ساعدونى. جين 2 Vs لوجان هاى لاين Vs اكســنت ار بى

[crimson_153]

السلام عليكم :

دلوقتى انا مفروض اخد القرار فى خلال ايام . محتار جدا بين الـ 3 عربيات دول مع العلم ان الاغلى فيهم هى الاكسنت بـ 126500 و مستحيل اقدر ازيد عن الرقم ده.

المقارنه بين ( جين 2 \ لوجان هاى لاين \ اكسنت ار بى )

رأيكم هيحسم اختيارى فأرجو الامانه و الرد عن تجربه:

المقارنه من حيت
1- التسارع و السحب.
2- الثبات.
3- العفشه.
4- التكييف و مدى تأثيره على السحب.
5- استهلاك البنزين.
6- الكماليات.

مع العلم انى هسافر بيها كتير. اسف للاطاله وشكرا جزيلا.

[eng.m7md.ali]

لو هتسافر كتير وكل طرقك سفر يبقي الجين2 بلا منازع ..

[hanyyacot]

اول 4 نقاط فى صالج الجين 2 بلا منازع بفارق كبير عن الاتنين التانيين . استهلاكها للبنزين عادى و كماليات عادية برضه . لكن للسفر ممتازة كثبات و سحب و عفشة محترمة اوى و تكييف جيد جدا و تاثيره على السحب يكاد لا يذكر

[fadymedhat]

جين 2 افضل بكتير.......شكل و ثبات و تسارع.....
لوجان حجزها بقى اكتر من 3-4 شهور...مفيش تسليم فورى
ال rb خفيفة جدا و مش ثابتة و الفرامل ضعيفة

[scientist9508]

بسم الله الرحمن الرحيم

اخى الفاضل

قبل ان ابدا كلامى . . من فضلك اخرج الهيونداى اكسنت من هذه المقارنه تماماً.

الرينو اكثر رفاهية من الجين 2 و بفارق كبير و كذلك اوفر فى استهلاك الوقود من الجين 2 و وكيل افضل

لكن الجين 2 محرك اقوى من الجميع . . ثبات افضل من الجميع . . صاج اثقل من الجميع

انظر فى امرك لتتبين اي المميزات اهم بالنسبه لك.

ان كانت الرفاهيه اشترى الرينو

ان كان الادا القوى اشترى الجين 2

و مهما كان اختيارك او تفكيرك استبعد الهيونداى اكسنت

هداك الله لارشد امرك و اقومه

السلام عليكم و رحمة الله و بركاته

[crimson_153]

متشكر لردودكم .. لكن ممكن اعرف ليه النفور من الاكسنت بالشكل ده ؟؟ و هل ده عن تجربه ولا سمعه؟
مع العلم ان هى الاغلى فى الـ 3

[khairat hammad]

الجين تو
بس استهلاكها للبنزين عالي وواطية

[scientist9508]

متشكر لردودكم .. لكن ممكن اعرف ليه النفور من الاكسنت بالشكل ده ؟؟ و هل ده عن تجربه ولا سمعه؟
مع العلم ان هى الاغلى فى الـ 3

لأنه لا يقنعنى فى الأكسنت غير المحرك فقط . . . وإذا وضعت محرك قوى على سياره خفيفه فكأنك أعطيت سلاح نارى لمجنون . . . وهذه هى الأكسنت

[Sindibad]

انا فى نفس حيرتك بالظبط

عاوز اجيب سيارة فى حدود 120 الف ولقيت اللوجان والجين 2 والبرسونا ومعاهم النيسان الصنى والستروين اليزيه ب 126 الف دلوقت

الجين 2 عاجبانى كان معايا الواجا زيرو قبل كده وكان فيها مشاكل كثير وبعتها بالعافية لذلك خايف

اللوجان بحس انها سيارة عرض فقط لكن هى مش قوية وبتاعت استحمال لكن هى منافس قوى هى اوتو هاى لاين ب 119 تسليم فوري

الصنى الفيس لفت الجديدة ميزات بالهبل وعجنى الى حد ما النواكل الجديدة فى وشها والداخلى بتاعها اتحسن كتير لكن ثبات فى الباي باي فوق 120 كم س

ال ستروين هى هى البيجو 301 صحيح لكن سعر اعادة البيع زبالة وسمعة مش قد كده واوبشنز مش عالى قوي لكن ثبات وتقفيل احسن من اللوجان والجين -2 أو البرسونا

مشكلة انك عاوز تأخد كل حاجة دي صعبة قوي واللى بيحسم الموضوع الراحة النفسية لما تشوفهم واهم حاجة اللون لأن العربية لون زي ما الكورة أجوان

وبعدين السعر وبعدين التسليم وبعدين الأوبشنز

ولكم مني السلام

[eng.m7md.ali]

