ساعدوني من فضلكم عايزه اشترى عربيه ضرورى ومحتاجه رايكم

[Tasneem]

اولا معايا ٨٠٠٠٠ ومقدرش ادفع اكثر منها
ثانيا. اجيب مستعمل وإلا زيرو
أنا لِسَّه متعلمه السواقي جديد بس مقدرش اشترى واحده وبعدين واحده تانيه لما اتودك فى السواقه
ارجوا مساعدتكم

[ahmed asem]

تسنيم
رايي افضل حاجه اوبترا استعمال كويس عربيه كويسه واعاده بيع غير عاديه
الزيرو صعب حاليا بما انك سنه اولي سواقه

[Tasneem]

شكرًا أستاذ احمد

[م أحمد]

proton saga automatic

[scientist9508]

اكيد سياره جديده. . . المستعمل ممكن يجعلك تكره السيارات كلها

[John Silver]

80 الف كل الزيرو لايرقى للمستوى المطلوب الافضل مستعمل لكن بعد فحص وتدقيق ولايوجد في هذه الفئه السعريه افضل من الاوبترا الاوتو بظني 2006 - 2007

[Member 18]

لو مش هتسافرى ، ممكن سوزوكى التو جديد ، صغيره ولطيفه وسهلة فى الاول
وطبعا المستعمل ممكن يكون احسن بشرط انك تكونى واثقه فى العربيه اللى هتشتريها ، بس المستعمل فيه خطوره

proton saga automatic

هى بروتون ساجا لسه بتنزل ؟!!!!

[egyptiandiver]

Senova 1,3 model 2015 manual zero - Mitsubishi engine 98 horse power - good luck

[Tasneem]

Thanks all

[eng. mostafa]

بلاش مستعمل وخصوصا انها هتبقي انت وحظك وممكن تكرهك في حياتك, وكل شوية تلاقي حاجة حصلت فيها وانت مش عارفة السبب ومحتاجة تروح لميكانيكي وكهربائي وسمكري وموال, لكن لو عندك حد يعرف يشتري مستعمل وواثقة فيه ويعرف يجيب عربية كويسة يبقي تمام, لكن نصيحتي ابعدي عن المستعمل

ممكن تجيبي سوزوكي التو جديدة عربية حلوة ومبتصرفش وتستحمل وحجمها صغير وهتوفري كمان فلوس, بس طبعا هي مانيوال, لو عايزة حاجة اعلي ممكن تدفعي ال 80 الف مقدم وتقسطي الباقي علي سنة وتقريبا هتزيد الفين جنيه بس

[Mecha]

اومال بكام الماروتي والالطو

[Abo_Mazen]

لوجان ...هي اللوجان ...

[م أحمد]

لو مش هتسافرى ، ممكن سوزوكى التو جديد ، صغيره ولطيفه وسهلة فى الاول
وطبعا المستعمل ممكن يكون احسن بشرط انك تكونى واثقه فى العربيه اللى هتشتريها ، بس المستعمل فيه خطوره



هى بروتون ساجا لسه بتنزل ؟!!!!

أيه لزوم 4 علامات تعجب بس... و هو انا أصلا قلت زيرو؟ !!!!

[John Silver]

انتي عندك خيارات بالهبل بالمبلغ دا ،،، اوبترا 1600 موديل 2006 - 2007 ،،، في الفيرنا ال 2013 الاوتوماتيك كمان عربيه حلوه وكويسه للحريم بما ان دريكسونها خفيف بس مشكلتها لحد ال 120 ،،، في اختيارات كتير بال 80 الف بس اهم حاجه الفحص يكون معاكي واحد من قرايبك فاهم فالسيارات ويفحصها فحص كمبيوتر مش صعبه