طلب نصيحة: شغال في السعودية وعايز عربية انزلها

[eljafari]

انا شغال في السعودية وعايز اجيب عربية انزلها مصر بعد سنة او اتنين

طبعا بدور على عربية تكون عملية وقطع غيارها متوفرة في مصر والسعودية لاني هستعملها في السعودية فترة بعد كده هنزلها مصر

انا بفضل العربيات الصغيرة زي الاكسنت واليارس والريو ودول اللي بفاضل بينهم

انا ميال للريو المكنة ال1400 لكن للاسف قطع الغيار والصيانة للكيا بوجه عام سيئة في السعودية كمان اسمع ان شكلها هيتغير قريب

الاكسنت بتنزل مكنتين في السعودية 1400 و 1600 انا شايفها عربية حلوة لكن برضه اسمع ان شكلها خلاص هيتغير واعتقد ان مصر المكنة 1600 اوتو بس اللي بتنزل

اليارس حلوة ضعيفة شوية لكن عملية ومنتشرة وشكلها مقبول بس ايه ظروف الصيانة في مصر انا معرفش حد يفيدني, وايه المكنة اللي موجودة في مصر هنا موجودة السيدان مكنة 1300 و 1500 والهاتش باك مش موجودة اصلا في التوكيل نادر لما بتيجي والهاتش باك مكنة 1300 بس




في كمان الكورولا والالنترا هما اختيار افضل بس انا مش ميال ليهم بسبب حجم العربية والزحمة والركنة وخاصة ان انا بتنرفز كمان بسرعه وبتقلب معايا النرفزة بغرز علطول وبعدين ممكن نتعور ومش عاوز حاجة تقيله في التصليح

وفي السيراتو والفلونس والبيجو 301 واللانسر الشكل القديم بس الكيا والريو والبيجو والميتسوبيشي خدماتهم وصيانتهم تعبانة جدا في السعودية

ممكن الصني برضه لكن الناس خوفتني منها وبالنسبة للصيانة هنا متوسطة مش حلوة ومش وحشه

الشارك المكنة 1600 مش موجودة موجود في السعودية مكنة 2000 بس عشان كده مستبعدة

رايكم تنصحوني بايه؟

[osa165]

اشتري من مصر احسن لما تنزل يعني ان شاء الله ، السيارات اللي قلت عليها دي 3 سنين استعمال في السعودية وبتجيب اخرها

[eljafari]

اشتري من مصر احسن لما تنزل يعني ان شاء الله ، السيارات اللي قلت عليها دي 3 سنين استعمال في السعودية وبتجيب اخرها

صراحة هي كل العربيات بتسيح في السعودية من الحر مش اللي انا قلت عليها بس

لكن العين بصيرة والايد قصيرة اجيب عربية هنا وعربية في مصر كمان بعد 3 سنين صعب

والمستعمل بيكلف كتير في الصيانة انا معايا اكسنت 2008 صراحة انا عايز اجيب جديد لاني لو فتحت فيها صيانة هتعدي العشرة عشان تتظبط وانا صراحة مش عاوز اصرف عليها ومش هتجيبهم في البيع ولامتقبل حالتها مع انها مش بطالة لكن الصيانة غالية جدا وسعر البيع منخفض جدا في السعودية

[م أحمد]

هات اى عربية تعجبك و اركنها لغاية لما تنزل
و اشترى واحدة تانية ب 10 او 15 الاف ريال و ما اكثرهم و افخمهم وقضى بيها مشاويرك

[عبد الكريم]

تويوتا

[eljafari]

هات اى عربية تعجبك و اركنها لغاية لما تنزل
و اشترى واحدة تانية ب 10 او 15 الاف ريال و ما اكثرهم و افخمهم وقضى بيها مشاويرك

فكرة اجيب عربية واركنها يبقى موديلها هيقدم وهي مركونة

[eljafari]

تويوتا

اول صوت بس هل قطع غيار اليارس والكرولا متوفرة كويس في مصر؟ واسعارها عاملة ايه؟

[fares_311]

اليارس والكورولا طبعا في السعودية ومصر وضعهم كويس.