عاوز اجيب سيارة فى حدود 120 الف ولقيت اللوجان والجين 2 والبرسونا ومعاهم النيسان الصنى والستروين اليزيه ب 126 الف دلوقت

الجين 2 عاجبانى كان معايا الواجا زيرو قبل كده وكان فيها مشاكل كثير وبعتها بالعافية لذلك خايف

اللوجان بحس انها سيارة عرض فقط لكن هى مش قوية وبتاعت استحمال لكن هى منافس قوى هى اوتو هاى لاين ب 119 تسليم فوري

الصنى الفيس لفت الجديدة ميزات بالهبل وعجنى الى حد ما النواكل الجديدة فى وشها والداخلى بتاعها اتحسن كتير لكن ثبات فى الباي باي فوق 120 كم س

ال ستروين هى هى البيجو 301 صحيح لكن سعر اعادة البيع زبالة وسمعة مش قد كده واوبشنز مش عالى قوي لكن ثبات وتقفيل احسن من اللوجان والجين -2 أو البرسونا

مشكلة انك عاوز تأخد كل حاجة دي صعبة قوي واللى بيحسم الموضوع الراحة النفسية لما تشوفهم واهم حاجة اللون لأن العربية لون زي ما الكورة أجوان

وبعدين السعر وبعدين التسليم وبعدين الأوبشنز

ولكم مني السلام

انا كمان كان معايا واجا من الزيرو وكان فيها مشاكل كتير وبعتها بس بعتها عشان حادثة غير كدة مكنتش هفرط فيها ولحد دلوقتي زعلان عليها بس جبت gen2 عشان عارف البروتون مشيها ايه ومميزاتها ايه ... لو بصيت في الفئة دي مش هتلاقي غير الجين2 والباقي يااما خفيف جداً وفرامل وحشة زي الاكسنت يااما خفيفة وتقفيل مصري وفيها بردو مشاكل مقرفة في الفرامل وكمان شكلها مكعبر زي الصني ومثلاً عربية فيها مشاكل كتير في السحب والفتيس والفرامل وناس بتشتكي من الثبات بتاع البيجو 301 ... اعتقد كدة مفيش عربية تانية تتجاب غير gen2 او برسونا لان مشاكلهم عبيطة اوي وبتتحل بسهولة مفيش مشاكل في الفرامل ولا الموتور ولا الفتيس ولا معرفش ايه زي باقي عربيات الفئة دي

وحاجة كمان حضرتك لو قارنت اسعار الصيانة وقطع غيار الجين2 بالباقيين هتلاقيها ارخصهم

[تامر.محمد]

انا مع الرأي القائل
جين 2 لو المطلوب الاداء
لوجان لو المطلوب الرفاهية

[crimson_153]

متشكر جدا لردودكم و مساعدتكم .. انا النهارده روحت معرض عشان اشوف الجين .. اول حاجه لفتت انتباهى صوت موتورها العالى و ده معجبنيش .
و لما ركبتها حسيت ان خاماتها من جوه فقيره جدا .. للاسف انا مركبتهاش و هى ماشيه بس اسمع ان استهلاكها عالى للبنزين.و ده مش هيناسبنى لانى مشاويرى كتير يوميا.

انا مازلت ميال اكتر للاكسنت . كان نفسى لو حد معاه الاكسنت الجديده يقولى ايه اخبارها.

بس حاسس انها عمليه اكتر و هتريحنى فى الصيانه و البنزين و اعادة البيع بالاضافه انى مش من هواة الجرى فوق الـ 120
ارجو انى اكون موفق فى اختيارى و ماندمش .

و النقاش مازال مفتوح لجميع الاراء .. انا مبسوط بأرائكم ز شكرا جزيلا

[Sindibad]

انا كمان كان معايا واجا من الزيرو وكان فيها مشاكل كتير وبعتها بس بعتها عشان حادثة غير كدة مكنتش هفرط فيها ولحد دلوقتي زعلان عليها بس جبت gen2 عشان عارف البروتون مشيها ايه ومميزاتها ايه ... لو بصيت في الفئة دي مش هتلاقي غير الجين2 والباقي يااما خفيف جداً وفرامل وحشة زي الاكسنت يااما خفيفة وتقفيل مصري وفيها بردو مشاكل مقرفة في الفرامل وكمان شكلها مكعبر زي الصني ومثلاً عربية فيها مشاكل كتير في السحب والفتيس والفرامل وناس بتشتكي من الثبات بتاع البيجو 301 ... اعتقد كدة مفيش عربية تانية تتجاب غير gen2 او برسونا لان مشاكلهم عبيطة اوي وبتتحل بسهولة مفيش مشاكل في الفرامل ولا الموتور ولا الفتيس ولا معرفش ايه زي باقي عربيات الفئة دي

وحاجة كمان حضرتك لو قارنت اسعار الصيانة وقطع غيار الجين2 بالباقيين هتلاقيها ارخصهم

