أيهما أفضل البيجو ولا الرينو

[GoldenEgyption]

سؤال لخبراء السيارات الأوروبية

أنا معايا بيجو 307sw موديل 2005 وبقالي فترة بفكر اغيرها برينو ميجان 2007 أو 2008 ولقيت ان السعر تقريبا واحد أو الفرق بسيط لأن سيارتي فبريكة بالكامل وحالتها كويسة .. فهل الرينو أفضل ولا أخليني مع البيجو وخلاص؟

[GoldenEgyption]

الموضوع بقاله 3 أيام ومفيش ولا حتى رد واحد

هم الخبراء راحو فين؟

[تامر.محمد]

البيجو و الرينو قريبين من بعض جدا و بالتالي القياس بينهم بيبقى حسب العربية نفسها

لأ ده ممكن كمان نقول حسب الحالة اللي تلاقيها من دي او دي

بالنسبة للميجان و ال307 فهما قريبين من بعض , اسعار قطع غيارهم متقاربة , دي فيها حاجات احسن و دي فيها حاجات احسن , الانتشار اظن لصالح الميجان , اظن و الله اعلم

مشاكلهم متقاربة برده , الاتنين فيهم نفس الفتيس , عموما اللي اعرفه راكب الاتنين بيقول ان الميجان كعربية احسن

بس في رأيي لو عربيتك مريحاك , مفيش حاجة تدعوك لتغييرها , لأنك هاتتعب على ما تلاقي حالة نضيفة , و يبقى فيه احتمالات تتدبس في عربية مش كويسة , و كل ده عشان تجيب عربية في نفس مستوى عربيتك

[GoldenEgyption]

شكرا أستاذ تامر

طالما الاتنين زي بعض في المكونات يبقى اللي اعرفه أحسن من اللي معرفوش :) ده كمان انا عندي ميزه إن العربية sw وبتساعدني أوي في السفر لأن شنطتها ماشاء الله تشيل أي حاجة

خلاص على بركة الله خليني كمان شوية لغاية ما ربنا يكرم بحاجة زيرو

[mhkorayem]

شكرا أستاذ تامر

طالما الاتنين زي بعض في المكونات يبقى اللي اعرفه أحسن من اللي معرفوش :) ده كمان انا عندي ميزه إن العربية sw وبتساعدني أوي في السفر لأن شنطتها ماشاء الله تشيل أي حاجة

خلاص على بركة الله خليني كمان شوية لغاية ما ربنا يكرم بحاجة زيرو

هو ده الكلام الصح
طالما مفيش مشاكل يبقى بلاش تغامر بالتغير بحاجه مستعمله