[eljafari]

اليارس والكورولا طبعا في السعودية ومصر وضعهم كويس.

بس انا كنت حابب اعرف ظروف قطع الغيار متوفرة ولا لا وبعدين اسعارها عاملة ايه

[amr_naser]

شوف يا باشا اركب فى السعودية اللى انت عاوزة لما تنزل مصر اشترى منها وعلى فكرة الموضوع مفيش فيه توفير اطلاقا لان بعد دفع الجمارك وما شابهه حتلاقيها نفس السعر
وفكرة انك تجيب عربية وتركنها دى غلط كبير لان الجو الحر حيخلى اى حاجة كوتش تنشف ولما حتحب تستخدمها حتلاقيها محتاجة صيانة بملغ وقدرة
كمان انا معرفش انت قاعد فين فى السعودية لكن اللى اعرفة ان العربيات الصغيرة دى سيئة ومش بتاعة جرى
وانصحك انك تشترى حاجة من اول حجم الكورولا وانت طالع مش اصغر من كدة كمان انصحك تشترى يابانى وبس
اذا انت حتشترى عربية كاش ممكن تشوف لك حتة اكورد ولا كامرى او ممكن تشوف حجات جيب اذا حابب بس اهم شئ الحالة بتاعة العربية واذا تشترى تقسيط هات اللى يناسب مقدرتك
وربنا معاك ويكفيك كل شر
اما اذا انت مصمم على عربية تاخدها من السعودية لمصر عندك ( الكورلا - السيفك - السيتى - الالنترا - السيراتو - الفلورنس - داستر - مازدا 3 - يارس - فلوسيتر )
تحياتى

[swimmer25]

ياريس 1.5 بجنوط سبور مش التانية
أو كورولا 1.6 بس فيه فرق بينها وبين المصري في الفتيس والكماليات فإتأكد لو الخليجي هتنزل مصر وهتتوفر قطع غيارها وصيانة ليها يبقى تمام هي أفضل من الياريس
دول اللي هيسدوا معاك في الخليج ومصر ومش هيتأثروا كتير

[eljafari]

شوف يا باشا اركب فى السعودية اللى انت عاوزة لما تنزل مصر اشترى منها وعلى فكرة الموضوع مفيش فيه توفير اطلاقا لان بعد دفع الجمارك وما شابهه حتلاقيها نفس السعر
وفكرة انك تجيب عربية وتركنها دى غلط كبير لان الجو الحر حيخلى اى حاجة كوتش تنشف ولما حتحب تستخدمها حتلاقيها محتاجة صيانة بملغ وقدرة
كمان انا معرفش انت قاعد فين فى السعودية لكن اللى اعرفة ان العربيات الصغيرة دى سيئة ومش بتاعة جرى
وانصحك انك تشترى حاجة من اول حجم الكورولا وانت طالع مش اصغر من كدة كمان انصحك تشترى يابانى وبس
اذا انت حتشترى عربية كاش ممكن تشوف لك حتة اكورد ولا كامرى او ممكن تشوف حجات جيب اذا حابب بس اهم شئ الحالة بتاعة العربية واذا تشترى تقسيط هات اللى يناسب مقدرتك
وربنا معاك ويكفيك كل شر
اما اذا انت مصمم على عربية تاخدها من السعودية لمصر عندك ( الكورلا - السيفك - السيتى - الالنترا - السيراتو - الفلورنس - داستر - مازدا 3 - يارس - فلوسيتر )
تحياتى

كلامك مظبوط الموضوع مفيهوش توفير بل انك بتدفع فلوس زيادة

لكن العربية المستعملة على ايدك بتبقا عارف فيها مشاكل ولا لا

وفي حسبة تانية انك هتجيب عربية مستعملة او جديدة وعلى الاقل هتخسر فيها 10 الاف ريال اول سنة لو حبيت تبيعها مابين صيانة او عشان الموديل قدم لو جديدة بينما لو انت محافظ عليها ممكن تنزلها بعد السنة وتستفيد من تخفيض الجمرك وحاجة كمان انك لو هتجيب عربية مثلا كرولا هتعتبر بتدفع على دفعات يعني مش هتدفع ال200الف جنيه مرة واحدة واعتقد ان مبلغ زي ده مش صغير وطبعا الوضع في مصر مش امان قوي يعني ممكن الواحد يدفع ومايلحقش يركب اصلا وممكن تحط فلوسك برضه في مكان وترجع ماتلاقيهاش

