تيدا 2015 و اقرب منافسينها

[D.R.Mahmoud]

السلام عليكم
تحية طيبة وبعد
انا بفكر فالتغيير وتعود على العربيات اللى قعدتها عالية ابتديت بالماتركس ومعايا كارينز
بعد استبعاد الكارينز والسبورتاج وال ix 35 علشان نفسى اخرج من الكورى رغم ان معنديش مشاكل فى تمن الفئة السعرية دى
وبعد استبعاد السوبارو xv والبيجو 3008 علشان انا من المحلة الكبرى والعربيات دى بتاعت القاهرة والاسكندرية فقط من رايى
وبعد استبعاد القاشقاى بسبب انها هورس باور قليل نسبيا ومش هحصل علية كامل الا ببنزين 95 ( دا اذا سلمنا حتى ان 92 مش هيعمل مشاكل بس مش هيدى الهورس باور كامل)
فدخلت على العربيات الهاتش باك ووجدت التيدا شكلها احلو جامد عن اللى قبلها وعالية حوالى 6 سم تقريبا عن العربيات السيدان بس مش عارف لية مش منتشرة ومفيش موضيع وتقارير عنها زى الصنى والقشقاى ,دا حتى السنترا اللى لسة مكملتش كام شهر ليها تقارير !!!
طب هل ليها مشاكل ولا هل فى عربيات فالفئة السعرية دى سحبة البساط من تحتها مثلا ولا ايية
برجاء شوية معلومات عنها وعن اقرب منافسيها وانهى الافضل وشكرا
ولو هى مش كويسة ,ممكن حد يرشحلى عربية تناسب ظروفى المذكورة وشكرااااااااا

[D.R.Mahmoud]

انا هخلى القشقاى الشكل القديم كسر زيرو اخر امل امامى لو ملقتش حاجى زيرو ولو انى كنت عايز زيرو وبردو منتظر رايكم

[dr.omar]

التيدا معايا من ٢٠٠٧ اقل كلمة تتقال فيها انهاممتازة
لكن سيدان مش عارف وضع الهاتشباك

[D.R.Mahmoud]

التيدا معايا من ٢٠٠٧ اقل كلمة تتقال فيها انهاممتازة
لكن سيدان مش عارف وضع الهاتشباك

ربنا يكرمك و يباركلك فيها
وفى انتظار مزيد من الاراء

[dr.omar]

بس للامانة عيبها ان الصاج ضعيف ودي مشكلة في موديلات نيسان كلها عموما

[hanyyacot]

التيدا عربية كويسة ولكن مشكلتها انها نازلة بسعر عالى زيادة عن قيمتها, يعنى من سنتين كانت ب 125 الف و فجأة بقت ب 165 الف , ودخلت فى شريحة تانية عربيات كتير فيها تكسب التيدا , عموما فى فى نفس الرينج البيجو 2008 وهاتديلك نفس احساس العربية العالية , وجودة و امان اوروبى وموتور قوى وخامات كويسة اوى, لو البيجو مش هايمشى عندك يبقى ممكن تشوف النيسان جوك , هى عربية عالية وكويسة ولكن يعيبها من وجهة نظرى سوء الخامات الداخلية و كمان ضيق الكنبة اللى ورا

[Hosam_Optrawy]

التيدا عربية كويسة ولكن مشكلتها انها نازلة بسعر عالى زيادة عن قيمتها, يعنى من سنتين كانت ب 125 الف و فجأة بقت ب 165 الف , ودخلت فى شريحة تانية عربيات كتير فيها تكسب التيدا , عموما فى فى نفس الرينج البيجو 2008 وهاتديلك نفس احساس العربية العالية , وجودة و امان اوروبى وموتور قوى وخامات كويسة اوى, لو البيجو مش هايمشى عندك يبقى ممكن تشوف النيسان جوك , هى عربية عالية وكويسة ولكن يعيبها من وجهة نظرى سوء الخامات الداخلية و كمان ضيق الكنبة اللى ورا

بالإضافه ان التقفيل اتنقل من اليابان للمكسيك وحاليا في الشكل الجديد بقى تايلاندى ومع ذلك السعر زاد جدا مش بيقل بدون اى تطوير كبير فى العربيه

العربيه اكبر ميزه فيها ان صالونها واسع غير كدا عربيه عاديه او اقل من عاديه كمان مقارنة بالسعر دا

أخيرا لو مجربتش قبل كدا تسوق عربيه بفتيس اوتوماتيك CVT فلازم تجربها قبل ماتاخد قرارك لأن الفتيس دا من أسخف ما يمكن

[hanyyacot]

بالإضافه ان التقفيل اتنقل من اليابان للمكسيك وحاليا في الشكل الجديد بقى تايلاندى ومع ذلك السعر زاد جدا مش بيقل بدون اى تطوير كبير فى العربيه

العربيه اكبر ميزه فيها ان صالونها واسع غير كدا عربيه عاديه او اقل من عاديه كمان مقارنة بالسعر دا

أخيرا لو مجربتش قبل كدا تسوق عربيه بفتيس اوتوماتيك cvt فلازم تجربها قبل ماتاخد قرارك لأن الفتيس دا من أسخف ما يمكن

تمام يا فندم الكلام ده , بس انا ليا تعليق صغير , الفتيس الcvt محترم جدا و فعلا توفيره فى البنزين كويس جدا وكمان مش بيحسسك بالنقلات , هو بس محتاج شوية تعود مش اكتر وبعدها مش هاتعرف تسوق غيره

[Hosam_Optrawy]

تمام يا فندم الكلام ده , بس انا ليا تعليق صغير , الفتيس الcvt محترم جدا و فعلا توفيره فى البنزين كويس جدا وكمان مش بيحسسك بالنقلات , هو بس محتاج شوية تعود مش اكتر وبعدها مش هاتعرف تسوق غيره

ال CVT محترم جدا طبعا ومعروف عنه الاعتماديه وقلة الأعطال

بس انا جربته على اكتر من عربيه مختلفه وبصراحه مش قادر ابلعه ولا اتأقلم عليه خالص

مع ان سواقتى ماتعتبرش رياضيه وعلطول مقضيها كيك داون وحرق ، بس في ابسط حاله لما تكون عايز تتجاوز حد او تعمل كيك داون لاى سبب هاتلاقى ال Rpm لزق فوق وصوت الموتور على ، إحساس سخيف جدا بالنسبالى ممكن غيرى يكون عادى بالنسبه له عشان كدا قولتله يجرب قبل ماياخد قراره

[D.R.Mahmoud]

شكرا لحضرتكم جميعا
بانسبة لل2008 انا اساسا معنديش مشاكل فالفلوس اجيب ال 3008 بس مش هتياى مناسبة للمكان
كدا مش هاينفع زيرو غير الكورى بردة للاسف السبورتاج والix
المشكلة ان انا مش كل شوية هغير عربية ومش عارف امتى هجرب حاجة تانية غير الكورى ...

[D.R.Mahmoud]

خلاص يا جماعة انا صرفت نظر عن التغيير و هفضل باللى معايا
وشكرا جدا على الروح الطيبة وعدم التاخر فالمشاركة بالراى

[hanyyacot]

خلاص يا جماعة انا صرفت نظر عن التغيير و هفضل باللى معايا
وشكرا جدا على الروح الطيبة وعدم التاخر فالمشاركة بالراى

ليه بس ايه اللى خلاك قفلت كده