سياز ولا صني فيس ليفت سوبر صالون .... ايهما أفضل؟!

[Hany A.moniem]

رواد المنتدى الأفاضل

بعد التحية

أنا بقارن بين سوزوكي سياز و نيسان صني فيس ليفت سوبر صالون . بصراحة انا كنت نازل امبارح اشتري السياز من عند أحمد مرعي اسكندرية لأني متابعها من مدة وكل ملاكها بيشكروا فيها بس وأنا هناك شفت لأول مرة الفيس ليفت الصني الجديدة.

فئة السوبر صالون تحديدا هي اللي لفتت نظري لأن فيها تقريبا نفس أوبشن السياز (ما عدا فتحة ال USB مش في الصني) بل تزيد عنها في السبويلر و الزجاج الملون و حساس الركن. و أرخص حوالي 2500 جنيه من السياز (باعتبار التسليم الفوري و الاوفر برايس).

السيلز فضل يشكر في الصني و يأكد ان مشكلة الفرامل اتحلت.

أنا لاحظت كمان انهم غيروا الكاوتش لبردجستون بدل الماكسس.

التوكيل في الاتنين تعبانين وأن كان مودرن موتورز بقالها كام شهر بتحاول تغير الصورة السلبية بتاعتهم مع ملاك السياز

أنا احترت الصراحة بدل ماكنت رايح أخلص في السياز دلوقتي محتار بين الاتنين و محتاج أخلص في واحده فيهم النهارده أ بكرة بالكتير.

أنا عايز أعرف ايهما أفضل في الثبات و نعومة القيادة و العفشة و اسعار قطع الغيار و سعر اعادة البيع مستقبلا هل فعلا مشكلة الفرامل دي اتحلت؟؟

[salam100100]

محتاجين واحد يكون جرب العربيتين ويبلغنا بتجربته

رواد المنتدى الأفاضل

بعد التحية

أنا بقارن بين سوزوكي سياز و نيسان صني فيس ليفت سوبر صالون . بصراحة انا كنت نازل امبارح اشتري السياز من عند أحمد مرعي اسكندرية لأني متابعها من مدة وكل ملاكها بيشكروا فيها بس وأنا هناك شفت لأول مرة الفيس ليفت الصني الجديدة.

فئة السوبر صالون تحديدا هي اللي لفتت نظري لأن فيها تقريبا نفس أوبشن السياز (ما عدا فتحة ال usb مش في الصني) بل تزيد عنها في السبويلر و الزجاج الملون و حساس الركن. و أرخص حوالي 2500 جنيه من السياز (باعتبار التسليم الفوري و الاوفر برايس).

السيلز فضل يشكر في الصني و يأكد ان مشكلة الفرامل اتحلت.

أنا لاحظت كمان انهم غيروا الكاوتش لبردجستون بدل الماكسس.

التوكيل في الاتنين تعبانين وأن كان مودرن موتورز بقالها كام شهر بتحاول تغير الصورة السلبية بتاعتهم مع ملاك السياز

أنا احترت الصراحة بدل ماكنت رايح أخلص في السياز دلوقتي محتار بين الاتنين و محتاج أخلص في واحده فيهم النهارده أ بكرة بالكتير.

أنا عايز أعرف ايهما أفضل في الثبات و نعومة القيادة و العفشة و اسعار قطع الغيار و سعر اعادة البيع مستقبلا هل فعلا مشكلة الفرامل دي اتحلت؟؟

سؤال حضرتك فالجون "ايهما افضل"
محتاجين واحد يكون جرب العربيتين ويبلغنا بتجربته

السياز منافس شرس لعربيات كتير مش بس الصنى

انا من ملاك الصنى , وهقرنها ما بينها وعربيتى السابقه نوبيرا مانيوال 2006 عملت بيها 11000 كم
الثبات: الصنى احسن من النوبيرا بفارق صغير
نعومه القياده : النيسان انعم بكتير والباور انعم بكتير
العفشه: الصنى احسن عشان اعلة من النوبيرا ومبقلقش من المطبات
قطع الغيار: اكيد النوبيرا ارخص من الصنى عشر مرات
الفرامل: الصنى اقوى من النوبيرا. مبشتكيش من الفرامل: عامل 10000 كم
اعاده البيع: معرفش
التكيف: النوبيرا بيسقع احسن من الصنى

