استشاره: اكسل هاتشباك .. برايد .. سويفت .. كله مكيف

[a_ragab_itp]

اخواني واصدقائي الاعزاء جدا

الظروف حكمت ان اشتري سياره ثانيه في حدود ال 25 الف مع ضرورة ان تكون مكيفه علمأ بأن السيارة لن تسافر خارج القاهره اي كل المشاوير داخل القاهره وبالكتير ممكن تروح التجمع الخامس او الشيخ زايد من وسط البلد بس مهم جدا التكييف

لذا ارجو عمل مقارنه مختصره جدا بين الاكسل الهاتشباك والبرايد سيدان او هاتشباك و السويفت من حيث:
1- الاعتماديه
2- توافر قطع الغيار
3- كفاءة التكييف

وكمان فكرت اجيب واحده منهم مش مكيفه واركبلها تكييف ساندن الياباني جديد علي شان ممكن تكون المكيفه اصلا تكيفها تعب من طول المده ويكون زي قلته.

اشكركم مقدما

[a_ragab_itp]

ايه رجاله ،، ولا كلمه حتي ،،

[Abo_Mazen]

أي عربيه من العربيات اللي فوق دي بالتكييف ..هتعلى معاك عن الخمسة وعشرين ..تحك معاك في التلاتين كمان

[a_ragab_itp]

واذا عليت عن 25 ،، ايه رأيكوا مين افضل ؟؟

[Abo_Mazen]

إكسيل 94 وإكسيل 95 فيها منها 1500 كامله ..يعني باور وتكييف وسبويلر وفيها منها 1300 ودي فاضيه ..يعني لا تكييف ولا باور ودي كانت كوري ..معاك بقى من 96 لغاية 98 كانت مصري ده بالنسبه للإكسيل

السوزوكي سويفت 93 94 كانت ياباني ومكانتش نازله بباور ..كانت نازلة بتكييف بس ..ومعاك بقى من 95 لغاية 99 كانت مصري


شوف إنت بقى وإختار ..أنا إستبعدت الكيا عصفوره عشان معرفش تكييفها ظروفه إيه ..خصوصا مع المكنه بتاعتها ال 1100

[a_ragab_itp]

اشكرك شكرا جزيلااا