كورولا 2007 و لا شارك تانى فئه زيرو

[roffa1]

انا معايا كرولا 2007 1600 اوتو أول فئه عامله 113000 كم فابريكه بره و جوه كل حاجه فيها بحالة الزيرو ( بطاريه - كاوتش 5 فرد ميشلان - تيل - كل الصيانات فى التوكيل - تكييف رائع - نعومه لا توصف ) من الاخر كده مافيهاش غلطه و مريحانى الى أقصى حد -- ماعدا بعض الخدوش البسيطه نتيجة ان العربيه بتبات فى الشارع و انتم عارفين شقاوة الاولاد المصريين..
بفكر أبيعها بحوالى من 120 الى 125 ألف جم ( العربيات دى عندنا فى الصعيد ماسكه سعر جامد أوى و مطلوبه جدا ) ... بقول بأفكر أجيب بدالها شارك زيرو 2015 تانى أو تالت فئه . لكن خايف أندم على الكورولا .... أرجوكم النصيحه

[roffa1]

و لا واحد عنده رد ... هو السؤال محير للدرجه دة

[hugan]

هو يحير طبعا
لكن طالما عربيتك سليمه وحافظها وليها سوقها
يبقي خساره بيعها

[Ahmed emad has]

لا لا لا اوعا تبعها حتندم و بعدين صدقني اللي انتا ركبها احسن كتير بس برضوا 125 كتير اوي اوي عليها

[roffa1]

هو يحير طبعا
لكن طالما عربيتك سليمه وحافظها وليها سوقها
يبقي خساره بيعها

شكرا على النصيحه . انا فعلا مش هبيعها لانها مريحانى جدا و مش ضامن ان الشارك تكون فى نفس النعومه و كمان 113 الف كيلو متر ما يعتبروش شئ فى عمر مواتير تويوتا

[roffa1]

لا لا لا اوعا تبعها حتندم و بعدين صدقني اللي انتا ركبها احسن كتير بس برضوا 125 كتير اوي اوي عليها

لو حسبتها بعقلك فعلا ال 125 الف جم كتير أوى . لكن هو ده حال السوق المصرى . أدخل على contactcars و شوف الناس و التجار بيطلبوا كام فى الكورولا 2007 الجمل

[nabil saleh]

تويوتا 2007 بحاله عربيتك احسن طبعا من الشارك

[hanyyacot]

فى رأيى الشخصى العربية الجديدة افضل , على الاقل هاتريح نفسك وتشترى دماغك لمدة 5 سنين قدام من اى اعطال

[scientist9508]

فى رأيى الشخصى العربية الجديدة افضل , على الاقل هاتريح نفسك وتشترى دماغك لمدة 5 سنين قدام من اى اعطال

انا ادعم هذا الراى . . . السياره الجديده افضل بكثير و خاصة انك ستشترى سياره جديده قويه

[roffa1]

خلاص خلصت الردود

[arc_sherif_81]

السياره الجديده افضل
و خلي بالك الماسكه سعر النهارده اول لما تفتح بقها سعرها هيقع
الحق غير دلوقتي