بعد ارتفاع سعر الرينو ,,, مقارنه بين لوجان & بيجو 30 &سوزوكي سياز

[unoman]

السلام عليكم ورحمه الله وبركاته

توكيل رينو زود الاسعار كالعادة وطبعا مع الاوفر برايس الاسعار اصبحت متقاربة فوق ال 123 الف

المقارنه بين اللوجان او الاستيب واى ,, والسياز ,, والبيجو

قطع الغيار

الاعتمادية

مشاكل الفرامل

الصاج

التوكيل

اعادة البيع

الوسع

الشنطة

[amr011111]

طبعا بلا جدال السياز. اللوجان اول لما نزلت كانت نازله علشات تتافس الفيرنا واللانوس.
الشىء التانى ازاى الجمارك عليها صفر وتبقى بالسعر ده

[unoman]

شكرا ليك
بس بالنسبة للصاج ؟؟؟
ومالها البيجو ؟؟ مش قوية المفروض؟؟

[khairat hammad]

رينو ستيب واي

[scientist9508]

بسم الله الرحمن الرحيم

اخى الفاضل اونومان

1 - لى تجرية مع البيجو 301 لصديق لى و لذلك لا ارشحها لك. و لكى يكون كلامى دقيق فانى ارى انها لا تستحق ثمنها وارى انها صناعة غير متقنه.

2 - كما اننى ارى ان اسوزوكى افضل و اعلى من الرينو (كل فى شريحته) و لكن للاسف تتاخر السوزوكى كثيراً فى مقارنة التوكيلات وهذه هى اكبر عقبه قى تسويق السوزوكى.

3 - لذلك ان كنت تصبر على الوكيل الفاشل لسوزوكى فى مقابل استمتاعك بسياره افضل و اعلى فان مقصدك هو السياز

4 - ان كنت لا و لن تحتمل الوكيل فابتعد عنها تماماً لانها ستنهار منك حتماً و ذلك لسببين:
1 - قطع غيار ليست متوفره لان السياره جديده
2 - تكنولوجيا جديده و لا نعرف صدقاً مدى امكانية تعامل الميكانيكيه معها خارج الوكيل

الملخص:

1 - خروج البيجو 301 من المنافسه
2 - المقارنه بين السياز و الرينو ليست مقارنة سياره باخرى بل هى مقارنة توكيل باخر
3 - السياز اعلى و افضل من الرينو

هداك الله لارشد امرك و اقومه

السلام عليكم و رحمة الله و بركاته

[RAMYALI_1982]

هات اللوجان اوتو اعلى فئة احسنهم واكترهم اوبشنز هاتلاقى فيها حاجات بتكون فى العربيات العالية اوى اللى فوق ال 200 الف زى مثبت السرعة الشاشة التاتش والسنسور بارك دة تفسير ورد على الاسئلة اللى بتقول انها فئة نازلة تنافس الفيرنا واللنوس لا يا سادة السيارة ب120 امكانيات سعر من 140 ل 160 الف وهذا هو فرق الجمارك بعنى تانى مستحيل تلاقى المكانيات دى بالسعر دة واللة الموفق

[active]

شوف السياز يافندم هاتتبسط منها

[unoman]

شكرا جدا ليكم
كانت المقارنه الاول للستب واى من وجه نظرى
بس بعد الارتفاع الغريب لسعرها الغير مبرر والغير منطقى طلعها من الحسابات بالاخص بعد العيوب الى فيها والتوكيل مش عارف يحلها
وبالنسبة للاوبشن الى فيها اى عربية صينى فيها برضة اوبشن زيها ,,
للاسف التوكيلات فى مصر شوهت كل حاجة

[RAMYALI_1982]

شكرا جدا ليكم
كانت المقارنه الاول للستب واى من وجه نظرى
بس بعد الارتفاع الغريب لسعرها الغير مبرر والغير منطقى طلعها من الحسابات بالاخص بعد العيوب الى فيها والتوكيل مش عارف يحلها
وبالنسبة للاوبشن الى فيها اى عربية صينى فيها برضة اوبشن زيها ,,
للاسف التوكيلات فى مصر شوهت كل حاجة

هى اية العيوب اللى فيها اللى ملهاش حل

[unoman]

كامثلة بسيطة
قطمه الدريسكيون
خبط العفشة
تيل الفرامل
ومع بساطتهم بس التوكيل كعادته ,,,

[fadymedhat]

انا جربت ال 301.....بصراحة عربية فاشلة و خفيفة جداااااااا....
اللوجان بصراحة مدفعش فيها اكتر من 100 الف
السياز مجربتهاش بس ملاحظ ان سعرها مناسب جداااا و انتشرت جامد الايام دى..

[unoman]

غالبا الكل اتفق على الرائى دا
انه اللوجان كان ميزتها فى السعر لانها فيها امكانيات حلوة بس عيوب برضة حلوة ههههه ولانها بتقف على الوكيل من 70ل80 بس ..
البيجو عيوبها قاتله للاسف
السياز هى الافضل فى الحاله دى مع انى مقلق جدا من الصاج

[mth3000]

معلش ممكن اعرف ايه عيوب الرينو والسياز عمله كام دلوقتي مع الاخذ في الاعتبار اني سمعت انها مش ياباني وتصنيع بلد تاني مش فاكر ايه بصراحة وشكراً

[hanyyacot]

لو فى نفس الفئة السعرية ولو مش مقتنع بالاختيارات دى , ممكن تشوف الجين 2 وتسأل عليها اعتقد انها بتتلافى العيوب اللى فى العربيات التلاتة, هى توكيلها سئ بس مش اوى , يعنى فى توكيلات اسوأ منه بكتير ولكن انتشارها كويس وموجودة من فترة وسعرها مناسب دلوقتى . ده مجرد رأيى الشخصى

[scientist9508]

انا جربت ال 301.....بصراحة عربية فاشلة و خفيفة جداااااااا....
اللوجان بصراحة مدفعش فيها اكتر من 100 الف
السياز مجربتهاش بس ملاحظ ان سعرها مناسب جداااا و انتشرت جامد الايام دى..

هذا الراى هو المختصر الصحيح و المفيد