انتظر ردود الاعضاء اللى جربوا العربيتين على الحقيقه

[hanyyacot]

هاقولك على خبرتى الصغيرة فى الموضوع وفى الحقيقة ما سوقتش العربيتين ولكان انا كنت باشترى من شهر كده ولفيت على كل الانواع اللى فى الرينج ده , الصنى حتى لو مشكلة الفرامل اتحلت ولكن يبقى فيها عيب واضح جدا , الا وهو ضعف شديد فى صاجها الخارجى , فعلا روح خبط على صاجها كده او حاول تزقه بأيدك وانت هاتشوف نتيجة مش هاتعجبك , انا بالنسبالى الموضوع ده يفرق معايا كتير , ممكن مايفرقش مع غيرى , السياز صاجها محمل او اتقل شوية من الصنى . حبيت بس انقلك وجهة نظرى الشخصية وربنا يوفقك للخير

[amr011111]

بالنسبه للثبات هما عربيات من الفئه المتوسطه يعنى لحد 100 هتبقى حاسس انك مسيطر عليها. من اول 120 وانت طالع هتلاقى لو فيه هوا شويه العربيه تبقى قلقان وانت سايقها

بالنسبه للخامات الداخليه فالسياز أفضل
بالنسبه لاعاده البيع السياز تعتبر لسه جديده فمش هتعرف اعاده البيع دلوقتى بس العربيه بشوفها كتير وده يدل انها ان شاء الله هتنتشر بسرعه
انما الصنى اعاده بيعها كويسه وبالتوفيق

انا لو منك هختار السياز

[fares_311]

أنا لو مكانك حختار السياز

[scientist9508]

ارى ان السياز افضل

[hugan]

السياز حاليا الافضل
يكفي ان العربيه مستورده خلاف التجميع المحللي بتاعنا
اللي علي ماتفرج

[ahmzd]

حيرة فعلا!!

1. العربيتين نفس المستوى تقريبا، كإمكانيات وكماليات وسعر!!
2. حاليا حتى التوكيل بتاع العربيتين بقى واحد وهو مودرن موتورز!!
3. انتشار الصني الكبير جدا جدا جدا، لم يشفع لها كثرة عيوبها المصنعية ومشاكلها الفنية، في حين أن حداثة السياز بالنسبة لسوقنا المصري - رغم مبيعاتها الجيدة إلى حد ما - لا يكفي للحكم الجيد عليها.
الخلاصة: أنا عن نفسي بالرغم من كل ما سبق، أكثر ميلا للسياز في هذه المقارنة، أما إن كانت إمكانياتك تسمح بالشارك ( والفارق ليس كبيرا للدرجة المزعجة ) فسيكون ذلك أفضل اختيار لأعوام خمس قادمة على الأقل.. والله أعلى وأعلم.

[drcobra]

انا لو مكانك
هفضل السياز والاهم عندى توفير البنزين واعتمادية سوزوكى

اما لو للسفر والسرعات العالية هروح للشارك وش

[salam100100]

السؤال الاساسى:
أنا عايز أعرف ايهما أفضل في الثبات و نعومة القيادة و العفشة و اسعار قطع الغيار و سعر اعادة البيع مستقبلا هل فعلا مشكلة الفرامل دي اتحلت؟؟

اللى جرب العربيتين ياريت يقلنا عن الفروقات ديه ياشباب
العضو الفاضل صاحب الموضوع لسه متجوبش عليه ومحتاج مساعدتنا

انا مش منحاز للصنى عشان انا مالك العربيه ديه لكن احب لما نفيد بعض, نفيد بعض بطريقه عمليه ومحايده

السياز فعلا لسه متجربتش بما فيه الكفايه, بقالها فتره صغيره جدا فالشارع المصرى
منقدرش نحكم على اداء العربيه بوضوح دلوقتى

الصنى بقالها 3 سنوات فالشارع وعرفنا عيوبها ومميزاتها هى ووكلها

انا مع العضو اللى قال لو تقدر تزود وتجيب الشارك, انا معاك, انا كان نفسى فالشارك بس الميزانيه مسمحتش وجبت الصنى ومش ندمان على اختيارى

لو حد جرب العربيتين ياريت يدينا انطبعاته عنهم
وشكرا

[active]

السياز فى رأيى