معروض عليا عربيه سيقيك من سيارات تخليص الجمرك فى بورسعيد

[ahawit]

غيه رايكم يا جماعه انا معروض عليا عربيه سيقيك من سيارات تخليص الجمرك فى بورسعيد الموضوع ده مضمون ولا لأ؟

[ouba2]

اتاكد من العربية و اوراقها الاول

[KOLIU2002]

كانت معواقين ولا ايه اصل العربيه
يعنى دخلت مصر ازاى؟

[ahawit]

أه كانت للمعاقين ومش عارف أتأكد أزاى من أوراق العربيه

[KOLIU2002]

حاول تاخد صوره الرخصه وشوف هى تبع مرور ايه واسئل عنها ولو معرفتش حاول بالرقم اى امين شرطه معرفه هيقومل بالازم وانتا عارف المقابل


لو ورقها سليم اعتمد على الله لو حسيت ان فيه لف ودوران كبر والبلد مليانه عربيات

[ahawit]

طب العربيه دى مضمونه ولا إيه؟

[Dr. Elsaadani]

ما انتى بعد ما تتطمن للورق حتكشف عليها

ولما كل حاجة تبقى تمام ادفع وخدها

ما تحيرش نفسك اطمئن الاول وبعدين اشترى

وعلى راى الزملاء البلد مليانة

[ahawit]

وأنا أطمن للورق أزاى بس يا جماعه وبعدين فى ناس قالتلى أن العربيه هتبقى بأسم الراجل اللى دخلت بيه مصر لمده معينه الكلام ده صحيح؟

[ahmedmaklad]

هو ممكن اعرف انت شفت العربية دي فين انا برده بحاول اشوف حاجة زي كده وو ممكن تقولي بكام و اية المطلوب منك

[ahawit]

أنا مشفتهش ده واحد قالى عليها وأنا لسه بفكر

[mexmarine]

العربيه لازم تكون بإسمك انت و لازم يتنازل عنها و تدفع مبلغ تحرير حوالى 10 الاف جنيه و هو هيتمنع يستورد عربيات بإسمه لمدة خمس سنوات,, العشر الاف جنيه يكونوا على ثمنها يا برنس و عادة هى بتون بمتوسط سعر السوق لكن الفرق فى الحاله بيكون كبير جدا و انت و شطارتك فى المعاينه ... انا لسه واحد صاحبى جايب اوكتافيا 98 بــ70 ألف خالصه مخلصه بإسمه ..

[shaddadfalcon1]

العربيات دي بتيجي علي اسم المعاق واي اوراق لازم المعاق بنفسه اللي يخلصها
وعشان تبقي بتعتك لازم العربيه ترخص
وعشان ترخص لازم المعاق يبقي معاه رخصه
وبعد كده تدفع 10 الاف ودول اسمهم فك حزر السياره
او متدفعش وتبقي العربيه باسم المعاق لمدة 3 سنين وبعد كده تبقي بتاعتك بس لو اتقفشت قبل 3 سنسن وانت اللي راكبها المرور هيرخم عليك

انا اعرف ناس كتير جابوها ورخصو وناس تانيين طالع عينهم مع المعاقين ولسه مرخصوش
بس معظمهم بيشكر في العربيه

بس انا عن نفسي مبنصحش بيها

اشتري من هنا احسن من البهدله

[KOLIU2002]

القرار ده اتلغى يا جماعه الموعوق بيعيد لك بيع العربيه بعد الترخيص على اسمه وتدفع مصاريف اسمها مصاريف فك الحظر علشان اى واحد يقدر يشتريها منه
المهم يكون الورق سليم يعنى الموعوق يقدر يبع العربيه فى نفس اليوم ئلى اشترها بيه بعد دفع غرامه فك الحظر وهى حوالى 9000 جنيه
اهم حاجه تشوف الورق ده كله وايصال فك الحظر وتكون الرخصه على اسم المعوق

[kaboo4]

انا حابب اقول معلومه علشان انا جريت فى الموضوع دة ابل ما اشترى عربيتى وهو ان مبلغ فك الحظر 9600 بالضبط دى اول حاجة
تانى حاجة بترفع قضية مش بطول اوى بتاخد فى حدود من ثلاث ل 6 اشهر علشان تسترد جزء من المبلغ لان المبلغ دة بيدفع على اى عربيه علشان تخلص و دة المفروض انه الحد الاقصى يعنى ممكن بعد ما تخلص القضيه و الى المحامى حياخد فيها 1000 جنيه كمان ممكن يرجعلك على الاقل 5000 من الفلوس الى دفعتها و اعرف واحد رجعلوا 6500 من الفلوس الى دفعها حاجة كمان نصيحة لو ليك معاق قريب ليك وواثق فيه اعمل الموضوع دة و انت مطمن بس غير كدة لا انصح علشان فيه حالات نصب كتيرة جدا بنحصل فى الموضوع دة و على فكرة العربيه فى الاخر بيكون سعرها اقل من السوق ب 5000 او 10000 بالكتير و الى مش بيعرف يخلص ورقة صح ممكن تبئى اغلى من سعر السوق و ممكن تبئى ادة بس يمكن الى بيرضيه نفسيا ان حلتها احلى فى الغالب

[zizophone]

طيب العربيات دي في انهي منطقة في بورسعيد ؟
انا سمعت ان في منطقة اسمها الاستثماري ودي بيبقي فيها عربيات استعمال الخارج حالتها نظيفة وموديلات 2000 لحد 2008 وبعد مابتدفع الجمرك بتاعها بتوصل ارخص من تمنها 5000 جنية بس حالة انضف
حد عند رائ يرد عليا ؟