ايه افضل عربية فى حدود 35000 جنية

[ممدوح سعيد]

السلام عليكم ورحمة الله

ان شاء الله ناوي اشترى عربية فى حدود 35 الف جنية
كنت عاوز اعرف ايه افضل عربية من حيث الاستهلاك وقطع الغيار والصيانة
وعزرا انا خبرتى قليلة جداا فى مجال السيارات فبرجاء مراعاة فرق الخبرة


وايه افضل ترشيح

هيونداى اكسنت
جيلي
اكسيل
سكودا فيليشيا
بيجو 307
جولف
كيا بريد
بيجو 504
فيات تمبرا
فيات ريجاتا
شاهين
بيجو 205

[Abo_Mazen]

إكسيل ..لإني ما بحبش العربيات الدفع الخلفي ..والتمبرا لو بتدور على الثبات والفخامه

[GoldenEgyption]

هيونداى اكسنت

الأكسنت عربية كويسة لكن بالسعر ده حتكون قديمة شوية يعني موديل من 98 ل2000 أكيد حتبقى ماشية كتير

جيلي

مكن تجيب باندينو 2010 لكن دي عربية صغيرة مش عائلية

اكسيل

سعرها في السوق أعلى من الأكسنت بالرغم من انها أقدم منها يعني بالسعر ده حتلاقي العربية موديل من 96-99

سكودا فيليشيا

عربية كويسة لكن ناشفة حبتين وبالسعر ده تجيب عربية موديل من 98-2000

بيجو 307

مستحيييييييييييل تقل عن 60000 بأي حال من الأحوال وحتبقى حالتها تعبانة

جولف

حضرتك كده بتبعد أوي بالموديل لأن السعر ده بالكتير أوي تلاقي عربية موديل 89-90

كيا بريد

عربية كويسة لكن حتلاقي موديلات 99-2000

بيجو 504

قدييييمة أوي

فيات تمبرا

متفرقش كتير عن البرايد في الحالة والسعر

فيات ريجاتا

عربية قديمة برضو

شاهين

عربية مش بطالة وقطع غيارها مش غالية بس السعر ده يجيبلك حاجة موديلات التسعينات

بيجو 205

بلاش أحسن


من الآخر كده أنا قولت لحضرتك تقريبا توضيح للعربيات اللي انت مرشحها .. لو عايز رأيى شوف العربية البروتون ويرا .. ممكن بالسعر ده تجيب عربية مكيفة موديل أوائل الألفينات وهي عربية كويسة ومشاكلها مش كتير على ما أسمع

تحياتي

[ممدوح سعيد]

الف الف شكر ليك على المجهود الكبير فى التوضيح