محتار بين سيات ليون هاى لاين و اوبل استرا كوزمو

[hazemboss]

يا جماعه انا دماغى ساحت ، محتار جدا بين سيات ليون هاى لاين واوبل استرا او اى عربيه تكون فيها اوبشن كتير وثبات ، ياريت حد يفيدنى

[elagamy]

الاثنين ممتازين بس مع الاسف الاثين فيهم مشاكل فى الفتيس و السيات بنزين 95 و الاسترا غيرت شكلها فى الخارج
فى كيا اسمها كيا سيد ceed تقفيل اوربى منافس قوى لجولف ممكن تتفرج عليها فى فرع كيا ابو رواش و ربنا معاك و فيها جهاز اتزان الكترونى asp

[K.Ossama]

الليون سحب أحسن بالتأكيد من الاسترا
الاسترا عربية موازنة بين الشبابى والعائلى
فتيس الليون فى تحسن عن موديلات فولكس من كام سنة.
الاسترا حساسة جدا بنظافة البنزين بس مافيش مشكلة فى الفتيس.
وعلى فكرة شكل الاسترا الجديد لسة مانزلش فى أى حتة

[unl0veable]

الاسترا اتوكل علي الله

[AhmedAliGSF]

ممكن تتفرج علي رينو ميجان بلاى، عربية فيها أوبشن كتير و عملى جدا و شياكة داخلية و خارجية مع لمسة شبابية و ثبات والاهم الفتيس cvt و موتور نيسان زى اللى فى القشقاى القديم يعنى موتور و فتيس متجربين و مفيهمش اى مشاكل و بنزين ٩٢ و توكيل محترم جداً وسعرها ١٦٨ الف يعنى لو بتحب الفئة ديه يبقى ديه صفقة ممتازة كقيمة مقابل السعر...

بالتوفيق فى الاختيار ان شاء الله...

[mhmdabdo]

الليون المفروض 1400 بتنزل مصر 1200 بس زي ماتور الابيزا طب ازاي الابيزا فئه اصغر وفرق السعر كبير بس التوكيل خايف ينزلها بماتورها 1400 يبقي بيكتب شهاده وفات الجولف ف الليون ما تتركبش اصلا 1200 هتلك ابيزا احسن ودا اللي ناس بتعمله ولاحظ انتشار الابيزا عن الليون
استرا او ميجان بلاي

[hazemboss]

شكرا يا رجاله لردودكم بس انا الليون عجبانى اوى وللاسف مش عارف اخد قرار

[ahmzd]

شكرا يا رجاله لردودكم بس انا الليون عجبانى اوى وللاسف مش عارف اخد قرار

لو عاجباك اتوكل على الله وهاتها، بس بعد ما تصلي استخارة كذا مرة وخصوصا في الشهر المبارك اللي احنا فيه دلوقتي، وحاول برضه كمان تتفرج عليها بالتفصيل وتجرب سواقتها لو أمكن.. ورأيي إن الاختيار التاني كهاتشباك هيبقى ميجان بلاي.. ولو طلعت موضوع الهاتش من دماغك يبقى أسترا بلا منافس.. عربية تمشي شبابي وعائلي وفيها أوبشنز كتير، والأهم من ده كله فتيسها متجرب ومفيهوش مشاكل إطلاقا.. والله أعلم.

[Sadek5787]

بكام لو سمحت الكيا سيد في مصر؟