او زود شوية الجين2 احسن بكتير
وعمل حسابك انك تعمل الصيانة في القاهرة مثلا
واذا كنت لا تسافر 1200 سي سي جيده جيدا في المدينة
سوفت او اتراج او اي 10 مايجن كله محصل بعض
وحط معيار الوكيل الاقرب ليك

وشكرا