خايف اكرر تجربة الواجا كانت فيها 11 مشكلة كبيرة أذكر منها باور تقيل - دركسيون بيتهز هزه غبية لما تقف وانت ناقل الفتيس على ال درايف - حدفة يمين غبية حاولت اعالجها مفيش - بتسف بنزين بغباوة - موتورها بيتقل والسحب بيضعف لو شغلت التكييف - صوت الموتور عالى جدا لدرجة غبية - صوت عزل الريح الخارجى مرعب لدرجة انك لو وصلت ل 140 كم س بتحس انك على سرعة 200 مش 140 - سخونية جايه من الموتور تحت التابلوه لما متشغلش التكييف وانت قافل الهواية - حرارة تحت الكرسى اليمين جنب السواق لدرجة انها تخلي الدواسات تنشف - شنطة ضيقة لأن اتساع فتحتها قليل - فرامل مش جامدة قوي خاصة ان عزم الموتور شديد

مكانش فيها غير عزم عالى للموتور وثبات جامد ووسع الصالون وعفشة مريحة فى الخلف وتابلوه جلد شيك الى حد ما بالنسبة لسعرها

خايف انى أجيب الجين - 2 وألاقى نفس المشكلة ايه رأيك؟؟؟

[Sindibad]

متشكر جدا لردودكم و مساعدتكم .. انا النهارده روحت معرض عشان اشوف الجين .. اول حاجه لفتت انتباهى صوت موتورها العالى و ده معجبنيش .
و لما ركبتها حسيت ان خاماتها من جوه فقيره جدا .. للاسف انا مركبتهاش و هى ماشيه بس اسمع ان استهلاكها عالى للبنزين.و ده مش هيناسبنى لانى مشاويرى كتير يوميا.

انا مازلت ميال اكتر للاكسنت . كان نفسى لو حد معاه الاكسنت الجديده يقولى ايه اخبارها.

بس حاسس انها عمليه اكتر و هتريحنى فى الصيانه و البنزين و اعادة البيع بالاضافه انى مش من هواة الجرى فوق الـ 120
ارجو انى اكون موفق فى اختيارى و ماندمش .

و النقاش مازال مفتوح لجميع الاراء .. انا مبسوط بأرائكم ز شكرا جزيلا

سألت على سعر الجين -2 بكام؟ ممكن تعرفني من فضلك اي معرض كنت فيه ولك الشكر

[eng.m7md.ali]

خايف اكرر تجربة الواجا كانت فيها 11 مشكلة كبيرة أذكر منها باور تقيل - دركسيون بيتهز هزه غبية لما تقف وانت ناقل الفتيس على ال درايف - حدفة يمين غبية حاولت اعالجها مفيش - بتسف بنزين بغباوة - موتورها بيتقل والسحب بيضعف لو شغلت التكييف - صوت الموتور عالى جدا لدرجة غبية - صوت عزل الريح الخارجى مرعب لدرجة انك لو وصلت ل 140 كم س بتحس انك على سرعة 200 مش 140 - سخونية جايه من الموتور تحت التابلوه لما متشغلش التكييف وانت قافل الهواية - حرارة تحت الكرسى اليمين جنب السواق لدرجة انها تخلي الدواسات تنشف - شنطة ضيقة لأن اتساع فتحتها قليل - فرامل مش جامدة قوي خاصة ان عزم الموتور شديد

مكانش فيها غير عزم عالى للموتور وثبات جامد ووسع الصالون وعفشة مريحة فى الخلف وتابلوه جلد شيك الى حد ما بالنسبة لسعرها

خايف انى أجيب الجين - 2 وألاقى نفس المشكلة ايه رأيك؟؟؟

هو كان في فعلاً مشاكل من اللي حضرتك قولتها دي عندي مش كلها زي هزة الطارة دي من القواعد .. السحب الغلس مع التكييف وده اختفي في الجين2 الموديلات الجديدة من اول 2009 .. الفرامل انا بالنسبة ليا مكانش فيها مشاكل .. العزل مكانش كويس اوي بالنسبة ليا لان صوت الموتور مكانش واطي ولا ناعم والباور تقيل ده طبيعي في البروتون كله ..سفاحة بنزين فعلاً بس قبل ماابيعها بفترة اكتشفت ان عندي مشكلة في المنافولد وغيرته لقيت الاستهلاك اتظبط بس بعد 4 سنين استهلاك ههههههههههه وموضوع الحرارة ده مكانش عندي خالص


بس هقولك علي حاجة عايزك تجرب الجين2 وتشوف هتغير رايك ولالا هو انا من وجهة نظري الجين2 مش حلوة في العزل مع ان الموتور انعم من الواجا وملهوش صوت ملحوظ زي الواجا بس العزل عمتاً في صوت الهوا والاصوات الخارجية مش حلو .. وعيبها كمان انها ديقة وتقفيلها اقل من الواجا من ناحية جودة الخامات