اختيار سيارة في حدود 170

[El Joker]

لو سمحت يا جماعة انا اسف بس دي المرة الرابعة اكب فيها موضوع ومعرفش اختار ايه بس انا محتار بين انواع كتير وخصوصا اني انا مش بفهم اوي في العربيات بس كنت عايز اعرف انهي احسن عربية من العربيات دي ومن حيث الوكيل وقطع الغيار
1-الانترا2016 1.6 A/T GL S/R MD دي الفئة التانية وانا حبيبها علشان فيها فتحة سقف زيادة عن الفئة التالتة
2-بيجو 2008 2015 ودي انا مهتم بيها جدا وخصوصا انها كاملة مش ناقصة حاجة ودي اول فئة
وهل السعر بتاعها لو بعتها السعر بيقل جامد ولا ايه وقطع الغيار بتاعتها متوفرة ولا ايه
3- كيا سول 2015
4- كيا سيراتو الفئة الاولي اتوماتك
5-هوندا سيتي
ولا اصبر شوية عن واجيب MAZDA 3
وياريت يا جماعة يكون في رد من الناس
وشكرااا

[ENG.MaRk]

مازدا 3 طبعاً و لو أسترا أو فلوانس يبقي تمام

[El Joker]

مازدا 3 طبعاً و لو أسترا أو فلوانس يبقي تمام

شكرا علي الرد بس لو مش هستني اجيب ايه من العربيات دي وانا بفضل ال بيجو2008

[Fawzy.Abdelnour]

الصبر طيب
هات المازدا

[yasser100]

المازدا 3 مشكلتها الوحيده موتور و فتيس تكنولوجيا قديمه , لكن باقى العربيه ممتاز , اجمل ديزاين و خامات داخليه محترمه

[Fawzy.Abdelnour]

نتكلم بصراحه.
و ده تفكيرى الشخصى, و اى تفكير تانى ليه كل احترام و تقدير.
حضرتك عايز ايه من العربيه؟؟؟
اعتماديه و عمر.. مازدا
اوبشنز..مازدا
قطع غيار.. متبصش على التجارى, انا كان معايا كورولا 1990 جابت موتور عشان اويل سيل الصباب جبته تجارى, من ساعتها اتعلمت اجيب الاصلى, و المازدا ضمانها 100.000 كم او 3 سنين.
شكل.. ازواق.
خامات.. مازدا اعلى من اى عربيه فى نفس الفئه, و بفرق كبير.
انا إن شاء الله هجيبها اخر السنه, بس الفئه التانيه, و دى اوبشنز و خامات زى bmw.
موضوع ان التوكيل يكون محترم, اللى اسمعه ان:
كيا محترم.
بيجو فى ناس كتير اشتكت منه.
هيونداى, توكيلها غبور, اللى هو وكيل مازدا, كويس.
هوندا معرفش الصراحه.
الهوندا السيتى خارج المقارنه, هوندا سيفيك هى اللى نفس الفئه.
و على فكره قطع غيار الكيا مش رخيصه قوى.
تحياتى.

[El Joker]

المازدا 3 مشكلتها الوحيده موتور و فتيس تكنولوجيا قديمه , لكن باقى العربيه ممتاز , اجمل ديزاين و خامات داخليه محترمه

شكرا لرد حضرتك طب ايه راي حضرتك في بيجو 2008 اول فئة ولا احيب النترا 2016 وخلاص ولا حضرتك تنصحني بايه

[El Joker]

نتكلم بصراحه.
و ده تفكيرى الشخصى, و اى تفكير تانى ليه كل احترام و تقدير.
حضرتك عايز ايه من العربيه؟؟؟
اعتماديه و عمر.. مازدا
اوبشنز..مازدا
قطع غيار.. متبصش على التجارى, انا كان معايا كورولا 1990 جابت موتور عشان اويل سيل الصباب جبته تجارى, من ساعتها اتعلمت اجيب الاصلى, و المازدا ضمانها 100.000 كم او 3 سنين.
شكل.. ازواق.
خامات.. مازدا اعلى من اى عربيه فى نفس الفئه, و بفرق كبير.
انا إن شاء الله هجيبها اخر السنه, بس الفئه التانيه, و دى اوبشنز و خامات زى bmw.
موضوع ان التوكيل يكون محترم, اللى اسمعه ان:
كيا محترم.
بيجو فى ناس كتير اشتكت منه.
هيونداى, توكيلها غبور, اللى هو وكيل مازدا, كويس.
هوندا معرفش الصراحه.
الهوندا السيتى خارج المقارنه, هوندا سيفيك هى اللى نفس الفئه.
و على فكره قطع غيار الكيا مش رخيصه قوى.
تحياتى.

شكرا جدا انا استفدت من كلام حضرتك جدا طب ايه هي مواصفات اول فئة في المازدا وسعرها كام
واول فئة احسن من اي عربية من اللي انا كتبهم صح طب بالنسبة لقطعالغيار ايه ظروفها متوافرة ولا لا
واسعارها ايه وتستحمل السفر الشغل التقيل

[Fawzy.Abdelnour]

شكرا جدا انا استفدت من كلام حضرتك جدا طب ايه هي مواصفات اول فئة في المازدا وسعرها كام
واول فئة احسن من اي عربية من اللي انا كتبهم صح طب بالنسبة لقطعالغيار ايه ظروفها متوافرة ولا لا
واسعارها ايه وتستحمل السفر الشغل التقيل

مش عارف ابعت الملف هنا
بعتلك رساله خاصه

[meka1990]

من الاخر انت عايز ايه من العربيه ؟ اعتماديه الياباني مفيش عليه اي مشاكل الفرنساوي امان و تقفيل و خامات بس سعر اعاده بيع ضعيف و مش اي حد يشتغل فيها و قطع غيار نادره هتقولي هصلح في التوكيل هقولك ماشي مش مشكله بس مرايه ازازها يتكسر اكصدام يتشرخ حاجات مش مستاهله المشوار للتوكيل او الارقام الخياليه اللي هتسمعها العملي و اللي ناس كتير بتفضلوا الهيونداي اينعم ضعيفه شويه لكن بتادي الغرض , لازم تحدد الاول انت عايز ايه من العربيه و انا شخصيا لو قدامي الاختيارات دي هجيب السيتي عشان المازدا اغلي و الهوندا متور و ثبات و فرامل ممتازين بصراحه و الشكل الجديد حلو من جوه