على فكرة انا في الاول مكنتش محبز فكرة اني اجيب عربية من السعودية

حاجة اخيرة الدستر ماتنفعش تيجي من السعودية لانها بتنزل مكنة 2000 بس

[eljafari]

ياريس 1.5 بجنوط سبور مش التانية
أو كورولا 1.6 بس فيه فرق بينها وبين المصري في الفتيس والكماليات فإتأكد لو الخليجي هتنزل مصر وهتتوفر قطع غيارها وصيانة ليها يبقى تمام هي أفضل من الياريس
دول اللي هيسدوا معاك في الخليج ومصر ومش هيتأثروا كتير

دي اقرب فكرة ليا برضه
وممكن لو الاكسنت الجديدة نزلت فهيا اوبشن حلو

بخصوص الكورولا كلامك مظبوط الي في مصر غير الخليجي مصر بينزل تركي والسعودية اعتقد تايواني
وزيادة على الاختلافات اللي قلتها عاوز اقلك ان العفشة وطريقة تجميعها وتركيبها مختلفة تماما يعني لو رفعت المصري والخليجي جنب بعض هتحس ان العربيتين نوعين مختلفين مش موديل واحد

[swimmer25]

دي اقرب فكرة ليا برضه
وممكن لو الاكسنت الجديدة نزلت فهيا اوبشن حلو

بخصوص الكورولا كلامك مظبوط الي في مصر غير الخليجي مصر بينزل تركي والسعودية اعتقد تايواني
وزيادة على الاختلافات اللي قلتها عاوز اقلك ان العفشة وطريقة تجميعها وتركيبها مختلفة تماما يعني لو رفعت المصري والخليجي جنب بعض هتحس ان العربيتين نوعين مختلفين مش موديل واحد

بلاش الأكسنت غير معمرة ومش هتستحمل الخليج وتنزل تكمل بيها في مصر..كنت مأجر واحدة موديل 2014 ال 1600 وكانت جايبة بلي عجل وهي كانت تقريبا 40 الف كم بس

خليك في الياريس..كانت معايا موديل 2008 مستعملة واشتريتها من 2011 لحد 2013 في الإمارات ومكنش فيها غلطة وعمرها ما عطلت بيا وصيانتها سهلة جدا وقطع غيارها معمرة مع إنها كانت واخدة خبطة من تحت طالعة فوق رصيف وبعتها فقط عشان كانت الفاضية أتوماتيك بس إزاز مانيوال وبدون سنتر مش عشان حالتها
ده غير الثبات وعوامل الأمان اللي فيها أكتر من الأكسنت

[eljafari]

بلاش الأكسنت غير معمرة ومش هتستحمل الخليج وتنزل تكمل بيها في مصر..كنت مأجر واحدة موديل 2014 ال 1600 وكانت جايبة بلي عجل وهي كانت تقريبا 40 الف كم بس

خليك في الياريس..كانت معايا موديل 2008 مستعملة واشتريتها من 2011 لحد 2013 في الإمارات ومكنش فيها غلطة وعمرها ما عطلت بيا وصيانتها سهلة جدا وقطع غيارها معمرة مع إنها كانت واخدة خبطة من تحت طالعة فوق رصيف وبعتها فقط عشان كانت الفاضية أتوماتيك بس إزاز مانيوال وبدون سنتر مش عشان حالتها
ده غير الثبات وعوامل الأمان اللي فيها أكتر من الأكسنت

انا اسمع ان اليارس معمرة اكتر وهو حاليا انا ميال لليارس لكن انا عمري ماجربتها ممكن اجرتها يوم او اتنين بس انا بحس الموديل الجديد ضعيف جدا حتى اضعف من الاكسنت

لكن صراحة انا معايا اكسنت 2008 صراحة حمالة اسية برضه عربية قوية مش ضعيفة بس عايزه اللي يراعيها